Yuána 5:17 - Fayam Midhab Yiesu Kiristoká He Hol Af Iđiny Kaanaká

¹⁷ Aalé Yíésu gáál geey, kieye, ˈJaachú hé hujich nannuo, ˈjíig káána đig, tá yú úba yáá hujich nannuo, gáál yie.

Yuána 5:17 ပူးပေါင်းရင်းမြစ်များ

Matááyo 10:29

Húrúm niginiká naam hé bíre raar gaalí higiatká hí tikiˈd ma onnôny? Tá hurum hé húrmáách níínní úba hí úr gáá ˈjeˈjeen-, kufunanká mán, har ˈJaa kíchia Waag hí ma ká murinyka.

Yuána 10:36

tá háteka, yáá giri ˈJaa chia Waag ye taak kodhdhe-, ye lésal ali ˈdú gáá kaayká, hí ye hatal ka geđichóol? Yú he Iny Waago, yú hí yieká, hí kieye, Kó Waag chaachaˈde! hí ye chegedhóol?

Yuána 14:10

Hát yú ˈJaachú gaa ijo-, ˈJaachú íín ye gaa ijoká, kó iiy ma chéen? ˈDeem yú hí geđúóllá hé hé meenychú muuniny. ˈJaa chia ye gaa ijoká in hújíchle nannaa.

Yuána 5:16

Aalé ˈdaa giri Yíésu hé hatallóól Kúlích Hef ˈGisanká gaa eekemeyká, in gál guguđo-, Yuuˈdiká Yíésu ˈdéé ki saasale.

Yuána 5:18

Aalé ˈdéé hótéél ˈdugaka, gál guguđo-, Yuuˈdiká súm geđi hát lulle laađame, giri mú yegeská. He hé kieye, mu Kúlích Hef ˈGisanká tákáma hé hatallóóllá gaa ekey muuniny, he ˈdaa giri mu úba Waag ˈJaalle yie-, Waag hol tikiˈd hoyká.

Yuána 9:4

Biiy hátlé kulichká taalle Máá ye ali gáá kaayká kí hújíchle naannuo. Chúúré gálaat hí hujich ma gaa nanninyká ali hai kí ˈdeenne.

He Ekeny Gál Alb Fimiká 14:17

Kor mu hé ˈgíérích hí ki kiimisatká hí ma ka rían. Mu hé hí hé midhabká ki eekemey, giri muí ír úr gáá shigie-, ˈguomkícho muí higisieká. Mu hé hí heeymisie, hí ger gaa meemey, gaalí gáál yie.

He Ekeny Gál Alb Fimiká 17:28

ˈdaa giri mu gáál sidh gaa koy-, ke mú gim gaa ijo-, ke mú gim gaa seseenká. Hát tikiˈdééllá gál kíchia ˈdeem hí kar ma gaa ˈdaraminy mare úba hé hí hodhe-, giri gaal kieye, Muun ke mú umlé, gaalí yieká.

Korínto Erká 12:6

He urit gálaat hí Waag he ki nannuoká hé hol ká burnayyeká, tá he urit eiy eiyyééllá Waag tikiˈdééllá hí gáál ká shigicha.

Kolosááya 1:16

He lullé Waag hí ka kuonnééllá Íny ˈdaallé he ká nadhe. He lullé úr ubaa les gaa ijo-, ki argo-, ubaa ki ma arginy-, hát káána kansimano met lullé urietallá Íny ˈdaallé he ká nadhe, Waag hí mú kí kuonne.

Dhesaloníke Erká 2:13

Nyáá nyí aadh lulle Waag gielmít hol ˈdú nanniyya, ˈdaa giri ˈdeeny Waaˈgiet hí nyí gaa maalleká, hát gálaat yé ma gáá ˈdíiny-, Waag yé gáá ˈdieká hí iiy chieká. ˈDeenyééllá he ˈdeeny ˈdúwa-, Waaˈgiet-, it hí iiy chíéllá hí hujich gaa nannuoká.

Héberew 1:3

Iny íínííllá édhúm Waaˈgiet ká eedhesia, ííni gáál Waag yaalmitle dhúrle ká aargisia, ííni ˈdeenylé fargogínt ˈguoká he met lulle kí chiiˈda. Aalé mu gáál nyuogim ubaa ađaabano gaa dhiireká, mu hé úratí Waag kansím lulle ˈgayyóóllá gíl ˈdaa naaniet yíéđie.