Yuána 4:48 - Fayam Midhab Yiesu Kiristoká He Hol Af Iđiny Kaanaká

⁴⁸ Aalé Yíésu mú geey, kieye, Itín ˈdaab hé hí il ki aargiˈda-, hí af ˈdaˈdabsuoká hí ye ma gaa árginyká it ye iiy ma chegen, yie.

Yuána 4:48 ပူးပေါင်းရင်းမြစ်များ

Matááyo 16:1

Aalé kulich tikiˈd gál Farisaay ubaa gál Saˈdukaay ˈgíérích he Yíésu ˈdéé af kí dhaˈgasanká hol af gáá maale, kí kie, mú ˈdu gáá yimie. Gaal mú heete, giri mu fargogint urietká hé gálaat hí af ˈdaˈdaboká ki ekemeyo-, gaalí aargiroká.

Matááyo 24:24

Biiy gál hođomlé-, hol Kirísto ká hođuo-, ubaa gál hođomlé-, gál Waag hí ˈdeem ka shigichoká hol ká hođuoká yiem haí gáá ˈdeeme. Gálallá hé farguogo-, gálaat il hí aargiˈdo-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Matááyo 27:42

kieye, Mu gálaat riiríme, tá íín har káána hol má ririana! Héél kín Kánsích gál Yuuˈdi? Ebá mu hé káánallá ˈgór đarám yaalallá gáá leedho! Máállá ká leedheka gon iiy ha ke yeedhe.

Márko 13:22

Gál hođomlé-, hol Kirísto ka hođuoká ubaa gál Waag hí ˈdeem ka shigichoká hol ka hođuoká biiy hai gáá ˈdeeme. Gaal hé farguogo-, kálta gálaat hí il ma ki árginy-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Lúka 10:18

Mu gáál ˈdéé hol ˈdú nie, kieye, Sátan hát ír birgianáka úr gáá ˈjiiyye-, les ˈdaraanneká yáá arge.

Lúka 16:31

Aalé Abirááyam mú geey, kieye, Gaal har hemuumurit Waag hí Móshe ka shiicheká ubaa gál Waag hí ˈdéé ka shigicheká ˈdeemle nee ma konyka, af kinaalka úba káána máádhat uushich yé gaa ˈdeˈdéminy-, hí geđînyka, hé ˈdee hí mé ma ki seeminy, muí mú yie.

Yuána 12:37

Yíésu har úba he lullé burnay-, gáál af ˈdaˈdabsúól gálaat met gaa ekeyka, gál burnayká hé mú iiy ma yéen.

Yuána 15:24

Yú onnônyka hé gálaat af ˈdaˈdabsuo-, máádhat hí ma ekemenyká gáál hurt ma gaa eekemenyka, gaal hé onnônyka ađaabano mán. Tá káána gaal hé hé kinaallá arge, kor hé yú ubaa ˈJaachú nyí hol ˈgar nebedhe.

Yuána 2:18

Aalé gál guguđo-, Yuuˈdiká mú yiete, kieye, Kúún ˈduuw máre ˈgayya, hééllá ki ekemeyche? Har ˈduuw kinaallá Waag gaa argiyyeka, ebá nyí hé gáál af ˈdaˈdabsuoká ka argísish, yie.

Yuána 20:29

Aalé Yíésu mú geey, kieye, ˈDaa giri ye ki argiyyeká in ye iiy chie? Gál ye ma árginy-, kor ye iiy yieká, ebá Waag hí ˈdú ˈguunúánne! mú yie.

Yuána 4:49

Máá giri kansichká Yíésu geey, kieye, Máá Guđo, sí kí siet, inychú hátlé sidh hí ma ˈgînká el ˈdú hil, yie.

He Ekeny Gál Alb Fimiká 14:3

Báulo ubaa Barnábas ál kinaal rám ilishká gaa yíéđie. Gaal Máá Guđo Yíésu ˈdeenyle hát nyaalimoká huogodhe. Máá Guđo Yíésu ˈdeenylé gielmiti-, gaalí huogodhe kinaal ˈduwasie, mu fargogint hélle gálaat hí il ki aargire-, gaalí af ˈdaˈdabe-, gaalí eekemeyká mú Báulo shie.

He Ekeny Gál Alb Fimiká 15:12

Aalé nyesebich lulle shab yie, Báulo ubaa Barnábas af nee koy. Báulo ubaa Barnábas Waag hát hí hujich ki naasate-, hé gáál af ˈdaˈdabsuo-, kidh hí il ki argeká Waag hí kidh hurt gaa eekemeycheká gáál geey.

He Ekeny Gál Alb Fimiká 2:19

Yú hé gáál af ˈdaˈdabsuoká úr yé ha gáá ˈdeđia. Les úba hé gálaat il hí aargiˈdoká yé ha yú gáá ˈdeđia, fás, ˈjiete, tá ér guđoká yé ha yú ká ˈdeđia.

He Ekeny Gál Alb Fimiká 2:22

Aalé Bétiro geđi gáál geey, kieye, Gál Yisirayel, hééllá nee kóo. Yíésu giri Nasaretká héllé farguogo-, Waag hí shiiche-, hí hurt gaa eekemey-, hí af ˈdaˈdabiyyeká ití óg. Hé kinaallá ˈdugaka in mu hát he máá ˈdúwaká Waag hí itín argisiche.

He Ekeny Gál Alb Fimiká 2:43

Yíésu gállé alb fimiká hé burnay-, gáál af ˈdaˈdabsuo-, gaalí il ki argeká eekemey, gálaat lulle he af ˈdabe.

He Ekeny Gál Alb Fimiká 4:30

Gíl kua gáál bibisuoká nyí ˈdú gáá hélish, hé gaal hí il ki aargiro-, gáál af ˈdaˈdabsuoká ˈdaa meeny gédéch kua Saas Mán-, Yíésu léká nyí ki eekemeyche, gaalí yie.

He Ekeny Gál Alb Fimiká 5:12

Gál alb fimiká hé gaalí il ki aargiro-, gáál af ˈdaˈdabsuoká gálaat met gaa eekemey. Aalé gál Yíésu iiy yieká lulle gách Solomon álle hol ˈdú gáá yiimie.

He Ekeny Gál Alb Fimiká 6:8

Aalé Estéfan giri midhant Waaˈgiet ubaa fargogint Waaˈgiet hí koch onnoyyeká hé gáál súm af ˈdaˈdabsie-, gaalí il ki argeká gálaat hurt gaa eekemey.

He Ekeny Gál Alb Fimiká 7:36

Aalé Móshe kinaallá gál Yisirayel lés Misirayim yé gáá ˈdeey. Mu hé gaalí il ki arge-, gáál af ˈdaˈdabsieká lés Misirayim ubaa Bás Búrká álle gaa ekey. Hé éíy hat kinaalloká úba muí ál ˈbakateká warram tomon afur gaa ekey.

Róóma 15:19

Hím Naasan Waaˈgiet fargogintle ííni hé fargogo-, gálaat hí il ki aargiro-, hí af ˈdaˈdaboká ekemeyche. Hatallá in yú hát ˈdabaanká Fayam Midhab Kiristóóllá ˈjien Yerusalem tá ˈjíig lés Illuriko lulle gaa ˈdiiyime.

Korínto Erká 1:22

Gál Yuuˈdi íín hé af ˈdaˈdaboká he fede, giri fayam nyí ˈdiyeennééllá hát Waag gáá chimieká il ki aargiroká. Tá gál Hellen íín hé ˈdaalimoká he hol gaa ˈgeˈgedhe.

Korínto ki Naamaká 12:12

Hé ˈduuˈdúwa-, yú hurtkícho gaa eekemeyká, he hé máá Kirísto hí ali gáá kaayká hí ekemeyoká. Yáá mé ki chichirte, it hé hí af ˈdaˈdabsie-, farguogoká il ki argiyye.

Dhesaloníke ki Naamaká 2:9

Máá hemuumurit Waaˈgiet điidhééllá fargogint Satano kí yiimedhe, in he met lullé fargogínt ˈguo-, gálaat hí aargiro-, hí af ˈdaˈdabo-, hodhoká ekemeye.

Héberew 2:4

Waag hé úba fayamééllá hát ˈdúwaká gálaat argisiche, hát káána mu hé farguogo-, met hí hol ká burnay-, gálaat af ˈdaˈdabsuo-, gálaat hí ílle ki argeká eekemeyká. Waag úba hát he feˈdeká in Hím Naasanle gálaat hé shiicho onyi-, met hí hol ká burnayká shiiche.