Yuána 3:11 - Fayam Midhab Yiesu Kiristoká He Hol Af Iđiny Kaanaká

¹¹ Yú ko ˈdúúw geeye, nyiin hé nyí ógká in nyí hogoto, hé nyí ˈdúúw ˈdú ˈdiiyyeká in fayamle ki hí geđia, kor it hé ki hí geđuoká iiy ma chegen.

Yuána 3:11 ပူးပေါင်းရင်းမြစ်များ

Matááyo 11:27

Aalé Yíésu gálaat geey, kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, yie.

Matááyo 23:37

It ˈjien Yerusalemallo! It gál Waag hí ˈdeem ka shigichoká cheges-, gál Waag hí ali ˈdu gáá fafiyyoká waar ki tutunnóol! Yú af burnayká hát lug umle kuol gim fafaatokáka itín hí hol ˈdú gáá shuguneká fede. Tá it hé kinaal ká điite.

Lúka 10:22

Aalé Yíésu geđi kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, Yíésu hí yie.

Yuána 1:11

Mu hé lésle ká yimie, kor mú gálle hé mú điidhe.

Yuána 1:18

Waag hé kálta máá hí argeká mán. Máá ke Waag gaa onnodheká, he Iny ali ka takach-, Waaˈgiet-, ˈJaalle túmus ki koyká.

Yuána 12:49

Tá yú yáá hé meenychú ma húógon, ˈJaa chia ye ali gáá kaayká in hé yú hogodhoká ubaa hé yú hí geđuoká ye kí mure.

Yuána 14:24

Máá ye ma geelnenyká hé ˈdeenychú el ma gaa vereniny. ˈDeeny hí maallóóllá hé ˈdeenychú muuniny, he ˈJaa chia ye ali gáá kaayká ˈdeenylé.

Yuána 3:12

Yaalmit lesalloká yú hí geeyká in hí iiy má cheen háluke, tá háteeye, yaalmit uriet-, yú hí ka geđuoká hí iiy chegedhe?

Yuána 3:13

Hé máá níínní úr mé nieká mán, Máá úr gáá leedheká tákáma. Máá kinaallá he Iny Máádhát.

Yuána 3:3

Aalé Yíésu mú ˈdéé hol ˈdú nie, kieye, Yú ko ˈdúúw geeye, máádhat ˈdaab geđi ma ka ˈdaláanká hé hát níínní Guch Waaˈgiet aargiroká mán, yie.

Yuána 3:5

Yíésu mú ˈdéé hol ˈdú nie, kieye, Yú ko hé ˈdúwaká geeye, máádhat ˈdaab bie ubaa Hím Naasan Waaˈgiet ma kí ˈdaláanká hé hát níínní Guch Waaˈgiet higiloká mán.

Yuána 5:43

Yú meeny ˈJaa chia kí yimie, kor itín it ye điite. Tá máá éíy taaka meenyle kí yimieka, đo iiyyo hí chie.

Yuána 7:16

Yíésu gáál ˈdéé hol ˈdú nie, kieye, He onisiny yú gálaat oonisúóllá hé ye yé ma gáá ˈdeˈdeminy, máá yé gáá ˈdeˈdeenká he Máá ye ali gáá kaayká.

Yuána 8:14

Aalé Yíésu gáál ˈdéé hol ˈdú nie, kieye, Har káána yú hol ˈduuwchú ˈdú hogodhoka, ˈdaa giri yú ál gáá yimieká ubaa ál seseenká ógká, hol ˈdúúw ˈdú huogon chiallá hé ˈdúwa. Tá itín íín it ál yú gáá yimieká ubaa ál yú seseenká muog.

Yuána 8:26

Yú yáá hé guđo-, hí ˈdú ˈdeđensetká ˈguo. Tá Máá ye ali gáá kaayká hé yú gaa maaleká in yú gálaat lésallá gaa geđia. Máá kinaallá hé ˈdúwa, muí gáál yie.

Yuána 8:38

Yú hé ˈJaachú gaa aargiroká in hogodho. Itín íín hé hí ˈjaakícho gaa mamalloká hí ekemeyche, Yíésu hí gáál yie.

He Ekeny Gál Alb Fimiká 22:18

Máá Guđoká yú arge, mu ye geey, kieye, Đo keʼ, Yerúsalem yé gaa ˈdé. Gál alloká hé ˈdeeny chia kuun hí geđichoká iiy ma yegen, muí ye yie.

Korínto ki Naamaká 4:4

Máá lesallo-, hol Waag hođuo-, Sátanlééllá hé gál Kirísto iiy ma yegenallá kasle chúg hoy, giri gaal Fayam Midhab Kiristo-, máálle ˈdúwa-, yaalmit Waaˈgiet ˈgúóllá ˈduuwle ma kiimisanká.

Kí Edhesiny 3:14

Gál Kiristo ˈjien Lauˈdikew gaa ijoká máállé urru-, ˈgassoká ˈdeenyééllá ˈdú véer. Máá He Hí Hát Kinaallá Yeet lé-, ˈdúwa-, fayam Waaˈgiet ˈduuwle hogodho-, tá Waag hé ka kuonneká mé ki yaalká ˈdeenyle hééllá: