Yuána 6:7 - Fayam Midhab Yiesu Kiristoká He Hol Af Iđiny Kaanaká

⁷ Aalé Fílib mú ˈdéé hol ˈdú nie, kieye, Bíre hújíchle ram hí kúˈd naamaká ki ˈguom ka higían-, ˈguomle úba ki gál ˈdááballóóllá ke ki ˈjiingʼírinyka, hé gáál ma gaa ˈdony, yie.

Yuána 6:7 ပူးပေါင်းရင်းမြစ်များ

Matááyo 18:28

Kor gédéch kinaal yíé ˈdieká, máá éíy gedech ál kinaal úba hujich gaa nannie-, hí ewlé ninni-, bireká ˈgie mare hol gaa ˈgeˈgedhe. Mú argeká, đo mú ˈgiliˈgay, mú ˈgóó chiˈde, mú êw ˈdú moy, kieye, Ye ewchú kí hit, yie.

Márko 6:37

Aalé mu gáál ˈdéé hol ˈdú nie, kieye, Itín gáál hé geere shía, yie. Gaal mú geey, kieye, Hé kinaallá bíre máádhat hí ˈguiyam síet gaa kokuoká lullé beđita. Nyí seete, bíre kinaal nyí balashá gaalí kokuoká ká yíáta? yie.

Yuána 1:43

Aaléka, bííy éíy taaka ka biˈdeká Yíésu sieny Galilááya seseenká hí ká hileká, Fílib ˈdú sedhe, mú geey, kieye, Ye el gáá véer, yie.

Yuána 1:44

Fílib úba he máá Beđesaida, ény giri Ánˈduru ubaa Bétiro égetléká.

Yuána 1:45

Aalé Fílib Nadhániel ˈdú sedhe, mú geey, kieye, Máá héle Móshe hí warˈgasam hemuumurit Waaˈgiet gaa veere-, gál Waag hí ˈdeem ka shigicheká úba hí ˈdeenyle warˈgasam gaa veereká nyáá nyí argiyye. Máá kinaallá he Yíésu Nasaret-, iny Yuosefká, yie.

Yuána 1:46

Nadhániel mú ˈdéé hol ˈdú nie, kieye, Hoo! Násaret kín hé midhabká hé hí yé gáá ˈdeˈdeen? yie. Aalé Fílib mú geey, kieye, Káde, ílkú hí ko geeycho, mú yie.

Yuána 1:48

Nadhániel Yíésu yiete, Háte ye og? yie. Yíésu kieye, Fílib hátlé ko ma ka víiny-, kúún kinnach gaach gaa iđeká in yú ko arge, yie.

Yuána 12:5

Háteka sálábal gaalí mamadîny-, gaalí bíre ma ka yían-, bírelle gaalí gál he maamanká eiy ma gísinyal? Sáláballá bírellé hí yé ká ˈdeđichoká hé bíre hújíchle ram hí kúˈd seđeká muunîny? yie.