Yuána 4:10 - Fayam Midhab Yiesu Kiristoká He Hol Af Iđiny Kaanaká

¹⁰ Yíésu min ˈdéé hol ˈdú nie, kieye, Kuun har hé shiicho Waag hí gálaat shigichoká ubaa máá ko geđuo-, ye bie shíish yíéllá onnônyka, kó onnônyka mú heesete, mu ko bíé gálaat luolmít shiguoká shie, Yíésu hí yie.

Yuána 4:10 ပူးပေါင်းရင်းမြစ်များ

Lúka 11:13

Har káána úba hí gál ˈdeđewká kátaka, umkícho hé ˈdabaan hí shigichoká it óg. Tá ˈJaa kíchia úr ijoká íín gál hí Hím Naasan Waaˈgiet ruogonoká hé gál kinaallá Hím Naasan Waaˈgiet súm ma shiginy? Yíésu hí gáál yie.

Yuána 16:3

Gaal hí hééllá ki ekemeyóóllá he ˈdaa giri gaal ˈJaachú ubaa yú nyí muogká.

Yuána 17:3

Luolmit biiyoká hatallá gaalí aargira, giri kúúni Waag tikiˈde-, ˈdúwáállá gaal ko óg-, yáá Yiesu Kirísto-, kuun ye ali gáá kaayyééllá úba gaal ye ógká.

Yuána 3:16

ˈDaa giri Waag gálaat lullé les gaa ijoká súm gielká in gáál Inylé ali ka takachká ká shiiche. Máá Íny iiy yeetká sídhle hé ma baađany, taalle luolmit biiyoká hai gaa yíéđima.

Yuána 4:14

tá máá bíé yú shuoká ˈjioká hé geđ báre hí ma chiesiny. Bíé yú mú shuoká hát haˈd fefeennokáka, mú hai gaa ija, mú luolmit biiyoká hai shigia, yie.

Yuána 6:35

Yíésu kieye, ˈGuom luolmitiká he yú. Máá ye ˈdú gáá yimetká hé gon geer hí ma gaa bolominy. Máá ye iiy yeetká hé geđi báre hí ma chegesiny.

Yuána 6:51

Yú he ˈguom luolmiti-, úr gáá chimieká. Máá ˈguomééllá kuoká taalle bííyyo ali he ija. ˈGuomééllá he gón chia yú suor hođuo-, les gálle hí luolmít ki aargiroká, Yíésu hí gáál yie.

He Ekeny Gál Alb Fimiká 9:11

Máá Guđoká mú geey, kieye, Keʼ, ény ˈgíéríchle gaalí ˈGíérích Lođuđugul Yaalká yegetallá nú, máá ˈjien Tarsos giri Sáwul léká ˈbíl Yuuˈdas álle gaa yíéso. Mu hé ál kinaallá gaa ijo, ye vivisat.

Róóma 8:32

Waag Inyle ma kulnásan-, ˈdaa kúnnoka ká sillichééllá hé úba he met lulle hát geer gaa midhantiká gáál ma ká shígîny?

Korínto Erká 1:30

Tá Waag hé itín ubaa Yiesu Kirísto hí hol ˈdú fiiyye, Kirísto ˈdaalimkúnno hoyche. Kirísto ˈdaalleka Waag hé muun gáál gál ˈdúwaká hoyche, gáál gálle hosote, gáál ađaabano gim yé gaa ˈdeeyche.

Korínto Erká 10:4

Héétí gaal lulle úba hé imi tikiˈde-, urietká ˈjie. Hé imi uriet kinaallá nyátáábá uriet-, gáál hol ˈgie-, hol ˈgar sesemeká he yé gáá ˈdie. Nyátáábá kinaallá íín he Kirísto.

Korínto ki Naamaká 9:15

Waag hé shiicho gáál ka shiiche-, ˈdúwa-, hát níínní úba ke ˈdaakayo mánnallá ˈdaalleka, kí gielmít hol ˈdú naannuo.

Eféso 2:8

Itín meka ˈdúˈjím Waaˈgieto hí ki biiyye. ˈDúˈjím hí argiyyééllá he ˈdaa giri hí Yiesu Kirísto iiy chieká. Hééllá hé ˈdaakícho yé ma gáá ˈdíiny, Waago hí ká shiiche,

Héberew 6:4

Gál giri Waag hí fayam Kiristóóllá kí edhesiche-, hé shiicho uratiká óg-, Hím Naasan Waaˈgiet hol chiˈde-,

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Kí Edhesiny 21:6

Aalé mu kieye, Hééllá lulle hé ali kí ˈdie! Yú he Álfa ubaa Oméga, yú he Mé Gaa Koon ubaa Biiy El ˈDaˈd. Máá báre hí chieská bíé haˈdo-, luolmitiká hállééllá yú shigia.

Kí Edhesiny 22:17

Aalé Hím Naasan Waaˈgiet ubaa ini Eliny hí egeetká Yíésu geey, kieye, Ka yímet! yie. Héétí máá hééllá maaloká hé úba Yíésu ka yímet yeet. Máá báre hí chees-, bíé luolmitiká fedoká hí ká yimet, hí bie hállééllá ˈjio.

Kí Edhesiny 7:17

Élíny giri kara guchiká álle yaalká gáál máállé hí ˈdeˈdeenká hai yeedhe. Mu gáál haˈdam bíé luolmitiká hí gáá fefeenká gáál hai ˈdú egedhdhe. Waag gáál imiro lulle hai gaa shugudmicha, karsich hí yie.