Yuána 6:24 - Fayam Midhab Yiesu Kiristoká He Hol Af Iđiny Kaanaká

²⁴ Nyésébích giri ílung kinaal ki ˈgiteká gíl les kí ˈdoyká Yíésu hát láʼ-, lalille íín hol ma ka náanká kimite. Gaal đo kadís hile, Kafarnáum mé nie, bííy kinaal Yíésu ˈdú ˈgeˈgedhe.

Yuána 6:24 ပူးပေါင်းရင်းမြစ်များ

Matááyo 14:34

Gaal baad af ˈdaati-, basietká yé ki ˈdieká, gaal ény Genesaret ílungle ki ˈdie.

Márko 1:37

Gaal mú argeká mú geey, kieye, Gálaat lulle ko hol gaa ˈgeˈgedhe, yie.

Márko 6:53

Aalé gaal bás hođoˈd ˈdoy-, Genésaret ílungle ki ˈdieká kadich mé ˈdisse.

Lúka 8:40

Yíésu bás ílung ˈdaatí hol gáá nadheká, nyésébích guđo-, mú egeseká lulle ger hí gaa meedhe, mú agim nadhe.

Yuána 20:15

Aalé Yíésu min yiete, kieye, Minnééllo! Háteka bebeennóol? Mááya hol gaa ˈgeˈgete? yie. María íín tawunyleka, máá mú heetééllá he máá ál kinaallá ˈdeˈdeenká, he chie, đo kieye, Máá guđo, har kúún mú eeteka, mú ál siteká ye ka géesh, mú eedhdhe, chie.

Yuána 6:17

ál kinaal kadich gaa hile, giri ílung ˈdaatí yé ki ˈdeˈdeen-, Kafarnáum seseenká. Aalé gaal kadich kudhdheká Yíésu hátlé gáál ma hílinyká biiy đo chuurayye.

Yuána 6:23

Aalé kadis ény Tiberiados gáá chimie-, ál Yíésu hí Waag gielmít hol ˈdú nie-, gálaat hí balashá gaa koeyká malgle ˈjobínt ki ˈdiiyye.

Yuána 6:26

Yíésu gáál ˈdéé hol ˈdú nie, kieye, Yú hí hé ˈdúwaká geeye, itín hí ye hol gaa ˈgeˈgetééllá, hé kieye, hé gáál af ˈdaˈdabsuo-, yú ekeyká hí argiyye, muuniny, he ˈdaa giri hí balashá konye-, hí heyiyyeká in hí héy hol gaa ˈgeˈgete, muí gáál yie.

Yuána 6:59

Hééllá af giri mu ˈbíl ˈdiiyiminy-, Kafarnaumká gáál he gaa oonisieká muí huogodhe.

Yuána 7:11

ˈJila kinaal álle gál guguđo-, Yuuˈdiká mú hol gaa ˈgeˈgedhe, gálaat heegete, kieye, Máá giriká in aake? yie.