Yuána 4:21 - Fayam Midhab Yiesu Kiristoká He Hol Af Iđiny Kaanaká

²¹ Yíésu kieye, Minnééllo, hé yú ko geđúóllá ˈdúúw hósso, bár gúmallá ˈdug ubaa Yerúsalem hí ˈJaa kúnnaa Waag ma gaa viisanká ali hai kí ˈdeenne.

Yuána 4:21 ပူးပေါင်းရင်းမြစ်များ

Matááyo 18:20

Gáál naam yíekaʼ, seđ yíekaʼ, ˈdaa meenychúka me hí hol argeka, yáá hurt gaa ijo, Yíésu hí gáál yie.

Matááyo 28:19

Aaléka, sedhíe, kidh met lulle lalichú hoyyíe. Gáál bie gim ki náa, giri gaal fargogint ˈJaa chia úr ijoká ubaa yáá Ínyííllá, tá Hím Naasan Waaˈgiet gim gaa ijoká.

Lúka 21:24

Kidh hátlé hol ká eiyyeká hai ká ruuma, gáál ˈbáál fado hai ki yeese, gáál ˈbáál hai ugunma, gáál léslé eiy hai ˈdú shugunna. Yerúsalem kidh mé ˈdug haí gaa seeme, ˈdaab kidh bárlé kinaal el me hí ma ˈgînká.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

Yuána 16:2

Itín gaal ény ˈdiiyiminyká haí ká riidha. Tá bár gál hí yegeská kieye, Nyíín Waago nyí hujich ki nanniyya, yegetká, hé geđ igiˈdo.

Yuána 16:32

Bá dhaayyíe, aadh ˈgas hé tág ká ˈjobonte, giri itín hí eiy baađayya-, hí eiy gaallaʼ-, hí ye tákámchú ká gaataká. Tá yáá tákámchú ma ká ˈgiisan, ˈJaachú nyáá nyí hol ˈgayya.

Yuána 4:23

Bar ali hai kí ˈdeenne, kor úba káána hé ali kí ˈdiiyye, giri gál Waag visan hí ˈdúwaká ˈdaa Hím Naasan Waaˈgiet-, gáál Waag ˈduuwle kí eedhesichoká ˈJaa kúnnaa Waag ki vivisatká. Gál hatallóóllá in ˈJaa kúnnaa Waag hí hol gaa ˈgeˈgedhe, giri gaal mú vivisatká.

Yuána 5:25

Yú geđi hí ˈdúúw geeye, bar ali hai kí ˈdeenne, tá káána hé úba ali kí ˈdiiyye, giri gál kúfach gaa ijoká Waag Inyle af maalo-, tá gaal Íny af maaleka loogolnotká.

Yuána 5:28

Haí hééllá af ˈdábiny, bar ali hai kí ˈdeenne, giri gál kufeká lulle mú af maalo-,

He Ekeny Gál Alb Fimiká 6:14

Mú nyí af maalleká, mu kieye, Yíésu Nasaretallá ˈBíl Waaˈgietallá eiy hai ˈgieˈgia, kor nyátál Móshe hí gáál ka shieká úba hollo hol gaa laama, muí yie, gaalí yie.

Eféso 2:18

Aalé ˈdaa Kiristoka, múún met hullaakúnno Hím Naasan Waaˈgiet tikiˈdééllá ki ˈJaa kúnnaa Waag met ki seseenká hé ki uro.

Eféso 3:14

ˈDeeny kinaallá ˈdugaka, yáá ˈJaa kúnnaa Waag met les kurram gaa ˈdaraan, hí mú kí vivisat.

Tímote Erká 2:8

Aaléka, gál yááb Waaˈgiet alb lúl gaa ijoká hí gille Waag ki eegefo, Waag viivisat. Gaal ídho ubaa hol ki fálaam mánká yú fede.

Bétiro Erká 1:17

ˈJaa kúnnaa úr ijo-, hí vivisatáállá hát máá níínní ˈdú ˈdíínian-, mánká it óg. Mu he lullé gálaat hí ekemeyoká eiy hai nannaa. Aaléka, itín yíéđiny mé gaaw-, hí les ˈdug ˈdú iđáállá mú gaa kiikiadhíe.

Kí Edhesiny 21:22

Yáá ˈBíl Waaˈgiet ˈjien ma gaa árginy. Hééllá he ˈdaa giri ˈjien ˈBíllé Waaˈgietká he Máá Guđo Waag fargogínt lulle ˈguoká ubaa Élínyi.