Yuána 5:18 - Fayam Midhab Yiesu Kiristoká He Hol Af Iđiny Kaanaká

¹⁸ Aalé ˈdéé hótéél ˈdugaka, gál guguđo-, Yuuˈdiká súm geđi hát lulle laađame, giri mú yegeská. He hé kieye, mu Kúlích Hef ˈGisanká tákáma hé hatallóóllá gaa ekey muuniny, he ˈdaa giri mu úba Waag ˈJaalle yie-, Waag hol tikiˈd hoyká.

Yuána 5:18 ပူးပေါင်းရင်းမြစ်များ

Matááyo 12:5

Héétí gál suoryoká hát Kúlích Hef ˈGisanká ˈBíl Waaˈgiet hujich gaa nannuo-, kor hújíchlé kinaal Waag hí ma ˈdú ˈdeđensenká it úba warˈgasam hemuumuriti-, Waaˈgietká gaa tuoycheká, muunîny?

Yuána 1:19

Aaléka, gál guguđo-, Yuuˈdi-, Yerusalemká gállé suoryoká ubaa gállé Leviká ˈbaal Yuána gáál ali ˈdú fie, giri gaal Yuána ka hegeset-, Kúún mááya? mú yegetká. Aalé gaal mú heeteká Yuána ˈdeenylé gáál hol ˈdú nieká kieye,

Yuána 10:30

Yú ubaa ˈJaachú nyí tikiˈde, Yíésu hí gáál yie.

Yuána 10:33

Gaal mú ˈdéé hol ˈdú nie, kieye, Nyiin hé kua mákárta-, midhab-, ekeycheká ˈdaalle nyáá nyí ko waar ma ki tutuniny. Nyiin ˈdaa giri kó máádhátallá Waag chachaˈdo-, hol Waag hoycheká in nyí ko waar ki tuunna, gaalí mú yie.

Yuána 14:23

Yíésu mú ˈdéé hol ˈdú nie, kieye, Máádhát ye geelnedheka, he onisinychú el hai gaa verene. ˈJaachú mú hai geelnedhe, mú ha nyí ˈdu gáá chiimedhe, afo nyí hol yíéđianna.

Yuána 14:9

Aalé Yíésu mú geey, kieye, Fílib, bííy muun ke hol af gáá yíéđieká, kó hátle ye muog? Máá ye argeká, ˈJaa chia arge. Tá háteeye, kúún kieye, Nyí ˈJaakú ka argísish, chie?

Yuána 19:7

Aalé gál Yuuˈdiká điidhe, kieye, Nyíín nyáá nyí hemurít ˈgayya, ˈdaa giri mu hol Iny Waaˈgiet yegetká, mu gon hai kufe, gaalí yie.

Yuána 5:15

Máá midhandheká đo ali gaa sedhe, gál Yuuˈdiká geey, kieye, Máá ye bisieká he Yíésu, yie.

Yuána 5:16

Aalé ˈdaa giri Yíésu hé hatallóól Kúlích Hef ˈGisanká gaa eekemeyká, in gál guguđo-, Yuuˈdiká Yíésu ˈdéé ki saasale.

Yuána 5:17

Aalé Yíésu gáál geey, kieye, ˈJaachú hé hujich nannuo, ˈjíig káána đig, tá yú úba yáá hujich nannuo, gáál yie.

Yuána 5:23

giri gálaat lulle hát tikiˈde Íny ˈJaalle kikiatallá, úba Íny kikiatká. Máá Íny ma kikianká hé Íny ˈJaallé hí ali gáá kaayká úba ma kikian.

Yuána 7:1

Hééllá el ˈdaal Yíésu đo Galilááyalle gaa yíéđie, ˈjien totom gaa seeseme. Mu ˈdaa giri gál guguđo-, Yuuˈdiká hí oosle ˈgieká mu hé lés Yuuˈdia ma síen.

Yuána 7:19

Itín Móshe hí hemuumurit Waaˈgiet ma shíiny? Har úba hát kinaal kátaka it máá níínní hemuumurít ki yielká mán. Tá háteka hí ye oos ˈgayyáal? Yíésu hí gáál yie.

Yuána 8:54

Yíésu gáál ˈdéé hol ˈdú nie, kieye, Yú har hol ˈduuwasuoka, af kinaalka ˈduuwchú hé kátaká mán. Máá ye ˈduuwasuoká he ˈJaa chia hí hol bal ki ˈdaraanna-, hí Waagkínyo chegetallá.

Yuána 8:58

Yíésu gáál ˈdéé hol ˈdú nie, kieye, Yú hí hé ˈdúwaká geeye, Abirááyam hátlé ma ka ˈdaláanká, yáá ali ije, muí gáál yie.

Filíbi 2:6

Mu íín tuuˈdle har úba hát lullé Waaˈgietká yielka, hé ˈduuwlé kinaallá ma ki ˈgaađáminy.

Kí Edhesiny 22:1

Aalé máá ˈgasso-, urru kinaal ye wár bíé luolmitiká hí gaa ijo-, dhát-, ˈjiimiˈdat-, kara guchi-, Waaˈgiet-, ubaa Elinyiká gáá fafaanká ye ká argisie.

Kí Edhesiny 22:3

Biiy hé geđi hé níínní ˈdortó gim gaa ijoká mán. Kara guchi-, Waaˈgiet-, ubaa Elinyiká ˈjien kinaallá he gaa yaalla, tá Waag gedelle hujich haí ki nanniyya.