Yuána 5:39 - Fayam Midhab Yiesu Kiristoká He Hol Af Iđiny Kaanaká

³⁹ Itín it tág Warˈgat Waaˈgiet totoycho. Tawunykíchoka, he veerít luolmit biiyoká ha nyí gaa aargiˈda, hí chegedhe, kor he veerít íín ˈduuw chia he hogoto.

Yuána 5:39 ပူးပေါင်းရင်းမြစ်များ

Matááyo 22:29

Aalé Yíésu gáál ˈdéé hol ˈdú nie, kieye, Itín Warˈgat Waaˈgiet ˈdeenyle ubaa Waag fargogintle ˈdaa giri hí muogká in hí hééllá ˈdeeneyche.

Márko 10:3

Yíésu gáál ˈdéé hol ˈdú nie, gáál yiete, kieye, Móshe héle meete hí ki mure? yie.

Márko 12:10

Ití Warˈgat Waaˈgiet giri kieye, Wár gál é ˈdiˈdisoká hí điidheká hé ˈbíl árle yie.

Lúka 16:29

Aalé Abirááyam mú ˈdéé hol ˈdú nie, kieye, Gaal hé hemuumurit Waag hí Móshe ka shiicheká ubaa warˈgasam gál Waag hí ˈdéé ka shigicheká hí veereká ˈguo. Gaal hí ˈdeem kinaallá nee kuo, mú yie.

Lúka 16:31

Aalé Abirááyam mú geey, kieye, Gaal har hemuumurit Waag hí Móshe ka shiicheká ubaa gál Waag hí ˈdéé ka shigicheká ˈdeemle nee ma konyka, af kinaalka úba káána máádhat uushich yé gaa ˈdeˈdéminy-, hí geđînyka, hé ˈdee hí mé ma ki seeminy, muí mú yie.

Lúka 24:25

Aalé Yíésu gál kinaal geey, kieye, Itín ebá hí đées-, it gál Waag hí ˈdéé ka shigicheká ˈdeemle lulle đo hí ál ˈjob ger ma ki chichiranal!

Lúka 24:27

Aalé Yíésu ˈdeenylé he veerit Waaˈgiet gaa iđe-, a meeny warˈgasam Móshe hí veereká, tá ˈjíig warˈgasam gál Waag hí ˈdéé ka shigicheká hí veereká đigká fayamle gáál af gaa koy.

Lúka 24:44

Aalé mu gáál geey, kieye, ˈDeenyééllá ˈdeeny giri muun ke hol af ijeká yú hí geeyká, giri yú hí geey-, hé ˈdaachúka Móshe hí warˈgasamlé hemuumuritiká gaa veereká ubaa ˈdeeny chia gál Waag hí ˈdéé ka shigicheká hí warˈgasamle gaa veereká, héétí ubaa ˈdeeny chia gaalí warˈgat Arramká gaa veereká lulle hai ˈduuwaa, yú hí yieká, Yíésu hí gáál yie.

Yuána 1:45

Aalé Fílib Nadhániel ˈdú sedhe, mú geey, kieye, Máá héle Móshe hí warˈgasam hemuumurit Waaˈgiet gaa veere-, gál Waag hí ˈdeem ka shigicheká úba hí ˈdeenyle warˈgasam gaa veereká nyáá nyí argiyye. Máá kinaallá he Yíésu Nasaret-, iny Yuosefká, yie.

Yuána 5:32

Máá ˈduuwchú hogodhoká hé biiy gaa ijo. Máá kinaallá ˈduuw chia hogodhoká hát ˈdúwaká yáá óg.

Yuána 5:36

Yú yáá hé ˈduuwchú hogodho-, fayam Yuána hí ˈdu gáá sidheká af mé ˈdú gíriká ˈguo. Hújích ˈJaachú hí ye ká shie-, bééso muí yie-, káána hátle yú nannúóllá hát ˈJaachú ye ali gáá kaayká ˈduuwlé he hogodho.

Yuána 5:40

He veerít har úba ˈduuwchú hogotoka, it hí ye ˈdu gáá chiimeto-, hí luolmit biiyoká aargiˈdoká ma fediny.

Yuána 5:46

Móshe ˈdeenyle hí iiy chéenka, af kinaalka iiy haí ye chegie, ˈdaa giri ˈdeeny muí veereká héchú hogodhoká.

Yuána 7:52

Aalé gál giriká Nikoˈdémos ˈdéé hol ˈdú nie, kieye, Kúún úba máá Galilaaya? Ebá warˈgasam gaa ebísso, Máá giri Waag hí ˈdeem ka shigicho-, ki met egessoká gon hé Galilááya yé ma gáá ˈdeeminy, gaalí mú yie.

He Ekeny Gál Alb Fimiká 13:27

Gál Yerusalem ubaa gállé kaansúoká, Yíésu hát Máá Rubachietká hé ma kimísan. Gaal warˈgasam gál Waag hí ˈdéé ka shigicheká hí veereká ˈdeenyle Kúlích Hef ˈGisanká lullé he nee gaa kokoy, kor hé hélle moonnoy, in đo mú kúfach mure, ˈdéé ˈduwasie.

He Ekeny Gál Alb Fimiká 17:11

Gál ˈjien Berya hé gál ˈjien Dhesalonike ˈdú ˈdúwa, ˈdaa giri gaal ˈdeeny Báulo hí oonisieká hát he gaa feditiká nee kokoyká. Gaal bar lullé ˈdeeny Báulo hí ˈdiyimeká Warˈgat Waaˈgiet gaa dhaˈgame, ˈdéé eiy nanate, har Báulo ˈdeeny he hogodhe kinaal ˈdúúw kátaka.

He Ekeny Gál Alb Fimiká 26:27

Aalé mu Agiríba geey, kieye, Máá guđo Agiríba, kó ˈdeeny gál Waag hí ˈdeem ka shigicheká hí veereká iiy chíe? Hát úba iiy chieká yáá óg, Báulo hí mú yie.

Róóma 1:2

Fayam Midhaballá hé kis Waag hí gállé ˈdeem ka shigicheká ká shiiche, gaalí ˈdiiyime, gaalí Warˈgat Waaˈgiet gaa veere.

Róóma 3:2

Iiy-hí, gál Yuuˈdi hé gál kidhdhoká hé hé ˈdúwa-, burnayká ˈdú ˈguo. Hé súm ˈdúwa-, gaalí gál kidhdhoká ˈdú ˈgúóllá, he ˈdaa giri gaal íín Waag hí ˈdeenyle gíl geer gaa kaayyeká.

Kolosááya 3:16

ˈDeeny Kiristo hát ˈdabaanká ger gaa iđitíe. ˈDaalim Waag hí shigichoká lulle hol ki oonisía, hol af ki taatáa. Arram Warˈgat Waaˈgiet gaa ijoká ubaa arram gálaat hí Waag ki ˈdoyká, héétí arram itín hí Waag ki memeycho-, gerkícho yé gáá ˈdeˈdeenká ˈdaaramíe, hol ki guogofsía, Waag gielmít hol ˈdú naannáa.

Héberew 11:16

Gaal lés lésal ˈdú ˈdúwa-, uratiká hé ˈdú lađame. ˈDaa kinaallá ˈdugaka in Waag gaalí gáál Waagle yegetallá kern hí ma ˈgiˈgin. Gáál Waaglééllá hé gáál ˈjien biiyo-, uratiká ki ˈdite.

Héberew 11:35

ˈDég ˈdaa iiy yeenleka, gállé kufeká hé Waag hí luolnoyche, Waag hí hol ˈdú niiyye. Tá gáál ˈbaal hé gaalí manyjasie, gaalí yegies. Mé furit gaalí gáál mé fufuro-, gaal Waag el af gaa tataanká hé gaalí điidhe, giri gaal luolmit ˈdúwa-, biiyoká higiloká.

Kí Edhesiny 19:10

Aalé yú đo mú ˈgas met les kurram gaa ˈdoy, giri mú memeyoká, kor mu đo ye geey, kieye, Ha hééllá ekêny! Yú he gedech, hát kúún ubaa nyaaram kua giri Yíésu ˈduuwle hogodho-, tá ki ˈgieká. Waag tákámle méémesh. ˈDeeny Hím Naasan Waaˈgiet hí gálaat shigichoká he Yíésu ˈduuwlé.