Yuána 6:14 - Fayam Midhab Yiesu Kiristoká He Hol Af Iđiny Kaanaká

¹⁴ Aalé nyesebich hé Yíésu hí ekey kinaal arge-, he af ˈdabeká kieye, Hééllá gon Máá Waag hí ˈdéé ká shigicho-, Warˈgat Waaˈgiet hí hote-, lésallá ka yiimetká.

Yuána 6:14 ပူးပေါင်းရင်းမြစ်များ

Matááyo 11:3

giri gaal mú ka hegeset-, kieye, Kúún he máá giri nyí met egete-, ká yiimetkáa, ebá, máá éíyyo nyí met egete? yeetká.

Matááyo 21:11

Nyésébích Yíésu hol ˈgieká ˈbaal kieye, Hééllá máá Waag hí ˈdeem ka shigicho-, Yíésu lé-, máá ény Nasaret-, Galilaayaká, yiegie.

Lúka 24:19

Aalé Yíésu gáál heete, kieye, Hé kinaallá hé máre? yie. Gaal kieye, Fayam Yiesu Nasaret-, máállé Waag hí ˈdéé ka shigiche-, héllé ekemeyká ubaa héllé hogodheká innum gálaat lulle ubaa innum Waaˈgiet gaa ˈdúwa-, fargogonoyká,

Lúka 7:16

Gaal lulle he a ˈdabe, Waag meey, kieye, Máá Guđo-, Waag hí ˈdéé ka shigichoká hé gáál hurt yé gáá ˈdie. Waag hé ká leete, gálle ˈdú ˈjiiyye, gaalí yie.

Yuána 1:21

Aaléka, gaal mú yiete, kieye, Tá kuun mááya? Kuun he Elíya? gaalí yie. Yuána kieye, Yú yáá máá kinaallá muuniny. Gaal geđi mú yiete, kieye, Kuun he Máá giri Waag hí ˈdeem ka shigichoká? yie. Mu gáál ˈdéé hol ˈdú nie, Híʼi, yie.

Yuána 11:27

Aalé Márta kieye, Iiy-hí Máá Guđo, kúún hát Messíya-, Iny Waagoká yáá iiy yie. Kúún he Máá Warˈgat Waaˈgiet hí hote-, lésallá ka yiimetká, chie.

Yuána 2:11

Hééllá Yíésu héllé erkob ekey-, gálaat hí af ˈdabe-, mu gálaat ˈduuwle argisieká. Hééllá ény Kanna giri lés Galilaayaká muí gaa ekey. Mu hééllá ekeyká, mú lalille đo mú iiy chie.

Yuána 4:19

Aalé min kieye, Máá Guđo, kuun yú ko dhaayká gon máá Waag hí ˈdéé ka shigichoká.

Yuána 4:25

Aaléka, min Yíésu geeyche, kieye, Máá gáál ririan-, Messíya Kirísto léká, hát ka yiimetká yáá óg. Mu ká ˈjieka, he met lulle eiy ha nyí kí nannaa, min hí chie.

Yuána 4:42

Aalé gál Samaria min giriká geey, kieye, ˈDeeny kua nyí ka geeycheká úba kí hayo, káána mú ˈdéé hótle nyáá nyí nétkínyo ki maalle, máállá gon he Máá lésallá ririanká, gaalí min yie.

Yuána 6:2

ˈDaa giri gálaat hé gaalí af ˈdaˈdabo-, muí gál fursam ˈgieká ki ekeyká argeká, nyésébích guđoká mú el gaa veere.

Yuána 6:26

Yíésu gáál ˈdéé hol ˈdú nie, kieye, Yú hí hé ˈdúwaká geeye, itín hí ye hol gaa ˈgeˈgetééllá, hé kieye, hé gáál af ˈdaˈdabsuo-, yú ekeyká hí argiyye, muuniny, he ˈdaa giri hí balashá konye-, hí heyiyyeká in hí héy hol gaa ˈgeˈgete, muí gáál yie.

Yuána 6:30

Aalé gaal kieye, Hé gáál af ˈdaˈdabsuo-, kuun hí ekemeycho-, nyí aargiˈda-, nyí ko iiy chegetoká meete? Kuun hé yé ká ˈdeđichoká hát káána meete?

Yuána 7:40

Gaal mú ˈdeenyle maaleká, gáál ˈdáá tikiˈd kieye, Máállá Máá Waag hí ˈdeem ká shigicho-, ke met egesseká, yie.

He Ekeny Gál Alb Fimiká 7:37

Hééllá Móshe tikiˈde giri gál Yisirayel geey-, kieye, Waag máá Waag hí ˈdéé ka shigicho-, hát yúká gálkúnno hurt yé hai gáá ˈdeđicha, muí yieká.