Yuána 5:15 - Fayam Midhab Yiesu Kiristoká He Hol Af Iđiny Kaanaká

¹⁵ Máá midhandheká đo ali gaa sedhe, gál Yuuˈdiká geey, kieye, Máá ye bisieká he Yíésu, yie.

Yuána 5:15 ပူးပေါင်းရင်းမြစ်များ

Márko 1:45

Máá giriká yíé ˈdieká hé shab ma yéen, đo ˈdeeny guđoká huogodhe, fayám biiy bash ki hoy. Aalé Yíésu fayam kinaal hí ˈjien síé riate. Aalé Yíésu alb giri gálaat mánká gaa yíéđie, gál tolloká lulle mú ˈdú sedhe.

Yuána 1:19

Aaléka, gál guguđo-, Yuuˈdi-, Yerusalemká gállé suoryoká ubaa gállé Leviká ˈbaal Yuána gáál ali ˈdú fie, giri gaal Yuána ka hegeset-, Kúún mááya? mú yegetká. Aalé gaal mú heeteká Yuána ˈdeenylé gáál hol ˈdú nieká kieye,

Yuána 4:29

Ka kée, máá hé yú eekemeteká lulle el gáá huogodhéél argáa. Messíya taalle héél máámaʼ? chie.

Yuána 5:10

Aalé gál guguđo-, Yuuˈdiká máá giri midhandheká geey, kieye, Hééllá Kúlích Hef ˈGisan. Nyátálkúnnoka, kúlíchallá hé kúlích kuun hí kulidh hol gaa sisitoká muuniny, yie.

Yuána 5:12

Aalé gaal mú yiete, kieye, Máá ko geey-, kieye, kulidhkú éew, ˈgaskú ki sí, ko yíéllá, mááya? yie.

Yuána 5:16

Aalé ˈdaa giri Yíésu hé hatallóól Kúlích Hef ˈGisanká gaa eekemeyká, in gál guguđo-, Yuuˈdiká Yíésu ˈdéé ki saasale.

Yuána 5:18

Aalé ˈdéé hótéél ˈdugaka, gál guguđo-, Yuuˈdiká súm geđi hát lulle laađame, giri mú yegeská. He hé kieye, mu Kúlích Hef ˈGisanká tákáma hé hatallóóllá gaa ekey muuniny, he ˈdaa giri mu úba Waag ˈJaalle yie-, Waag hol tikiˈd hoyká.

Yuána 9:15

Aalé gál Farisaay mu hátlé biiy gaa argeká úba mú yiete. Máá giriká kieye, Mu sháˈdo ye in gaa liilie, aalé yú ˈjidhdheká đo káána biiy gaa arga hállá, yie.

Yuána 9:25

Aalé máá giriká kieye, Mu ađaabano ˈgaakaʼ, mánkaʼ, yáá muog. Tá hé yú ógká íín tikiˈde, yú érléká yáá in mannay, kor káána yáá biiy gaa arge, gáál yie.

Yuána 9:30

Máá giriká kieye, Hééllá he hé ki af ˈdaˈdaboká! It ál muí gáá yimieká muog, kor mu hé ye in yé ká ˈdeey.

Yuána 9:34

Gál guguđo Yuuˈdiká hatal muí yieká kieye, Kúún in ađaabano guđoká kí ˈdalaate háluke, tá har nyí ki ˈdiyeenne! gaalí mú yie. Gaal đo mú ˈbíl ˈdiiyiminyká gaa arie.