Yuána 6:5 - Fayam Midhab Yiesu Kiristoká He Hol Af Iđiny Kaanaká

⁵ Aalé Yíésu nyésébích guđoká hí ˈdú gáá yiimie-, argeká, đo Fílib yiete, kieye, Balasha gáláátallá hí kokuoká in ále ke gáá higidhdha? yie.

Yuána 6:5 ပူးပေါင်းရင်းမြစ်များ

Matááyo 15:33

Mú lalille kieye, Múún ˈbakate ki ija, ˈguom gál burnay ˈdááballóóllá gaa ˈdoyyoká ále ki gáá egee? yie.

Márko 6:32

Gaal tákámle kadich hile, ál gaa guđo-, gálaat mánká mé nie.

Lúka 9:10

Aalé Yíésu gállé tomon a naama he alb fieká hol ká nadheká he lullé eekemeyká fayamle mú shie. Yíésu gáál gáál gaa eedhdhe, gaal tákámle ˈdaa ény Beđesaida mé nie.

Yuána 1:43

Aaléka, bííy éíy taaka ka biˈdeká Yíésu sieny Galilááya seseenká hí ká hileká, Fílib ˈdú sedhe, mú geey, kieye, Ye el gáá véer, yie.

Yuána 1:44

Fílib úba he máá Beđesaida, ény giri Ánˈduru ubaa Bétiro égetléká.

Yuána 1:45

Aalé Fílib Nadhániel ˈdú sedhe, mú geey, kieye, Máá héle Móshe hí warˈgasam hemuumurit Waaˈgiet gaa veere-, gál Waag hí ˈdeem ka shigicheká úba hí ˈdeenyle warˈgasam gaa veereká nyáá nyí argiyye. Máá kinaallá he Yíésu Nasaret-, iny Yuosefká, yie.

Yuána 1:46

Nadhániel mú ˈdéé hol ˈdú nie, kieye, Hoo! Násaret kín hé midhabká hé hí yé gáá ˈdeˈdeen? yie. Aalé Fílib mú geey, kieye, Káde, ílkú hí ko geeycho, mú yie.

Yuána 1:48

Nadhániel Yíésu yiete, Háte ye og? yie. Yíésu kieye, Fílib hátlé ko ma ka víiny-, kúún kinnach gaach gaa iđeká in yú ko arge, yie.

Yuána 4:35

ˈGuom fímle tá ˈjíig ˈguom mé ˈdonyle ˈguiyam hí afur, hí chegedhe, muunîny? Tá yú hí geeye, in eiy ˈdeeyyíe, lesam dhaayyíe, ˈguom mé ˈdonyle aleđuđugulle hé ali kí ˈdiiyye.