Yuána 5:19 - Fayam Midhab Yiesu Kiristoká He Hol Af Iđiny Kaanaká

¹⁹ Aalé Yíésu gáál ˈdéé hótal geey, kieye, Yú hí hé ˈdúwaká geeye, Iny hé níínní tákámle ekemeyoká mán, hé ˈJaalle hí ekemeyo-, argoká in ekemeye. Iny he lullé ˈJaalle hí ekemeyoká in úba ekemeye,

Yuána 5:19 ပူးပေါင်းရင်းမြစ်များ

Matááyo 26:39

Aalé mu biiy met á níínni mare ki sedhe, abúún ˈdíínie, Waag vite, kieye, Baabá, har tagle kátaka, kulu manyjasinyallá ye gaa éeb. Tá he hát yú fedoká hai yéen, hí hát kuuní feˈdoká yeet, yie.

Lúka 21:15

Hé hí hol ˈdú hogotoká af ha yú hí ká fafaa, ˈdaalím ha yú hí shigia, giri gál hí met il gaa ˈgieká hí ma ki faalminy-, ubaa hí ma ka aađaanká.

Yuána 10:18

Sídhchú hé máá níínní hí ye gaa silmuoká mán, yáállé tákáma hí silmia. Yáá fargogint sídhchú ki silmuo-, tá geđi yáálle hí hol ka nannasatká ˈguo. Hemuritééllá ˈJaa chia yú gaa arge, muí gáál yie.

Yuána 12:49

Tá yú yáá hé meenychú ma húógon, ˈJaa chia ye ali gáá kaayká in hé yú hogodhoká ubaa hé yú hí geđuoká ye kí mure.

Yuána 12:50

Mú hemuritle hát luolmit biiyoká yé ˈdú ˈdeˈdeennoká yáá óg. In hé ˈJaachú hí ye geeyká tákámle yú hogodho, Yíésu hí gáál yie.

Yuána 14:10

Hát yú ˈJaachú gaa ijo-, ˈJaachú íín ye gaa ijoká, kó iiy ma chéen? ˈDeem yú hí geđúóllá hé hé meenychú muuniny. ˈJaa chia ye gaa ijoká in hújíchle nannaa.

Yuána 2:19

Yíésu gáál ˈdéé hol ˈdú nie, kieye, ˈBílallá eiy ˈgieˈgía, ˈbíl kulich seđ gaa ˈdissa, yie.

Yuána 3:3

Aalé Yíésu mú ˈdéé hol ˈdú nie, kieye, Yú ko ˈdúúw geeye, máádhat ˈdaab geđi ma ka ˈdaláanká hé hát níínní Guch Waaˈgiet aargiroká mán, yie.

Yuána 5:21

Hát Íny ˈJaalle gál kufeká uushim yiem gáá ˈdeđuo-, gáál logolnoyóóllá, hát tikiˈde kinaallá in Iny gál he fedoká logolnoyo.

Yuána 6:38

Yú úr gáá yimíéllá yáá hé meenychú ma ekemeny, Máá ye ali gáá kaayká hát he fedoká el gaa igira, ekemeye.

Yuána 8:28

Aalé Yíésu kieye, Af giri hí Iny Máádhat ˈgór đarám yaalká ˈdú ˈdoyyo-, hí mú úr ki eeyyoká in yú hát he yúká hí kiimisata. Héétí hát yú tákámchú hé níínní ekemeyoká mán-, hé ˈJaachú hí ye onisieká tákámle hogodhoká úba haí kiimisata.

Yuána 9:4

Biiy hátlé kulichká taalle Máá ye ali gáá kaayká kí hújíchle naannuo. Chúúré gálaat hí hujich ma gaa nanninyká ali hai kí ˈdeenne.

He Ekeny Gál Alb Fimiká 2:24

Aalé ˈdaa giri kufach fargogint níínní he ˈguo-, mú uushich ki chichirat-, mánká, in Waag mú kúfach gaa eeyye, mú uushich yé gáá ˈdeeyche.

Róóma 6:4

Aaléka, ˈdaa giri ke bie gim nadhe-, ke Kirísto hol ˈgar kufeká, yíéđiny kúnnaa kissoká úba mán chie. Hát káána ˈJaa kúnnaa Waag fargogintlé ˈdúúw ˈgayyo-, Kirísto uushich yé kí ˈdeeychééllá, in Waag muun úba gáál luolmit kaanaká shiiche, giri ke yíéđiny kaanaká ke ki ijoká.

Róóma 8:11

Aaléka, Hím Naasan Waaˈgiet Yíésu uushich yé gáá ˈdeeychééllá hé hí gaa iđo. Hát káána Yiesu Kirísto Waag hí geđi loolnoyche-, hí uushich yé gáá ˈdeeychééllá, gón kíchia kufunannóóllá úba mú Hím Naasanlé hí gaa iđóóllá ha muí ki loolnoyo.

Korínto Erká 15:12

Aaléka, ˈdaa giri fayam nyí ˈdiyeennallá kieye, Kirísto hé geđi luolnodhe, Waag hí uushich yé gáá ˈdeeyche, chieká, tá háteka itín ˈbaal hí kieye, Gál kufeká hé geđ ma loogolnon, uushim yiem ma gáá ˈdeˈdeminy, hí chegetóol?

Korínto ki Naamaká 4:14

Nyiin nyí fayamééllá ˈdiyeennóóllá he ˈdaa giri Waag Máá kúnnaa Guđo Yíésu hát uushich yé gáá ˈdeeycheká nyí ógká. Hát tikiˈde Waag Yíésu uushich yé gáá ˈdeeychééllá in úba muun gáál uushim yiem gáá ˈdeđicha. Nyiin ubaa itín hát gáál metle gaa iđimisatoká nyí og.

Korínto ki Naamaká 5:10

Muun lulkúnno kara Kirísto hí ˈdú yíéđian-, mu gálaat ˈdéé ki iđimuoká metle ha ke ki ˈdeeme, giri máádhat af giri he gónlé lokóólallá lésallá ki ijeká, héllé midhab eekemeyká yiekaʼ, héllé ˈdeđew-, eekemeyká yíekaʼ, héllé shiichoká aargiroká.

Eféso 2:5

Af giri hátle ađaabanokúnno ˈdugaka ki gál kufachiet onnoyká, Waag hé muun gáál Kirísto hol ˈgar loolnoyche. Aaléka, itín ˈdúˈjím Waaˈgieto hí ki biiyye.

Eféso 3:16

Hé yú hí Waag kí rogononká, he giri Waag hí kamurlé uriet-, ˈdúwaká ˈdaalleka, hí fargogintle shigicho-, tá mú Hím Naasanle hodhinaamkícho far googonoychoká.

Filíbi 3:21

Mu ííni gón kúnnaa les higillóóllá hol gaa laama, giri gónkúnno hát mú gónlé ˈdúúw ˈgayyoká chegetoká. Fargogint muí hééllá ki ekemeyoká he fargogint tikiˈde muí he met lulle gim kí fafaat-, muí he gaa mumuroká.

Filíbi 4:13

Kirísto fargogint ye ka shieká ˈdaalleka, he met lullééllá fargogintle yáá ˈguo.

Kolosááya 1:11

It úba ke hí Waag kí vivisat, giri Waag guchlé he ˈgayyoká hí fargogintle hí far ki googoyyo-, hí mé ki chirsan ˈgayya-, taalle hí he ˈdú fafaataká. Aaléka ger hí gaa meemeet,

Kolosááya 1:16

He lullé Waag hí ka kuonnééllá Íny ˈdaallé he ká nadhe. He lullé úr ubaa les gaa ijo-, ki argo-, ubaa ki ma arginy-, hát káána kansimano met lullé urietallá Íny ˈdaallé he ká nadhe, Waag hí mú kí kuonne.

Dhesaloníke Erká 4:14

Yíésu hát he kufe-, tá geđi loolnodhe-, uushich yé gáá ˈdieká hé ke iiy yie, in gál Yíésu iiy yie-, mán yíéllá hát mú ˈdaalleka Waag hí shugunatoká in úba ke iiy yie.

Bétiro Erká 3:18

Gálaat héllé ˈdeđewká ađaabanolle lulle ˈdugaka, Kirísto af tikiˈde hí ˈdú kufe. Máá saas níínní-, ˈguo-, mán kinaallá gál saas ˈguoká he ˈdú kufe, giri gáál Waag ˈdú egewká. Mú gonno gaalí gáá yies, tá Hím Naasan Waaˈgiet hé mú loolnoyche.

Kí Edhesiny 2:23

Héétí min umle ha yú yeese, giri gál Kiristo lulle hát yú he Máá gálaat kasle ubaa gerle hélle eiy nannasatká kiimisatká. Tá itín lulkícho hé hí ekemeychóóllá hélle hollo yú hol ˈdú gáá nannaa.