Yuána 21:17 - Fayam Midhab Yiesu Kiristoká He Hol Af Iđiny Kaanaká

¹⁷ Yíésu gíl ki seđeká geđi mú yiete, kieye, Símon, iny Yuana, kuun kín kó ye giel? yie. Bétiro ˈdaa giri Yíésu hí a seđ ki yiete-, Kó ye giel? muí yieká, đo geer hí gaa ˈdeenedhe, kieye, Máá Guđo, kuun kó he lulle óg, hát yú ko gielká kó óg, yie. Yíésu kieye, Walachú ˈdeeˈdémo, mú yie.

Yuána 21:17 ပူးပေါင်းရင်းမြစ်များ

Matááyo 25:40

Aalé Máá Kansichká íín gáál ˈdéé hollo hol ˈdú nannaa, kieye, Yú hí hé ˈdúwaká geeye, gál nyaaram chiallá af giri hí ˈdú ˈjeˈjeenneká, yaa hí ye ˈdú ˈjeˈjeenne, har úba káána gáál máállé biiy el ˈdaˈdká hí ˈdú ˈjeˈjeenneka, ha muí gáál yeedhe.

Márko 14:72

Aalé Bétiro hátlé ˈdeeny kinaal af ká ˈgieká lúg geđi gíl ki naamaká ˈdayche. Bétiro ˈdeeny Yíésu hí geey-, giri mu kieye, Lúg hátlé gíl ki naamaká ma ki ˈdânyká, kúún a seđ ha ye gaa faalanna, muí yieká, hí táb ká ˈjie, đo imiro hí gáá okoˈde, buoy.

Yuána 12:8

Gál he maamanká aadh lulle it hí hol af iđa, tá yú yáá ˈjíig ke hol af ma iđiny, Yíésu hí gáál yie.

Yuána 13:38

Aalé Yíésu ˈdéé hol nie, kieye, Kó kín ye ˈdú kufunân? Yú ko hé ˈdúwaká geeye, kúún lúg hátlé ma ˈdânyká a seđe ye gaa faalanna! Yíésu hí Bétiro yie.

Yuána 14:15

Har hí ye gielnítaka, hé yú hí kí mureká el haí gaa verenne.

Yuána 15:10

Hát yú hemuumurit ˈJaachú ki yaal-, mú gielmitle gaa ijóóllá, itín har hí hemuumuritchú ki taalka, gielmitchú haí gaa yíéđianna.

Yuána 16:30

Aaléka, hát kuun he lulle óg-, máá ko ˈdéé hol ˈdu gáá nannuo-, mánká nyáá nyí argiyye. Hééllá in hát kuun Waag gáá chimieká nyí iiy hoy, gaalí mú yie.

Yuána 18:27

Aalé Bétiro geđi Yíésu gaa falme, tíkíˈdé kinaallá lúg đo ˈdayche.

Yuána 18:4

Yíésu hát he lulle il hí aargiˈdoká ógká, gáál af ki sedhe, gáál yiete, kieye, Mááya hí hol gaa ˈgeˈgete? yie.

Yuána 21:18

Aalé Yíésu mú geey, kieye, Yú ko ˈdúúw geeye, kúún ruorich onnoyyeká kó đafarkú higisate, alb feˈdeká seseenne. Tá af giri vinnamoká gil ha faata, máá eiy đafar hai ko higidha, ál ma fedinyká hai ko siidha, Yíésu hí mú yie.

Yuána 4:16

Yíésu min geey, kieye, Sí, bélkú ká veʼ, hol ka eedhdhíe, yie.

He Ekeny Gál Alb Fimiká 1:24

Aalé gaal Waag vite, kieye, Máá Guđo, kúúni gálaat lulle gerle og. Gál naamáállá máá feˈdoká nyí ka argísish.

He Ekeny Gál Alb Fimiká 11:10

Héél af hí seđ yieká he lulle geđi gaalí úr ki eedhdhe.

He Ekeny Gál Alb Fimiká 15:8

Waag ííni ger gálaat ógallá, hát he kidh iiy chieká hé gáál ká argisiche. Hát giri mu Hím Naasanle muun muí gáál ka shieká in úba muí kidh shie.

Korínto ki Naamaká 1:12

Nyiin hé midhab-, nyí ekemeyche-, nyí ki ˈgađasannoká nyáá nyí ˈgayya. Hé kinaallá he húgúm ˈdúwa-, leđuđugulle-, Waaˈgiet nyí lésallá ki iđa-, ke hí hurt ki ijóóllá. Nyiin nyáá nyí ˈdaalim gálaat lesalloká el ma gaa igiriny, nyíín geer guura Waaˈgieto nyí ki iđa, nyí af tatiyya.

Eféso 4:30

Haí Hím Naasan Waaˈgiet geer gaa ˈdeđenêny. Waag hé hí Hím Naasanlé kinaallá ki guyye. Aaléka, Hím Naasan Waaˈgiet afo hí hol yíéđianna, ˈjíig kúlích giri Waag hí gálle gaa riannoká đig.

Bétiro Erká 1:6

ˈDaa kinaallá ˈdugaka in ger hí gaa meedhe, har úba káána ˈdaabal hí manyjasiny met hí hol ká burnayyeká hí ger ˈdéént gaa aargiˈdoka.

Bétiro ki Naamaká 3:1

Sheel chia yú gielallo, hééllá he warˈgat chia ki naama-, yú hí ˈdú gáá veereká. Warˈgasamééllá yú hí ˈdu ˈgáá veerééllá yú haí gogofsia, giri kas ˈdúwa-, Waaˈgiet hí ˈgayyaká yú hí táb kí gagadhoká.

Kí Edhesiny 2:23

Héétí min umle ha yú yeese, giri gál Kiristo lulle hát yú he Máá gálaat kasle ubaa gerle hélle eiy nannasatká kiimisatká. Tá itín lulkícho hé hí ekemeychóóllá hélle hollo yú hol ˈdú gáá nannaa.

Kí Edhesiny 3:19

Gál yú gielká in yú ki lolodhmo, yú af tataa. Aaléka ˈgaađamíe, ye bala ˈdú gáá náa!