Yuána 5:25 - Fayam Midhab Yiesu Kiristoká He Hol Af Iđiny Kaanaká

²⁵ Yú geđi hí ˈdúúw geeye, bar ali hai kí ˈdeenne, tá káána hé úba ali kí ˈdiiyye, giri gál kúfach gaa ijoká Waag Inyle af maalo-, tá gaal Íny af maaleka loogolnotká.

Yuána 5:25 ပူးပေါင်းရင်းမြစ်များ

Lúka 15:24

Iny chiallá érléká hai kufe, yú yie, káána lúol! Hai bađayyo, yú yie, káána hé yé ká ˈdie! íny ˈjaalle hí gedelle yie. Aalé gaal lulle aaˈdume.

Lúka 15:32

Kí aaˈduan, ger hí gáál gaa meet. Nyár kuallá érléká hai kufe, ke yie, káána lúol! Hai bađayyo, ke yie, káána hé yé ká ˈdie! muí inylé guđo kinaal yie, Yíésu hí gáál yie.

Lúka 9:60

Yíésu mú geey, kieye, Gál kufeká hash, gállé kufeká hí gaagalio. Kúún íín sí, Guch Waaˈgiet ˈdiiyímo, mú yie.

Yuána 13:1

Aalé ˈjila máá ˈgasso-, urru-, Waaˈgietká hí gáál ˈdug gaa nadheká ka tirtirayyeká, Yíésu aleđuđugulle hát ali kí ˈdiiyye-, lésallá haađuo-, bííy ˈJaalle mé nannuoká hé onnoy. Mu hát gállé lesallo-, hí iiy yieká gielká in gielmit kinaallá taalle muí gáál ká ˈgie, muí gáál aargisie.

Yuána 17:1

Aalé Yíésu ˈdeeny kinaal beeteká đo úr gaa dhaay, kieye, Baabá, aadh ˈgas hé ali kí ˈdiiyye. Inykú ˈduwásish, Iny íín hí ko ˈduwayo.

Yuána 4:21

Yíésu kieye, Minnééllo, hé yú ko geđúóllá ˈdúúw hósso, bár gúmallá ˈdug ubaa Yerúsalem hí ˈJaa kúnnaa Waag ma gaa viisanká ali hai kí ˈdeenne.

Yuána 4:23

Bar ali hai kí ˈdeenne, kor úba káána hé ali kí ˈdiiyye, giri gál Waag visan hí ˈdúwaká ˈdaa Hím Naasan Waaˈgiet-, gáál Waag ˈduuwle kí eedhesichoká ˈJaa kúnnaa Waag ki vivisatká. Gál hatallóóllá in ˈJaa kúnnaa Waag hí hol gaa ˈgeˈgedhe, giri gaal mú vivisatká.

Yuána 5:21

Hát Íny ˈJaalle gál kufeká uushim yiem gáá ˈdeđuo-, gáál logolnoyóóllá, hát tikiˈde kinaallá in Iny gál he fedoká logolnoyo.

Yuána 5:28

Haí hééllá af ˈdábiny, bar ali hai kí ˈdeenne, giri gál kufeká lulle mú af maalo-,

Yuána 6:60

Aalé lali ilish Yíésu el gaa veereká mú he onisinyléél maaleká gál gúúđo kieye, He onisiny fargogiyyóól, mááya hí iiy yeedhe? gaalí yie.

Yuána 8:43

Itín hé yú hí geđuoká háteka hí eiy ma nannasanal? Hééllá hí eiy ma nannasanallá he ˈdaa giri ˈdeeny chia yú hí geđuoká hí mé ma ki seseminyká.

Yuána 8:47

Máá Waag hí léká Waag ˈdeenyle hai maala. Itín ˈdaa giri hí Waag gálle muuninyká in Waag ˈdeenyle hí mé ma ki seseminy, Yíésu hí gáál yie.

Yuána 9:27

Aalé mu kieye, Yáá hí kis geey, kor it ye af nee ma kôny. Tá háteka geđi hí mamalloká hí feˈdéel? Itín úba hí mú lalille chegetoká hí féˈde? yie.

Róóma 6:4

Aaléka, ˈdaa giri ke bie gim nadhe-, ke Kirísto hol ˈgar kufeká, yíéđiny kúnnaa kissoká úba mán chie. Hát káána ˈJaa kúnnaa Waag fargogintlé ˈdúúw ˈgayyo-, Kirísto uushich yé kí ˈdeeychééllá, in Waag muun úba gáál luolmit kaanaká shiiche, giri ke yíéđiny kaanaká ke ki ijoká.

Eféso 2:1

Itín érlé-, hí Waag af đuˈdute-, hí ađaabano gaa seseenneká bár kinaalláka hí gál kufachiet.

Eféso 2:5

Af giri hátle ađaabanokúnno ˈdugaka ki gál kufachiet onnoyká, Waag hé muun gáál Kirísto hol ˈgar loolnoyche. Aaléka, itín ˈdúˈjím Waaˈgieto hí ki biiyye.

Eféso 5:14

ˈdaa giri edhum íín he lulle ka eedhesuoká. Yaalmitééllá ˈdugaka in gálaat kieye, Kó rafanannóóllo, in eiy ˈdéesh, kúfach yé gáá ˈdé, Kirísto édhúmle hí ko gaa veero, gaalí yegedhe.

Kolosááya 2:13

Itín hátlé hí ađaabanokícho ˈgayye-, Kirísto hí ađaabano kíchia kinaal ma gaa ˈgidhíiny-, hí gál kufachiet onnoyyeká, in Waag hí Kirísto hol ˈgar loolnoyche. Mu ađaabanokúnno ubaa nyuogimkúnno lulle gáál gaa eey.

Kí Edhesiny 3:1

Gál Kiristo ˈjien Sartis gaa ijoká máállé urru-, ˈgassoká ˈdeenyééllá ˈdú véer. Máá giri hím naasan tiiya-, Waaˈgietká ubaa hidhino tiiya ˈguoká ˈdeenyle hééllá: Yú yáá húgúmkícho óg. Itín kerka meeny gál luogolká hí ˈgayya, kor it kuyye.