Yuána 5:37 - Fayam Midhab Yiesu Kiristoká He Hol Af Iđiny Kaanaká

³⁷ Tá ˈJaa chia ye ali gáá kaayallá ííni ˈduuwchú hogodho. Itín it kálta mú afle ma mááliny, ubaa mu yaalmitlé yaalká ma árginy.

Yuána 5:37 ပူးပေါင်းရင်းမြစ်များ

Matááyo 17:5

Aalé mu hátle ˈdéé af ká ˈgaa, nyáˈdów édh gogoká gáál buanne, gaal ˈdéé hót nyáˈdow gáá ˈgisate-, kieye, Hééllá he Iny chia yú giel-, ye geer gaa meeyká. Mú af nee kóo, chieká maale.

Matááyo 3:17

Aalé ˈdéé hót úr yé gáá ˈdiiyye, kieye, Hééllá he Iny chia yú gielká, mu hé tág ye geer gaa meey, chie.

Márko 1:11

Aalé Waag ˈdéé úr gáá hote, Yíésu geeyche, kieye, Kuun he Iny chia yú gielká, kó tág ye geer gaa meeyche, mú chie.

Lúka 24:27

Aalé Yíésu ˈdeenylé he veerit Waaˈgiet gaa iđe-, a meeny warˈgasam Móshe hí veereká, tá ˈjíig warˈgasam gál Waag hí ˈdéé ka shigicheká hí veereká đigká fayamle gáál af gaa koy.

Lúka 3:22

Hím Naasan Waaˈgiet hát yaalmit holeká mú ˈdu gáá leete. Gálaat ˈdéé úr gaa maale, ˈdee kieye, Kúún he Iny chia yú gielká, kó tág ye geer gaa meeyche, ˈdee hí yie.

Yuána 1:18

Waag hé kálta máá hí argeká mán. Máá ke Waag gaa onnodheká, he Iny ali ka takach-, Waaˈgiet-, ˈJaalle túmus ki koyká.

Yuána 14:9

Aalé Yíésu mú geey, kieye, Fílib, bííy muun ke hol af gáá yíéđieká, kó hátle ye muog? Máá ye argeká, ˈJaa chia arge. Tá háteeye, kúún kieye, Nyí ˈJaakú ka argísish, chie?

Yuána 15:24

Yú onnônyka hé gálaat af ˈdaˈdabsuo-, máádhat hí ma ekemenyká gáál hurt ma gaa eekemenyka, gaal hé onnônyka ađaabano mán. Tá káána gaal hé hé kinaallá arge, kor hé yú ubaa ˈJaachú nyí hol ˈgar nebedhe.

Yuána 5:32

Máá ˈduuwchú hogodhoká hé biiy gaa ijo. Máá kinaallá ˈduuw chia hogodhoká hát ˈdúwaká yáá óg.

Yuána 6:27

ˈGuom geere-, ˈdeđenetoká haí ˈdú aayáˈginy, ˈguom ma ˈdeđenen-, Iny Máádhat hí ka shiguo-, hí luolmit biiyoká yé ˈdú ˈdeđichoká ˈdú aayaˈgáa. Iny Máádhat íín he Máá ˈJaallé Waag hí ˈduuwle gálaat ki edhesieká, Yíésu hí gáál yie.

Yuána 8:18

Yú he máá ˈduuwle gálaat met gaa hogodhoká. Héétí ˈJaa chia ye ali gáá kaayká ˈduuwchú hogodho, muí yie.

Tímote Erká 1:17

Aaléka, Kánsích taalle bííyyo ali ijo-, ki il ma ki argiriny-, íín tákámle Waagallá, taalle bííyyo gaalí meemeyo, gaalí ˈdúúw shiiguo. Iiy-hí, he hí hát kinaallá yeet.

Tímote Erká 6:16

Mu íín tákáma he Máá ma kufuminy-, édhúm ki ma kí ˈjoobononká gaa ijoká. Mú hé kálta máá hí argeká mán. Máádhat hé fargogint níínní ˈguo-, mú ki aargiroká mán. ˈDuuw ubaa guch biiyoká hí mú hélle yeet. Iiy-hí, he hí hát kinaallá yeet.

Yuána Erká 4:12

Hé máá níínní kálta Waag il ki argeká mán. Tá muun har ki hol gielnítaka, Waag hé gáál gaa iđo, gielmitle muun gáál hidh ki ariyye.

Yuána Erká 4:20

Har máádhat kieye, Yáá Waag giel, yeget-, kor nyárle nebítaka, máá kinaallá he máá hódholléká. Máá nyárlé il ki argoká ma geelnenyká, hé hát níínní Waag he il ma ki árginyká gielká mán.

Yuána Erká 5:9

Hé gálaat hí ˈdúúw ˈdú ˈdieká hé ke iiy yeget. Kor hé Waag hí ˈdúúw ˈdú ˈdiiyyeká súmmo ˈdúwa. Waago in Inyle ˈdúúw ˈdú ˈdiiyye, Inyle ˈduuwle gáál ká geeyche.