Yuána 5:20 - Fayam Midhab Yiesu Kiristoká He Hol Af Iđiny Kaanaká

²⁰ ˈdaa giri Íny ˈJaalle hí giel-, ˈJaalle héllé ekemeyoká lulle hí aargisuoká. Tá mu úba hé hééllá súm ˈdú guđo-, ekemeyoká Inyle hai aargisia, giri itín súm hí he af ˈdaˈdabiyyaká.

Yuána 5:20 ပူးပေါင်းရင်းမြစ်များ

Matááyo 11:27

Aalé Yíésu gálaat geey, kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, yie.

Matááyo 17:5

Aalé mu hátle ˈdéé af ká ˈgaa, nyáˈdów édh gogoká gáál buanne, gaal ˈdéé hót nyáˈdow gáá ˈgisate-, kieye, Hééllá he Iny chia yú giel-, ye geer gaa meeyká. Mú af nee kóo, chieká maale.

Matááyo 3:17

Aalé ˈdéé hót úr yé gáá ˈdiiyye, kieye, Hééllá he Iny chia yú gielká, mu hé tág ye geer gaa meey, chie.

Matááyo 4:8

Aalé hé kinaal el ˈdaal Sátan geđi Yíésu gúm ˈdérká mé ˈdug site, mú lésallá lulle ubaa kamurle argisiche,

Lúka 10:22

Aalé Yíésu geđi kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, Yíésu hí yie.

Yuána 1:18

Waag hé kálta máá hí argeká mán. Máá ke Waag gaa onnodheká, he Iny ali ka takach-, Waaˈgiet-, ˈJaalle túmus ki koyká.

Yuána 10:32

Aalé Yíésu gáál geey, kieye, Yáá hé hí af ˈdaˈdabiyye-, burnay-, midhab-, ˈJaachú yé gáá ˈdeˈdemeká hí ká aargisie. Tá hé kinaallá lulle hé máre hí ye waar ˈdú tuunna? muí gáál yie.

Yuána 14:12

Yú hí hé ˈdúwaká geeye, Máá ye iiy yeetká hé yú eekemeyká hai ekemeye. Máá hat kinaalloká ˈdaa giri ˈJaachú yú bííyle mé nannuoká hé éíy taaka gálaat hí af ˈdaˈdabo-, hé yú eekemeyká a mé gíriká hai ekemeye.

Yuána 15:15

Yáá geđi hí géde ma yegen, ˈdaa giri gedech máállé hí hoteká héllé ekemeyoká muogká. Yáá káána hí sheelchú yie, ˈdaa giri he lullé yú ˈJaachú gaa maaleká, yú hí geeyká.

Yuána 17:26

Yáá gáál ˈduuwkú onisie, gaal ko onnodhe, tá gáál taalle ha yú ko oonisia, giri gielmit ye gielká úba gáál gaa iđo-, yú úba gáál gaa ijoká, Yíésu hí ˈJaalle yie.

Yuána 3:35

Íny hé ˈJaallé Waag hí geelnedhe, ˈJaalle hí he met lulle gíl geer fie.

Yuána 5:21

Hát Íny ˈJaalle gál kufeká uushim yiem gáá ˈdeđuo-, gáál logolnoyóóllá, hát tikiˈde kinaallá in Iny gál he fedoká logolnoyo.

Yuána 5:25

Yú geđi hí ˈdúúw geeye, bar ali hai kí ˈdeenne, tá káána hé úba ali kí ˈdiiyye, giri gál kúfach gaa ijoká Waag Inyle af maalo-, tá gaal Íny af maaleka loogolnotká.

Yuána 5:29

yiem ká ˈdeˈdeen-, gál hé ˈdabaanká eekemeyká rubach aargiro-, gál hé ˈdeđewká eekemeyká íín ˈdéé ki iđiny il hí aargiˈdoká, Yíésu hí gáál yie.

Bétiro ki Naamaká 1:17

Af giri Waag gúch lulle léká úr ˈdéé gáá hote-, kieye, Hééllá he Iny chia yú gielká. Mu hé tág ye geer gaa meey, chieká, af kinaallá in Yíésu ˈJaa kúnnaa Waag ˈdúúw ubaa meeny gaa arge.