Yuána 4:1 - Fayam Midhab Yiesu Kiristoká He Hol Af Iđiny Kaanaká

¹ Yíésu hát lali ilishká Yuána ˈdú arge-, bie gim nannieká fayamle gál Farisaay hí maale.

Yuána 4:1 ပူးပေါင်းရင်းမြစ်များ

Lúka 1:76

Kó veel chial, kúún Waag Úr Iđoká máállé ˈdéé ka shigichoká cheedhe. Kúún Máá Guđoká met ha naata, mú ˈgíéríchle met tág ha kooyyo.

Lúka 19:31

Tá har máádhat hí yiete-, mu kieye, Har hí kírífíny fufurataa? muí yieka, itín hí kieye, Kírífíny Máá Guđoká hí fede, yiedhíe, Yíésu hí gáál yie.

Lúka 19:34

Gaal kieye, Kírífíny Máá Guđoká hí fede, gaalí mú yie.

Lúka 2:11

Kúlíchallá ény ˈDawuˈd hé máá gáál ririanká hí ki ˈdalidhe. Máá kinaallá he Máá Guđo Kirísto.

Lúka 7:13

Máá Guđo Yíésu min argeká min geer hí ˈdú gudhdhe, min geey, kieye, Ha búony, yie.

Lúka 7:19

mu gáál Máá Guđo Yíésu ali ˈdú fie, giri mú gaalí ká hegeset-, kieye, Kúún he máá giri nyí met egete-, ká yiimetkáa, ebá máá éíyyo nyí met egete? gaalí mú hatal ka hegesetká.

Yuána 3:22

Hééllá lulle el ˈdaal Yíésu ubaa lalille kie, lés Yuuˈdia geerlé kinaallá ˈjienlé mare ki fame, ál kinaal ram ki kaadhdhe, gálaat bie gim naannie.

Yuána 3:26

gaal đo Yuána hol ˈdú eedhdhe, mú geey, kieye, Máá gáál he oonisúóllo, máá giri hí hol wár Yorˈdan in ˈdaatí hol gaa ˈgayye-, fayamle kuuní gálaat shigicheká, gálaat lulle hí ˈdú seeseme, gáál bie gim nannáat! gaalí mú yie.

He Ekeny Gál Alb Fimiká 10:36

ˈDeeny Waag hí gállé Yisirayelká ali ˈdu gáá kaayyeká it óg. ˈDeeny kinaal he Fayam Midhab naanna-, ˈdaa Yiesu Kiristo ka naateká. Yiesu Kirísto kinaallá he gálaat lulle Máállé Guđoká.

Korínto Erká 1:17

Kirísto hé ye gálaat bie gím nímle ali ma ˈdu gáá káany. Mu Fayamlé Midhaballá ˈdiiyiminylé ye ali ˈdú gáá kaay, giri yú fayamééllá hát ˈdee onyiká ma ki ˈdiiyiminy-, kúfách Kirísto hí ˈgór đarám yaalká ˈdú kufeká ˈdiiyiminyle fargogínt ma ˈdaabinyká.

Korínto Erká 15:47

Máá erkob-, Áˈdamlééllá, hé máá Waag hí eeˈd lesalloká tág gaa niiyyeká. Tá Máá ki naama-, Kirísto lééllá úrro he gáá yimie.

Korínto Erká 2:8

ˈDaalimééllá hé guguch lesalloká hé máá níínní hí eiy nanateká mán. Gaal ˈdaalimééllá eiy nannasânka, hé onnônyka Máá kúnnaa Guđo-, ˈdúúw ˈgúóllá ˈgór đarám yaalká ma ˈdú yegésiny.

Korínto ki Naamaká 4:5

Nyiin nyáá nyí dhúrkínyo hékínyo ma ˈdiyiminy, nyiin Yiesu Kirísto hát he Máá Guđoká nyí ˈdiyeenne. Yíésúúllá ˈdaalle in nyí gedekícho ki chie.

Yákob 2:1

Nyaaramchú, it Máá kúnnaa Guđo ˈdúwa-, Yiesu Kirísto iiy chíéllá haí gál kaamúreká ˈdú ˈdííníminy.

Kí Edhesiny 19:16

Mú gielle ubaa mú gúbúsle meeny Waag hí gaa veeˈdeká he kánsích kansím lulle mé ki yaalká.