Yuána 3:13 - Fayam Midhab Yiesu Kiristoká He Hol Af Iđiny Kaanaká

¹³ Hé máá níínní úr mé nieká mán, Máá úr gáá leedheká tákáma. Máá kinaallá he Iny Máádhát.

Yuána 3:13 ပူးပေါင်းရင်းမြစ်များ

Matááyo 28:20

Itín he lullé yú hí kí mureká gáál onisía, gaal hí he onisinychú chirat. Yú yáá bar lulle ke hol ˈguo, ˈjíig biiy el ˈdáˈdle đig, Yíésu hí lalille yie.

Matááyo 8:20

Aaléka, Yíésu mú geey, kieye, Mana godollé he gaa ija, hurum hé ényle ˈguo, tá yáá Iny Máádhátallá yáá ál ˈguo-, mé les ˈdú igifuoká mán, yie.

Yuána 1:18

Waag hé kálta máá hí argeká mán. Máá ke Waag gaa onnodheká, he Iny ali ka takach-, Waaˈgiet-, ˈJaalle túmus ki koyká.

Yuána 13:3

Yíésu hát ˈJaalle hí he met lulle gíl geer fie-, íín Waag gáá yimie-, kor Waag hol ˈdú nannaatká hé onnoy.

Yuána 17:5

Aalé, Baabá, ye ˈduuw héle les hátle biiy gaa mannayyeká yú ubaa kuun ke hol ka ˈgieká, ye káánallá ki ˈdúwash.

Yuána 3:12

Yaalmit lesalloká yú hí geeyká in hí iiy má cheen háluke, tá háteeye, yaalmit uriet-, yú hí ka geđuoká hí iiy chegedhe?

Yuána 3:31

Máá úr gáá yimieká he lullé met ija. Máá lesalloká he máá lesallá, ˈdéé hótle ˈdaa lesieto ki taalla. Máá Waag gáá yimieká íín he lullé met ija.

Yuána 6:33

ˈGuom Waag hí ká shigichóóllá he Máá úr gáá yimie-, gálaat luolmit ˈdúwaká shigúóllá, Yíésu hí gáál yie.

Yuána 6:38

Yú úr gáá yimíéllá yáá hé meenychú ma ekemeny, Máá ye ali gáá kaayká hát he fedoká el gaa igira, ekemeye.

Yuána 6:42

Gaal kieye, Hééllá hé Yíésu giri iny Yuosef ˈjaalle ubaa ˈjielle ki ógká muunîny? Tá háteeye, káána kieye, Yú úrro gáá yimie, yegedhe? gaalí yie.

Yuána 6:46

ˈJaa kúnnaa Waag hé máá níínní hí argeká mán, Máá mú af gáá kieká tákáma hí arge.

Yuána 6:51

Yú he ˈguom luolmiti-, úr gáá chimieká. Máá ˈguomééllá kuoká taalle bííyyo ali he ija. ˈGuomééllá he gón chia yú suor hođuo-, les gálle hí luolmít ki aargiroká, Yíésu hí gáál yie.

Yuána 6:62

Tá itín Iny Máádhat hátlé úr mé nannuo-, állé er he gáá yimieká hol ˈdú nannaatká hí aargírinyka, háte hí chíe?

Yuána 8:42

Aalé Yíésu gáál geey, kieye, Waag har ˈJaakícho kátaka, it onnônyka ye giel, ˈdaa giri yú Waag gáá yimie-, tá káána yú állá ijoká. Yú yáá meenychú ma kí yímen, mu ííni ye ali gáá kaay.

He Ekeny Gál Alb Fimiká 2:34

Tá ˈDáwuˈd bár giri ˈdeenyééllá hodheká hé úr ma síen, kor kieye, Máá Guđo Waag Máá chia Guđoká geey, kieye, Gíl ˈdaa chia naanietká yíéđig,

He Ekeny Gál Alb Fimiká 20:28

Mu geđi gáál geey, kieye, Hol ˈdeeˈdemíe, gál Kiristo lullé Hím Naasan Waaˈgiet hí mé ki koyyééllá úba ˈdeeˈdemíe. Hát máádhat hí aanyle ˈdeˈdeenká Máá Guđo Yíésu gállé he fásle ká hidhdheká lulle hát tikiˈde kinaallá ˈdeeˈdemíe.

Róóma 10:6

Tá gál Waag iiy yie-, iiy yeenlé kinaal hí gál ˈdúwaká hoycheká hai kieye, Mááya úr mé nannaa, Kirísto les ˈdu gáá egedhdhe? yíen.

Korínto Erká 15:47

Máá erkob-, Áˈdamlééllá, hé máá Waag hí eeˈd lesalloká tág gaa niiyyeká. Tá Máá ki naama-, Kirísto lééllá úrro he gáá yimie.

Eféso 1:23

Gál Kiristo he Kirísto gónlé. Kirísto he lullé biiy lulle gaa ijoká hí ki ijóóllá hé fargogintle gálle koch ki hoy.