Yuána 21:23 - Fayam Midhab Yiesu Kiristoká He Hol Af Iđiny Kaanaká

²³ ˈDeenyéél ˈdugaka, máádhat ˈdéé hótéél gál nyaaramká af ki veere, máá lálííllá hé ma kufuminy, gáál yie. Tá Yíésu íín hé kieye, Mu hé ma kufuminy, ma yéen. Mu hé hodheká kieye, Har yú fedo-, mu les ˈdug ˈdú yíéđian-, ˈjíig af giri yú hol ká nannaatká đig kátaka, hé kinaallá meete kua hí gaa ija? he yie.

Yuána 21:23 ပူးပေါင်းရင်းမြစ်များ

Matááyo 16:27

Yáá Iny Máádhátallá guch ˈJaachú ha kí yiimedhe, ubaa gál chia ˈgasso-, urruká hollo nyí hol ká egeete. Af kinaallá gálaat lulle héllé eekemeyká eiyyo yú hol gaa nannaa, gál hé midhabká eekemeyká hé shiicho ha yú shigia, gál hé ˈdeđewká eekemeyká íín he il haí aargiˈda.

He Ekeny Gál Alb Fimiká 1:15

Af kinaal Bétiro les gaa kie, gál giri nyaaram-, Yíésu iiy yieká hurt ki ˈdie. Gál kinaallá amú kúˈd tikiˈde tómón eiy naama giri hol ˈdú gáá yimieká.

He Ekeny Gál Alb Fimiká 28:14

Ál kinaal nyí gál nyaaram-, Yíésu iiy yieká hol gaa argiyye, gaal nyí ényle ˈdú eedhdhe, gáál nyí hol ram tiiya af rayye. Ál kinaal nyí gaa kiiyyeká, nyí Róóma mé niiyye.

He Ekeny Gál Alb Fimiká 6:3

Nyaaramkúnno, gál ˈdúwa-, tiiya Hím Naasan Waaˈgiet hí koch chie-, ˈdaallellé-, hí ógká hol gáá shuunáa, gáál nyí hújíchallá mé ki koyyo.

Korínto Erká 11:26

Aaléka, af giri hí taalle balasháállá kokonyo-, hí kulúúllá igiannoká, Máá kúnnaa Guđoká kúfáchlé hí ˈdiyeenne, ˈdaab ˈjíig mu ma ka ˈjînyká.

Korínto Erká 4:5

Aaléka, ˈdaab kúlích ˈdéé ki iđinyká ali ma kí ˈdíiny-, Máá kúnnaa Guđoká hol ma ka náanká, haí máádhat ˈdéé ki iđîny. Máá kúnnaa Guđóóllá íín gálaat héllé ger geđi-, gaa dhátká ubaa kaslé kaadhdheká hai ká eedhesia. Af kinaallá máádhat héllé ˈdúwaká ˈdugaka meeny Waag hí ki memeychoká Waag hai gaa aargira.

Yákob 5:7

Aaléka, nyaaramchú, hol táa, ˈjíig Máá Guđoká hí ká ˈjie. Ebá máá les fafuoká hát ˈguomle met egeso-, tá hol tatuo-, ír mísáchle met egesoká dhaayyíe.

Kí Edhesiny 2:25

Tá, ˈdaab yú hol ma ka náanká, iiy yeen hí ye ká ˈgayyáállá tág chiˈdíe.