Yuána 5:23 - Fayam Midhab Yiesu Kiristoká He Hol Af Iđiny Kaanaká

²³ giri gálaat lulle hát tikiˈde Íny ˈJaalle kikiatallá, úba Íny kikiatká. Máá Íny ma kikianká hé Íny ˈJaallé hí ali gáá kaayká úba ma kikian.

Yuána 5:23 ပူးပေါင်းရင်းမြစ်များ

Matááyo 10:37

Máádhat har ye gielnítaka, hí gielmit ye ka ˈguo kinaallá hí gielmit muí ˈjaalle, ˈjielle, inyle, tá inille ka ˈguoká af ˈdú ˈderneyo. Har hát kinaal ma ˈdiinyka, hé mááchú muuniny.

Matááyo 11:27

Aalé Yíésu gálaat geey, kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, yie.

Matááyo 12:21

Tá kidh lulle mú bala hai ˈdú nannaa, mú iiy hai yeedhe, chieká.

Matááyo 15:8

giri Waag kieye, Gálallá taalle afo ye ki memeye, gerle hé tág ye gaa fág.

Matááyo 28:19

Aaléka, sedhíe, kidh met lulle lalichú hoyyíe. Gáál bie gim ki náa, giri gaal fargogint ˈJaa chia úr ijoká ubaa yáá Ínyííllá, tá Hím Naasan Waaˈgiet gim gaa ijoká.

Lúka 10:16

Aalé Yíésu geđi gál alb fimiká geey, kieye, Máá hí af maaloká, yaa ye af maale. Máá hí điidhoká, yaa ye điidhe. Héétí máá ye điidhoká, máá kinaallá Máá ye ali gáá kaayká úba he điidhe, Yíésu hí yie.

Yuána 14:1

Aalé Yíésu lalille geey, Ha ger hí gaa ˈdéénen. Waag iiy yiedhíe, yú úba ye iiy yiedhíe.

Yuána 16:14

Mu héchú met hai ye gáá egedhdhe, haí ˈdu gáá siidha, eiy haí kí nannaa. Yaalmitééllá in mu ye ˈduuwasia.

Yuána 17:10

He lullé yú ˈguoká hékú, tá he lullé kuun hí ˈgayyoká héchú. Tá gáál ˈdaalleka, ˈduuwchú hé gálaat hí arge.

Róóma 1:7

Warˈgatééllá it Waag hí giel-, Waag hí ká viiyye-, hí gálle hosote-, hí Róóma gaa iđoká yú hí ˈdu gáá veere. ˈJaa kúnnaa Waag ubaa Máá kúnnaa Guđo Yiesu Kirísto hí ˈdú ˈjeeˈjeen, hí naanná shiiguo.

Róóma 15:12

Máá Waag hí ˈdéé ká shigiche-, Yisááya léká úba kieye, Iny Yeshay ˈbíl ílle máádhat yíé haí gáá ˈdeeme, mu kidh kánsíchle hai yeedhe. Kidh mú máállé rubachietká hai hođita, yie.

Róóma 6:22

Aalé káána Waag hí ađaabano gim gáá eeyye-, hí Waag gedelle chíéllá, hééllá héllé ˈdúwa-, hí yé gáá ˈdeˈdeenká he giri gál hé Waag hí feˈdoká el gaa igiroká chegete-, el ˈdáˈdle hí luolmit biiyoká higiloká.

Róóma 8:9

Tá itín har Hím Naasan Waaˈgiet hí gaa iđoka, it balt gonniet hí he ma ki mumuriny, Hím Naasan Waaˈgieto hí he ki mumuˈda. Máádhat Hím Naasan Kiristo manítaka, hé Kirísto hí ma lileny.

Korínto Erká 1:3

ˈJaa kúnnaa Waag ubaa Máá kúnnaa Guđo Yiesu Kirísto hí ˈdú ˈjeeˈjeen, hí naanná shiiguo.

Korínto Erká 10:31

Yú hí geeye, har káána hí he kokonyo yíekaʼ, hí he igianna yíekaʼ, hí he ekemeyche yíekaʼ, hé hí ekemeycho kinaal lúl hí hé Waag hí ˈdúúw gaa egeetoká onnow.

Korínto Erká 16:22

Máá Máá kúnnaa Guđóóllá ma geelnenyká hí ˈdortó argo. Máá kínyaa Guđóóllo, ka ˈjé!

Korínto Erká 6:19

Tá gónkícho hát Hím Naasan Waaˈgiet Waag hí shiiche-, hí gaa iđóóllá ˈbílléká it múog? Itín it hol ma lileny, Waago hí le,

Korínto ki Naamaká 1:9

Nyíín af kinaallá gál kufunanká nyí hol ká dhaayche. Yaalmit kinaal ˈdugaka in nyí laat kínyaa nyí tákámkínyo lađaanneká nyí hayche, nyí Waag gálaat uushim yiem gáá ˈdeđichóóllá bala ˈdú niiyye.

Korínto ki Naamaká 5:14

Nyiin hé nyí af tatuoká he gielmit Kiristo. Hééllá he ˈdaa giri ke óg-, mú tikiˈd tákámle gálaat lulle ˈdú kufeká. Aaléka, múúnííllá hé ke mú hol ˈgar kufe, ke húgúm kúnnaa kissoká ke yé gaa ˈdie.

Korínto ki Naamaká 5:19

Aaléka, Waag ˈdaa Kiristoka gál lesalloká ínnallé hol ˈdú gáá eeyye, gálaat ađaabanolle gaa eeyye. Tá Waag hé hújíchle nyiin nyí mé ki koyye, giri nyí gálaat fayam Kiristo-, fayamle gálaat ubaa Waag íínííllá hol higilsichoká ki ˈdiyeenneká.

Eféso 6:24

Ameeny gál Máá kúnnaa Guđo Yiesu Kirísto gielmit af mé mánká ki gielká Waag hí ˈdú ˈjeeˈjeen.

Tímote ki Naamaká 1:12

Hé kinaallá ˈdaalleka in yú manyjany gaa ija. Tá yú yáá kern ye ma ˈgiˈgin, ˈdaa giri Máá yú iiy yíéllá yú ógká. Tá ˈdaab kúlích biiy el ˈdaˈdká hátlé ali ma kí ˈdíinyká mu hújích ye gíl geer gáá kaayallá hát in ki ˈdeenká gon yáá óg.

Héberew 1:6

Héétí Waag Inylé ˈdúwáállá les ká eeyyeká kieye, Gál ˈgasso-, urru-, Waaˈgietká lulle hí mú viivisato, he chie.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.

Bétiro ki Naamaká 3:18

Tá Máá kúnnaa Guđo-, Rubachiet-, Yiesu Kirísto lééllá ˈdúˈjímle ubaa onyle ki hiráa. Káána ubaa bííyyo, ˈduuw taalle hí mú hélle yeet. Iiy-hí, he hí hát kinaallá yeet.

Yuána Erká 2:23

Máá Iny Waaˈgietallá điidhoká, hé ˈJaa kúnnaa Waag hí ma lileny. Tá máá Iny Waaˈgietallá ˈdúúw hoteká, hé ˈJaa kúnnaa Waag hí lé.

Yuána ki Naamaká 1:9

Ameeny máá he onisiny Kiristóóllá ma ki yaaliny-, he onisiny hol gaa lalaanká hé Waag hí ma gaa iđiny. Tá máá he onisiny Kiristóóllá ki yaalká hé ˈJaa kúnnaa Waag ubaa Inyle hí gaa ijo.