Yuána 3:6 - Fayam Midhab Yiesu Kiristoká He Hol Af Iđiny Kaanaká

⁶ Máádhat íín máádháto hí ˈdale. Máá veel Waaˈgiet yieká íín Hím Naasan Waaˈgieto hí ˈdalle.

Yuána 3:6 ပူးပေါင်းရင်းမြစ်များ

Yuána 1:13

Gál mú iiy yíéllá ˈdalmaat káána-, he kí ˈdalidhééllá hé ˈdalmaat aađa-, fás gonniet-, gálaat hí hol kí hođuoká muuniny, hééllá he ˈdalmaat Waag yé gáá ˈdiiyyeká.

Yuána 3:7

Aaléka, hát yú ko geey-, yú kieye, geđi kí ˈdalidhíe, yú ko yíéllá, ha af ˈdábiny.

Róóma 7:18

Hát hé níínní midhab-, ye gaa ijo-, mánká yáá óg. Yú hé ˈdúwaká ekemeyoká fede, kor fargogint hé kinaal ki ekemeyoká yáá mán.

Róóma 7:25

Gón kufachietallá máá hí ye gaa ririanká he Máá kúnnaa Guđo Yiesu Kirísto! Aaléka, kí Waag gielmít hol ˈdú nuo! Aalé it yaalmit chia kissoká argiyye. Kaschú íín hemuumurit Waaˈgiet ki tielleká he feˈde, tá ˈdaa giri yú ađaabano gim gaa ijeká in yú ađaabano hemuumuritle af ˈduuwasie.

Róóma 7:5

Muun af giri yaalmit kúnnaa hele-, ke ki ijeká gónkúnno balt gaa nyakaridheká hí gaa iđe. Hemuumuritééllá in súm baltééllá gáál gaa verenne, giri hé ˈdeđew-, Waag hí ma fedinyká saanolle muun gáál yé gáá ˈdeˈdeme-, gáál kúfach mé ki kokoyká.

Róóma 8:13

Har hí balt gonnietká el gaa igiˈdoka, hí kuyyeka, it luolmit biiyoká ma higiliny. Tá ˈdaa Hím Naasan Waaˈgietka, hí hé kinaal hol ká riateka, luolmit biiyoká haí higilla.

Korínto Erká 6:17

Tá máá Máá kúnnaa Guđo Kirísto hol ˈdú faanká, ubaa Kirísto tikiˈd hai yeedhe.

Korínto ki Naamaká 5:17

Aaléka, máá Kirísto hol ˈdú fameká hé Waag hí káána hoyche, mu hé yaalmitlé kissoká gaa láʼ. Ebá mú dhaayyíe, mu hé káána kí yie!

Galátia 5:24

Gál Yiesu Kirísto hí lééllá hé balt gaa nyakaridhe-, hí gónle gaa iđeká ˈgór đarám yaalká ˈdú reey.

Eféso 2:3

Múún lulkúnno érléká yaalmit tikiˈde gal kinaallóóllá ke ki ije, giri gónkúnno baltle ki geymisie-, he feditle ubaa kasle ki el gaa igireká. Hát tikiˈde Waag gál hí af đuˈdusanká ˈdú iiđidhanno-, gáál bár ˈdaatika he il ka aargisichóóllá, hé úba érléká idhokúnno ˈgayye.

Kolosááya 2:11

It hí Kirísto hol ˈdú faanneká, he hát it hermisate. Hermisan kíchia kinaallá hé hermisan aađa-, gónle gaalí mumuroká muuniny. Kirísto húgúm kíchia ˈdeđew-, ubaa ađaabano kíchia hí ˈgayyeká hí gaa ˈgidhie. Hé kinaallá he hermisankícho.

Yuána Erká 3:9

Hé máá níínní ˈdalmaat Waag yé gáá ˈdiiyyeká ˈdalidhe-, kor hé ˈdeđewká gaa seseenká mán, ˈdaa giri mú luolmit Waaˈgiet hí gaa iđoká. Máá ˈdalmaat Waag yé gáá ˈdiiyyeká ˈdalidheká, hé hé ˈdeđewká gaa seseenká ma uriny.