Yuána 5:46 - Fayam Midhab Yiesu Kiristoká He Hol Af Iđiny Kaanaká

⁴⁶ Móshe ˈdeenyle hí iiy chéenka, af kinaalka iiy haí ye chegie, ˈdaa giri ˈdeeny muí veereká héchú hogodhoká.

Yuána 5:46 ပူးပေါင်းရင်းမြစ်များ

Lúka 24:27

Aalé Yíésu ˈdeenylé he veerit Waaˈgiet gaa iđe-, a meeny warˈgasam Móshe hí veereká, tá ˈjíig warˈgasam gál Waag hí ˈdéé ka shigicheká hí veereká đigká fayamle gáál af gaa koy.

Yuána 1:45

Aalé Fílib Nadhániel ˈdú sedhe, mú geey, kieye, Máá héle Móshe hí warˈgasam hemuumurit Waaˈgiet gaa veere-, gál Waag hí ˈdeem ka shigicheká úba hí ˈdeenyle warˈgasam gaa veereká nyáá nyí argiyye. Máá kinaallá he Yíésu Nasaret-, iny Yuosefká, yie.

Yuána 5:47

Aaléka, ˈdeeny muí veereká in hí iiy má chegeto háluke, tá hé yú hogodhoká háteeye hí iiy chegedhe? Yíésu hí gáál yie.

He Ekeny Gál Alb Fimiká 26:22

Tá Waag hé ye ˈdú ˈjiiyye, ˈjíig kúlích káána ke gaa ijo-, yú hí metkícho gaa yaal-, yú it kaansúóllá ubaa gál chiallá fayamééllá hí geđúóllá. Móshe ubaa gál Waag hí ˈdeem ka shigicheká hé biiy meto ali kí ˈdeenká ˈdeenylé he huogodhe. ˈDeeny chia yú hogodhóóllá he ˈdeeny tikiˈde gaal íín hí huogodhe kinaallá.

Róóma 10:4

ˈGíérích Waag hí feˈdóóllá he Kirísto. Af giri Kirísto ka yimieká in hemuumurít bárle me hí ˈgidhe. Aalé káána ameeny gál Kirísto iiy yegetká lulle Waag innumleka gál ˈdúwaká hai yegedhe.

Galátia 2:19

Hemuumurít ˈdaalleka yáá hemuumurít gim yíé gaa ˈdie, giri yú Waag ˈdaalle ki yaalká.

Galátia 3:10

Gál kieye, Hemuumurít el gaa igiritle he ˈgíérích muun innum Waaˈgietka ke ki gál ˈdúwaká hol yegetká, ˈdórro he ˈgaa, ˈdaa giri hé Warˈgat Waaˈgiet hí hote-, kieye, A meeny máádhat he lullé Warˈgat Hemuumuritiká gaa ijoká el ma gaa igirinyká ˈdórro he ˈgaa, chieká.

Galátia 3:13

Múúni ke hemuumurít lulle hát ˈdabaanká el ma gaa igíriny-, ke ˈdór ˈgieká Kirísto hé gáál ˈdór kinaallá gaa eey. Mú gaalí ˈgór đarám yaalká ˈdú ˈdoyká mu hé ˈdór kúnnaa kinaallá luut kaadhdhe. Warˈgat Waaˈgiet hát chieká kieye, A meeny máá gaalí ˈgór ˈdú ˈdoyká ˈdórro he ˈgaa, he chie.

Galátia 3:24

Hemuumuritééllá in muun gáál ki tielle, gáál af tatiyye, ˈjíig Kirísto ká ˈjie, giri muun ke Kirísto iiy yeget-, ke innum Waaˈgiet gál ˈdúwaká gaa yegetká.