Yuána 6:45 - Fayam Midhab Yiesu Kiristoká He Hol Af Iđiny Kaanaká

⁴⁵ Warˈgasam gál Waag hí ˈdeem ká shigicheká ali tikiˈd kieye, Gálaat lulle Waag he haí oonisicha, he chie. Máá ˈJaachú af maale-, mú he gaa onnodheká hai ye ˈdú gáá yiimedhe.

Yuána 6:45 ပူးပေါင်းရင်းမြစ်များ

Matááyo 11:27

Aalé Yíésu gálaat geey, kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, yie.

Matááyo 17:5

Aalé mu hátle ˈdéé af ká ˈgaa, nyáˈdów édh gogoká gáál buanne, gaal ˈdéé hót nyáˈdow gáá ˈgisate-, kieye, Hééllá he Iny chia yú giel-, ye geer gaa meeyká. Mú af nee kóo, chieká maale.

Márko 1:2

Warˈgat máá Waag hí ˈdeem ka shigiche-, Yisááya léká hí veereká hatallá he chie: Ebá dháash, yú máá chia ˈgassoká ali ha gáá kakaa. Mu met hai ko naadha, mu ˈgíérích kua he tág kokoo.

Lúka 1:70

hát giri héle gál Waag hí taak koyye-, Waag hí ˈdéé ka shigicheká hí gáál ka geey-,

Lúka 18:31

Yíésu gál giri láli-, tomon a naamaká taak eedhdhe, gáál geey, kieye, Bá dhaayyíe, múún Yerúsalemo ke seseme, ˈdeeny Iny Máádhat ˈdaalle ˈdugaka gál Waag hí ˈdéé ka shigicheká hí veereká lulle ál kinaal hai gaa ˈduuwaa.

Yuána 10:27

Walachú hé afchú maalo, hé yáálle hí óg, ye igiro.

Yuána 6:37

Gál ˈJaachú hí ye ká shiguoká lulle ha ye ˈdú gáá yiimedhe, tá máá ye ˈdú gáá yimetká yáá ma aruminy.

Yuána 6:65

Aalé mu geđi gáál geey, kieye, ˈDaa kinaallá ˈdugaka in yú hí geey, yú kieye, Máádhat ˈdaab ˈJaachú hí ye ma ˈdu gáá éenyká, hé ye ma ˈdu gáá yiimen, yú hí yie.

He Ekeny Gál Alb Fimiká 13:40

Aaléka tág ˈdée, hé gál Waag hí ˈdéé ka shigicheká hí huogodheká ha il hí árginy, giri kieye,

He Ekeny Gál Alb Fimiká 7:42

Aalé Waag gáál hurt yé gaa ˈdiiyye, gáál hidhino uriet-, gaalí vivite-, gaalí fedeká gáál ˈdú hayche. Hát giri gaalí warˈgat gál Waag hí ˈdéé ka shigicheká gaa veere-, warˈgatle kieye, It Yisirayelallo, warram tomon afur hí ˈbakat álle gaa iđe-, hí suor ˈgaˈgalleká he in yaa hí ye suor kí ˈgaˈgale? It suoryam kinaallá ye ma kí ˈgaˈgáliny!

Eféso 1:17

Máá kúnnaa Guđo-, Yiesu Kirísto ˈJaallé Waag ˈdúúw ˈguoká taalle ha yú rogonmo, giri muí Hím Naasan ˈdaalimo-, ubaa he hol eiy gaa naasanká ká shiguo-, tá hí mú hát ˈdabaanká eiy nannasatoká.

Filíbi 3:15

Múúni ke ˈdaa Kiristoka ki hirayyallá lulkúnno kí kas hatallóóllá ˈguo. Tá itín hí hát eiy tawuyyeka, Waag hééllá úba eiy haí kí nanniyya.

Dhesaloníke Erká 4:9

Aaléka, gielmit gál Kiristo hí hol ká ˈguoká ˈdaalleka, hé níínní hí muog-, yú hí ˈdú gáá verenoká mán, ˈdaa giri itín dhúrkícho yaalmit hí hol ki gegelneteká Waag hí onisicheká.

Héberew 10:16

Máá Guđo Waag kieye, He hol af iđiny kaana-, ka chiimeto-, yú ubaa gáál nyí hol af iđimichaká hééllá: Hemuumuritchú gáál gerle ha yú gaa kakaa, gáál kasle ha yú gaa iđimia, Waag hí chie.

Yuána Erká 2:27

Tá itín it Hím Naasan Waaˈgiet Kirísto gaa argiyye. Hím Naasanééllá hé hí gaa iđo. ˈDaa kinaallá ˈdugaka in hí máá hí hé ˈdúwaká oonisuoká ma hegesen. Hím Naasanééllá he máá hí he met lulle oonisuoká. Hé Hím Naasanééllá hí oonisichoká hé hé hódhoká muuniny, he hé ˈdúwaká. Hát Hím Naasan Waaˈgietallá hí onisichééllá, Kirísto gaa yíéđía.