Yuána 5:10 - Fayam Midhab Yiesu Kiristoká He Hol Af Iđiny Kaanaká

¹⁰ Aalé gál guguđo-, Yuuˈdiká máá giri midhandheká geey, kieye, Hééllá Kúlích Hef ˈGisan. Nyátálkúnnoka, kúlíchallá hé kúlích kuun hí kulidh hol gaa sisitoká muuniny, yie.

Yuána 5:10 ပူးပေါင်းရင်းမြစ်များ

Matááyo 12:10

ˈBíl kinaallá hé máá gil hí ki kiite-, gíl gáá héljo mare hí gaa ije. Aalé gál Farisaay ˈbíl kinaal gaa ijeká ˈdéé tág nie, Yíésu yiete, kieye, Máádhat gaalí Kúlích Hef ˈGisanká gaa bibisuoká taglê? yie. Gaal hatallá yíéllá, ˈgíérích he Yíésu ˈdú ˈdeđenset-, mú hem gaa sisidhoká he hol gaa ˈgeˈgedhe.

Márko 2:24

Gál Farisaayká Yíésu heete, kieye, Bá dháash! Háteka gálal Kúlích Hef ˈGisanká hé nyátálkúnnoka ki ma ekemenyká ekeyal? yie.

Márko 3:4

Aalé Yíésu gáál heete, kieye, Hemuumurit Waaˈgietka, meete ke Kúlích Hef ˈGisanká gaa ekemeye? He in hé midhabká ke ekemeyee? Ebá, hé ˈdeewká ke ekemeye? Máádhat ki biisuoká kalatoo? Ebá, máádhat ki yegeská kalat? yie. Gál giriká hé ˈdéé ma hôn, đo shab yie.

Lúka 13:14

ˈDaa giri Yíésu hí Kúlích Hef ˈGisanká min gaa bisieká, in ˈbíl ˈdiiyiminy kinaal máállé hí mé ki yielká idhane, gál ál kinaal ijeká geey, kieye, Ram le gálaat hí hujich gaa nannaa. Rám le kinaallá gáá yiimedhíe, gaalí gaa biibisuo, tá hé Kúlích Hef ˈGisanká muuniny, gáál yie.

Lúka 23:56

Aalé ˈdég é hol ˈdú naate, ˈgór ussaká ubaa sáláb Yíésu shugudmichoká tág koyye. Hát giri hemurit Waaˈgiet hí hoteká ˈdég Kúlích Hef ˈGisan kinaal héf gaa ˈgisate.

Lúka 6:2

gál Farisaay mare gáál heete, kieye, Háteka hí Kúlích Hef ˈGisanká hé nyátál hí điiteká ekemeychéel? gaalí yie.

Yuána 1:19

Aaléka, gál guguđo-, Yuuˈdi-, Yerusalemká gállé suoryoká ubaa gállé Leviká ˈbaal Yuána gáál ali ˈdú fie, giri gaal Yuána ka hegeset-, Kúún mááya? mú yegetká. Aalé gaal mú heeteká Yuána ˈdeenylé gáál hol ˈdú nieká kieye,

Yuána 5:11

Aalé máá giri midhandheká kieye, Yú máá ye bisieká ye geey, kieye, kulidhkú éew, ˈgaskú ki sí, ye yie, muí gáál yie.

Yuána 5:15

Máá midhandheká đo ali gaa sedhe, gál Yuuˈdiká geey, kieye, Máá ye bisieká he Yíésu, yie.

Yuána 5:16

Aalé ˈdaa giri Yíésu hé hatallóól Kúlích Hef ˈGisanká gaa eekemeyká, in gál guguđo-, Yuuˈdiká Yíésu ˈdéé ki saasale.

Yuána 7:23

Aalé har káána hemurit Móshe hí shíéllá hí ˈdeđeneychoká hí ma fediny-, hí Kúlích Hef ˈGisanká um gaa hermisicha háluke, tá háteka, máádhat gónle lulle yú Kúlích Hef ˈGisanká gaa bisieká hí ye ˈdú idhannéel?

Yuána 9:16

Gál Farisaay ˈbáál kieye, Máállá ˈdaa giri Kúlích Hef ˈGisanká nyátálle ma ki yaalinyká, hé gon Waag ma gáá yímen, yie. Gáál ˈbaal hí kieye, Mu har máá ađááb ˈguoká kátaka, mu háteeye hé gálaat af ˈdaˈdabsúóllá ekemeye? yie. Gaal đo hol af ká điidhe, eiy ˈgite.