Yuána 5:24 - Fayam Midhab Yiesu Kiristoká He Hol Af Iđiny Kaanaká

²⁴ Yú hí hé ˈdúwaká geeye, máá ˈdeenychú maalo-, Máá ye ali gáá kaayká iiy yeetká, hé luolmit biiyoká ˈguo, mú álle hé ˈdéé ki iđiny mán. Máá kinaallá kisso kúfach yé gaa ˈdie, luolmít hile.

Yuána 5:24 ပူးပေါင်းရင်းမြစ်များ

Matááyo 25:46

Aaléka, gál gálaat ma ˈdú ˈjeˈjéminyallá, manyjasiny biiyoká álle hai higila. Gál ˈduuˈdúwa-, gálaat ˈdú ˈjeˈjemeká íín luolmit biiyoká hai higila, Yíésu hí gáál yie.

Márko 16:16

Máá ye iiy yeet-, gaalí bie gim nuoká rubach hai aargira. Tá máá ye iiy ma yéenká kúlích Waag gálaat hol eiy gaa nanniyyoká hé ˈdeewká il haí aargiˈda.

Yuána 11:26

Tá gál ye lésallá iiy gaa yeetká lulle taalle bííyyo hé ma kufuminy. Kó héél iiy chíe? muí Márta yie.

Yuána 12:44

Aalé Yíésu af gaa guđoká ˈdéé ki hodhe, kieye, Máádhat ye iiy yieka, hé yú tákámchú ye iiy ma yéen, Máá ye ali gáá kaayká he iiy yie.

Yuána 20:31

Máá warˈgatééllá ka veerééllá hé he veerééllá, he giri itín Yíésu hát he Messíya-, Iny Waaˈgietká hí iiy chegeto-, tá hí mú iiy chieka, hí luolmit biiyoká mú meenyle ki aargiˈdoká.

Yuána 3:16

ˈDaa giri Waag gálaat lullé les gaa ijoká súm gielká in gáál Inylé ali ka takachká ká shiiche. Máá Íny iiy yeetká sídhle hé ma baađany, taalle luolmit biiyoká hai gaa yíéđima.

Yuána 3:18

Máá Íny iiy yeetká hé Waag hí ma ˈdeđensen, tá máá Íny iiy ma yéenká hé hátle Waag hí ˈdeđenseto, ˈdaa giri mu Waag Inylé ali ka takachká iiy ma yéenká.

Yuána 3:36

Máá Íny iiy yeetká taalle luolmit biiyoká hai gaa yíéđima, tá máá Íny điidhoká hé idho Waaˈgiet hí ˈdú iđo, mu hé luolmít ma aargiriny.

Yuána 4:36

Máá ˈguom mé ˈdaraanká hé símísle he gaa arge, ˈguom ˈdaa luolmit biiyoká ki đuorie. Hatallá in máá ˈguom fafuoká ubaa máá ˈguom mé ˈdaraanká hol ˈgar geyyime.

Yuána 6:40

Hé ˈJaachú hí fedoká hééllá: Máá yáá Ínyííllá ye bala ˈdu gáá nuo-, ye iiy yeetká, luolmit biiyoká hai gaa yíéđima, tá kúlích biiy el ˈdaˈdká úba uushich yé ha yú gáá ˈdeđia, Yíésu hí gáál yie.

Yuána 6:47

Yú hí hé ˈdúwaká geeye, máá ye iiy yieká hé luolmit biiyoká ˈguo.

Yuána 6:50

Tá ˈguom úr gáá chimíéllá, máá hí kuoká hé ma kufuminy.

Yuána 6:51

Yú he ˈguom luolmiti-, úr gáá chimieká. Máá ˈguomééllá kuoká taalle bííyyo ali he ija. ˈGuomééllá he gón chia yú suor hođuo-, les gálle hí luolmít ki aargiroká, Yíésu hí gáál yie.

Yuána 6:58

Yú he ˈguom úr gáá chimieká. Eshim eshimkícho hé mánna koey, kor úba hé guraam hí guure, tá máá ˈguomééllá kuoká taalle bííyyo ali he ija, Yíésu hí gáál yie.

Yuána 8:51

Yú hí hé ˈdúwaká geeye, máá ˈdeenychú ki yaalká taalle bííyyo hé kúfach il hí ma aargiriny, Yíésu hí gáál yie.

Róóma 8:1

Aalé káána ameeny gál Yiesu Kirísto ˈdú fameká, hé Waag hí ma ˈdeđensen.

Dhesaloníke Erká 5:9

Waag múún gáál gálle hosotééllá, idhollé he gáál ˈdú iđimicha muuniny, he giri muun ke Máá kúnnaa Guđo Yiesu Kirísto rubach gaa aargiroká.

Bétiro Erká 1:21

Itín Kirísto ˈdaallé hí Waag iiy ki chie, ˈdaa giri Waag Kirísto uushich yé gáá ˈdeeyche-, Kirísto ˈduwaycheká. In káána hí iiy yeen ubaa ˈdúúw Waag ká ˈgayya.

Bétiro Erká 1:5

Rubach ˈdaab kúlíchlé biiy el ˈdaˈdká ali ma kí ˈdíinyká, iiy yeenkícho ˈdaalle ˈdugaka, fargogint Waaˈgiet hé hí in gaa taal. Rúbách kinaallá kúlíchle ali kí ˈdiiyyeka, Waag yíé haí ká ˈdeđicha.

Yuána Erká 3:14

ˈDaa giri muun ki gál nyaaramallá gielká, in hát ki kúfach el ki naate-, ki luolmít yé ˈdú ˈdieká ki og. Máá gál nyaaramallá ma geelnenyká hátle kúfacho he gaa ija.

Yuána Erká 5:1

Ameeny máá Yíésu hát Messíyaká iiy yegetká, máá kinaallá hé veel Waaˈgiet yie. Tá ameeny máá véel ˈjaalle gielká, hé úba veel muí ˈdaloká giel.