Yuána 5:45 - Fayam Midhab Yiesu Kiristoká He Hol Af Iđiny Kaanaká

⁴⁵ Tá haí taawûny, hí kieye, mu ˈJaalle metle hai nyí gaa kaatasia, hí chéen. Móshe giri hí taawuyya-, hai nyí riima, hí chegetoká ííni hí kaatasia.

Yuána 5:45 ပူးပေါင်းရင်းမြစ်များ

Lúka 16:29

Aalé Abirááyam mú ˈdéé hol ˈdú nie, kieye, Gaal hé hemuumurit Waag hí Móshe ka shiicheká ubaa warˈgasam gál Waag hí ˈdéé ka shigicheká hí veereká ˈguo. Gaal hí ˈdeem kinaallá nee kuo, mú yie.

Yuána 12:48

Máá ye điidho-, ˈdeenychú iiy ma yeenká, hé héllé giri hí kúlích biiy el ˈdaˈdká gaa ˈdeđenset-, hí ˈdéé ki iđimuoká ˈguo. Hé kinaallá he ˈdeenychú.

Yuána 7:19

Itín Móshe hí hemuumurit Waaˈgiet ma shíiny? Har úba hát kinaal kátaka it máá níínní hemuumurít ki yielká mán. Tá háteka hí ye oos ˈgayyáal? Yíésu hí gáál yie.

Yuána 8:9

Aalé gál min ka ˈgiliˈgayká héél maaleká hát taataká eiy yíé ˈdeeˈdeme, karu erkob yíé ˈdie, ˈjíig gaal lulle el gaa ˈgidhe. Yíésu ubaa min tákámle nyesebich hurt kí ˈgite.

Róóma 2:12

Gál hemuumurit Waag hí gál Yuuˈdi shiicheká muog-, hé ˈdeđewká gaa seseenká, úba káána hemuumurít moonnônyka, sidhamle hai baađaa. Tá gál hemuumurit Waag hí gál Yuuˈdi shiicheká óg-, kor hé ˈdeđewká gaa seseen-, hemuumurit kinaal ˈdeđeneyoká Waag ˈdéé haí ki iđimicha.

Galátia 3:10

Gál kieye, Hemuumurít el gaa igiritle he ˈgíérích muun innum Waaˈgietka ke ki gál ˈdúwaká hol yegetká, ˈdórro he ˈgaa, ˈdaa giri hé Warˈgat Waaˈgiet hí hote-, kieye, A meeny máádhat he lullé Warˈgat Hemuumuritiká gaa ijoká el ma gaa igirinyká ˈdórro he ˈgaa, chieká.