Yuána 3:19 - Fayam Midhab Yiesu Kiristoká He Hol Af Iđiny Kaanaká

¹⁹ Waag gálaat ˈdeensenle hé igiˈdoká hééllá: Waag édhúmlé ˈdúwaká íín hé les ká hile, kor ˈdaa giri gálaat héllé ekemeyoká lúl gaa nyakarichká, gaal hé édhum ma géélnen, gaal bííy gaa ongʼoˈdeká he geelney.

Yuána 3:19 ပူးပေါင်းရင်းမြစ်များ

Lúka 12:47

Gédéch kinaal hát máállé guđoká hí fedeká óg-, kor ˈgíéríchle kinaal ma náan-, tág ma kônyká, máá kinaallá súmo gaalí tuuna.

Lúka 16:14

Aalé gál Farisaay giri birm gielká ˈdeenyéél lulle maaleká Yíésu eeshey.

Yuána 1:4

Mu íínííllá in luolmít hí yé gáá ˈdeˈdeenne. Luolmit kinaallá he édhúm gálaat gaa verenoká.

Yuána 1:5

Édhúmallá he édhúm bííy gaa ongʼoˈdeká gaa eedhdhesuo-, bííy gaa ongʼoˈdeká hí ma ˈdiđisinyká.

Yuána 12:31

Waag aleđuđugul lésallá ˈdéé ki iđimichoká kálle hé ká maˈde. Kánsích lesallo-, Sátan léká Waag les haí gaa aruanna.

Yuána 12:43

Hééllá ˈdaa giri gaal gálaat hí memeyoká fedo-, meeny Waag hí memeychoká ma ˈdú fafinyká.

Yuána 12:46

Yú lésallá ka yimíéllá he édhum, giri máá ye iiy yegetká bííy gaa ongʼoˈdeká ma gaa yíéđiminyká.

Yuána 5:44

Itín hí hol eiy memeychoká hí feˈde, tá Waag ali ka takachká hí itín memeychoká in hí mé ká man háluke, tá háteeye hí ye iiy chegedhe?

Yuána 7:17

Máádhat har hé Waag hí feˈdoká ˈgíéríchle nannaatká fedoka, af kinaalka he onisinyééllá har Waag yé gáá ˈdeˈdeenka, har yú tuuˈdchú ye yé gáá ˈdeˈdeenka, eiy hai naata.

Yuána 7:7

Lésallá gálle íín hé hát hí neebenetká mán, máá he nébká he yú, ˈdaa giri gaal héllé ekemeyoká hát he gaa nyakarichká ˈduuwle yú hogodhoká.

Yuána 8:12

Yíésu geđi gálaat ki ˈdiiyime, kieye, Yú he édhúm lésallá ka yimieká. Máá ye el gáá veeroká hé geđi bííy gaa ongʼoˈdeká ma gaa seseminy, édhúm gálaat luolmít shiguoká he ˈgaa, yie.

Yuána 9:5

ˈDaab yú lésallá gaa ijóóllá yú he les édhúmlé, Yíésu hí gáál yie.

Róóma 1:32

Har úba káána gaal hemuumurit Waaˈgiet-, giri gál hé hatallóóllá ekemeyoká hát he kufunanká óíytaka, gaal hé hééllá ekenyle tákámle el ma gaa igiriny, gaal gál hééllá ekemeyoká gál ˈdúwa hé ˈdeeney mánká he ká dhaˈgama.

Róóma 2:8

Tá gál giri tákámle he hol ki fedo-, hé ˈdúwaká điđidhan-, hé ˈdeđewká el gaa igiroká, Waag idholle ubaa Waag he il ká argisinyle hai aargira.

Dhesaloníke ki Naamaká 2:12

Gál hatallóóllá lulle in Waag hí ˈdéé ki iđimicha, ˈdaa giri gaal hé ˈdúwaká iiy yegetká điđidhan-, hé ˈdeđewká gaa geyyeenká.

Bétiro Erká 2:8

Héétí warˈgát hé úba kieye, Mu hé wár gálaat ˈgas met ki ˈdaraan-, gáál riigirsuoká ubaa nyátáábá gáál les ki ˈdaraanká yie, chie. Gaal riigiróóllá he ˈdaa giri gaal fayám el ma gaa igirinyká, in Waag hí gáál ˈdú hayche.

Bétiro ki Naamaká 3:3

Er hééllá onnóo: Biiy bár el met ˈdáˈdle ka ˈjoobonotoká gál af ka fichilít ˈguo-, baltlé gaa nyakaridheká el gaa igiroká les yiem hai gáá ˈdeeme.