Yuána 5:16 - Fayam Midhab Yiesu Kiristoká He Hol Af Iđiny Kaanaká

¹⁶ Aalé ˈdaa giri Yíésu hé hatallóól Kúlích Hef ˈGisanká gaa eekemeyká, in gál guguđo-, Yuuˈdiká Yíésu ˈdéé ki saasale.

Yuána 5:16 ပူးပေါင်းရင်းမြစ်များ

Matááyo 12:13

Aalé Yíésu máá giriká geey, kieye, Gíl fat, yie. Mu gíl fadhe, gil đo midhandhe, hát gíl ˈdaatíítí yie.

Márko 3:6

Gál Farisaay kinaal đo baaˈd yé ki ˈdie, gaal ubaa gál Heroˈdeká ˈgíérích he Yíésu ki yegeská hol gaa ˈgeˈgedhe.

Lúka 6:11

Gál Farisaay ubaa gál nyatalaam kinaal súm idhane, hé Yíésu ki ekemeyoká hol af gáá koy.

Yuána 1:19

Aaléka, gál guguđo-, Yuuˈdi-, Yerusalemká gállé suoryoká ubaa gállé Leviká ˈbaal Yuána gáál ali ˈdú fie, giri gaal Yuána ka hegeset-, Kúún mááya? mú yegetká. Aalé gaal mú heeteká Yuána ˈdeenylé gáál hol ˈdú nieká kieye,

Yuána 10:39

Aalé gaal geđi mú ˈgiliˈgany gaa ˈgeˈgedhe, mu đo gáál mé af ˈgite.

Yuána 15:20

ˈDeeny yú hí geeyká táb ˈdodhdhíe, giri yú kieye, Gedech hé máállé hí hoteká ma ˈdú ˈduwanany, yú yieká. Gáál ˈbáál hé ye manyjasie, gaal itín úba haí maanyjasia. Gáál ˈbáál hé he onisinychú chiˈde, gaal he onisinykícho úba hai chiiˈda.

Yuána 5:10

Aalé gál guguđo-, Yuuˈdiká máá giri midhandheká geey, kieye, Hééllá Kúlích Hef ˈGisan. Nyátálkúnnoka, kúlíchallá hé kúlích kuun hí kulidh hol gaa sisitoká muuniny, yie.

Yuána 5:13

Máá giri midhandheká hé úba máá hí bisieká moonnoy, ˈdaa giri Yíésu ál mú gaa midhansie kinaal nyésébích hí gaa ijeká hurt hileká.

Yuána 5:15

Máá midhandheká đo ali gaa sedhe, gál Yuuˈdiká geey, kieye, Máá ye bisieká he Yíésu, yie.

Yuána 5:17

Aalé Yíésu gáál geey, kieye, ˈJaachú hé hujich nannuo, ˈjíig káána đig, tá yú úba yáá hujich nannuo, gáál yie.

Yuána 5:18

Aalé ˈdéé hótéél ˈdugaka, gál guguđo-, Yuuˈdiká súm geđi hát lulle laađame, giri mú yegeská. He hé kieye, mu Kúlích Hef ˈGisanká tákáma hé hatallóóllá gaa ekey muuniny, he ˈdaa giri mu úba Waag ˈJaalle yie-, Waag hol tikiˈd hoyká.

Yuána 7:21

Aalé Yíésu gáál geey, kieye, Yú he tikiˈde Kúlích Hef ˈGisanká gaa ekey, in itín hí hé kinaallá af ˈdabiyye.

Yuána 7:25

Aalé gál Yerusalem ˈbaal hol heegete, kieye, Máá oosle gaalí ˈguoká hé máállá muunîny?