Yuána 21:15 - Fayam Midhab Yiesu Kiristoká He Hol Af Iđiny Kaanaká

¹⁵ Aalé gáál golol hí gaa đueká, Yíésu Bétiro tól eedhdhe, mú yiete, kieye, Símon, iny Yuana, kó ye gálallá ˈdú giel? yie. Bétiro kieye, Iiy-hí, Máá Guđo, kuun hát yú ko gielká, kó óg, yie. Yíésu kieye, Walachú ˈdeeˈdémo, yie.

Yuána 21:15 ပူးပေါင်းရင်းမြစ်များ

Matááyo 10:37

Máádhat har ye gielnítaka, hí gielmit ye ka ˈguo kinaallá hí gielmit muí ˈjaalle, ˈjielle, inyle, tá inille ka ˈguoká af ˈdú ˈderneyo. Har hát kinaal ma ˈdiinyka, hé mááchú muuniny.

Matááyo 16:17

Aaléka, Yíésu Bétiro geey, kieye, Símon, iny Yonnas, kó Waag ko ˈdú ˈjiiyye. Hé hotééllá hé máádhát hí ko ma kí edhesîny, ˈJaa chia úr ijoká hí ko kí edhesie.

Matááyo 18:10

Onnóo, haí gál niginííllá mú tikiˈd eeshêny. Yú hí geeye, gál niginííllá gál ˈgasso-, urru-, hí ˈdeˈdeenká hé ˈJaa chia úr ijoká aadh lulle hol af ijo.

Matááyo 26:33

Aalé Bétiro Yíésu geey, kieye, Gaal har úba káána lulle ko in kar ká ˈdaneka, yú yáá ko in kar ma ká ˈdaraminy, yie.

Matááyo 26:35

Bétiro kín điidhe, kieye, Yáá gon ko ma gaa faalminy, har úba ke hol ˈgar kufunanka! yie. Gál lálíítí úba hát tikiˈdééllá Yíésu yie.

Márko 14:29

Aalé Bétiro Yíésu geey, kieye, Har úba gaal lulle ko in kar ká ˈdaneka, yú yáá ko in kar ma ká ˈdaraminy, yie.

Lúka 12:32

Wala iraam mánnallo, haí biiy gaa kikían! ˈJaakícho hí Guch Waaˈgiet shiguoká hé tág fedo.

Lúka 22:32

Tá yáá ko Waag kí vite, giri iiy yeenkú mán ma chegenká. Tá kuun ye hayche-, kor ye hol ˈdu gáá naateka, nyaaramkú gúófsish, Yíésu hí mú yie.

Yuána 1:42

Mu đo Símon Yíésu ˈdú eey. Yíésu Símon ki fuˈjie, kieye, Kúún he Símon, iny Yuanaká. Kúún aaléka Kéfasso gaalí ko yegedhe, muí mú yie. (Meeny Kéfaslééllá hélle kieye, Nyátáábá, af Hellenka Bétiro.)

Yuána 13:37

Bétiro mú yiete, kieye, Máá Guđo, háteka káánallá yú ko el ma gáá vereninyal? Yú gon ha ko ˈdú kufuma, muí Yíésu yie.

Yuána 16:27

ˈJaachú íín hé hí giel, ˈdaa giri itín hí ye giel-, ubaa yú hát Waag gáá yimieká hí iiy chieká.

Yuána 21:12

Aalé Yíésu gáál geey, kieye, Ka yimedhíe, he chira mé ki ˈdóo, gáál yie. Gál láliká ˈdaa giri mu hát gáál Máállé Guđoká onnoyká ógká, hé máá hol yíé ˈdeey-, mú yiete-, kieye, Kúún mááya? mú yieká mán.

Yuána 21:7

Aalé máá giri láli-, Yíésu hí gielká kieye, Bétiro, he har Máá kúnnaa Guđúa! yie. Bétiro ˈdeenyéél tákáma mú af gaa maale, đo đafarlé biiy ˈdugo-, fure-, ali iđieká seet ki ˈdanne, bie ki suoy.

Yuána 8:42

Aalé Yíésu gáál geey, kieye, Waag har ˈJaakícho kátaka, it onnônyka ye giel, ˈdaa giri yú Waag gáá yimie-, tá káána yú állá ijoká. Yú yáá meenychú ma kí yímen, mu ííni ye ali gáá kaay.

He Ekeny Gál Alb Fimiká 20:28

Mu geđi gáál geey, kieye, Hol ˈdeeˈdemíe, gál Kiristo lullé Hím Naasan Waaˈgiet hí mé ki koyyééllá úba ˈdeeˈdemíe. Hát máádhat hí aanyle ˈdeˈdeenká Máá Guđo Yíésu gállé he fásle ká hidhdheká lulle hát tikiˈde kinaallá ˈdeeˈdemíe.

He Ekeny Gál Alb Fimiká 20:29

Yáá óg, yú kieka, đanyar hurt haí ká higila, hé hí ma biisiny.

Róóma 14:1

Máá iiy yeenlé Kirísto iiy yieká đalidheká ka ˈjobontíe, mú tawunylé đalimmo muí ˈguo kinaal haí mú ˈdú ˈdéénsen.

Róóma 15:1

Múúni giri ke Fayam Midhab Kiristóóllá ki hirayallá, kí gál Kiristo hátle ma hirânyallá tawunylé đalimmóóllá ˈdaalle ˈdugaka kí yiir gaa chiichirat, ha ke tákámkúnno hol ger gaa memesîny.

Korínto Erká 8:11

Yaalmitééllá in nyár kua kas hí ma hirâny-, Kirísto hí ˈdú kufeká, ˈdaalim kua kinaal hí baađisicha.

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Eféso 4:14

Hát kinaallá in múún geđ ke hát um niginiká, muuninyka, hát kádích baran hí hol gaa sisitoká ma yegen. Héétí ke hát gál gál đíđaská hí raraat-, hí ˈdeemlé hódhoká ki nyiimisatká ma yegen.

Eféso 6:24

Ameeny gál Máá kúnnaa Guđo Yiesu Kirísto gielmit af mé mánká ki gielká Waag hí ˈdú ˈjeeˈjeen.

Héberew 13:20

Aaléka, Waag Máá kúnnaa Guđo-, ˈdúwa-, wála ˈdeˈdeen-, Yíésu lé-, ˈdaa fásleka he hol af iđiny biiyóóllá ˈduwayallá uushich yé gáá ˈdeeyche. Waag ííni naanná ˈgayyóóllá hí he lullé ˈduuˈdúwaká gerkícho fiiyyo, giri hé midhab muí itín gaa fedoká hí ekemeychoká. Waag hí ˈdaa Yiesu Kiristoka gerkúnno hujich gaa naanniyyo, hí muun gál mú geer gaa memesuoká hoycho. Aaléka, kí Yiesu Kirístóóllá taalle bííyyo meemeyo. Iiy-hí, he hí hát kinaallá yeet.

Héberew 4:13

He met lullé Waag hí ka kuonnééllá hé níínní Waag metleka kaany gaa ijoká mán. Waag hé he lulle argiyyo, innumleka he met lulle hé gaa édhká tákáma. Mu íínííllá he Máá ke hékúnno met gaa hogodhoká.

Bétiro Erká 1:8

It mú ma árginy, kor it mú giel. Har káána úba hí mú ma arginyka, it hí mú hát ger gaa meenká iiy chie. Geer gaa meen hí ˈgayyáállá ˈduuwle hé ˈdéé hót hí hogotoká a yíé ˈdiiyye.

Bétiro Erká 2:2

Hát káána um nigini-, ˈbáˈdká ot eelle eenamle maralle ˈgúóllá, itín úba ˈdeeny Waaˈgiet maralle ˈgáa, giri ˈdeeny kinaal ˈdaalleka, hí rúbáchkícho ki higirayyoká.

Bétiro Erká 2:25

Itín érléká hát hí wala eiy bađayká, kor káána it Máá sidhamkícho ˈdeˈdeen-, sidham in gaa yaalká hol ˈdu gáá naate.

Yuána Erká 4:19

ˈDaa giri mu íín er gáál gielká in múún úba ke gielmít ˈgaa.

Yuána Erká 5:1

Ameeny máá Yíésu hát Messíyaká iiy yegetká, máá kinaallá hé veel Waaˈgiet yie. Tá ameeny máá véel ˈjaalle gielká, hé úba veel muí ˈdaloká giel.

Kí Edhesiny 2:23

Héétí min umle ha yú yeese, giri gál Kiristo lulle hát yú he Máá gálaat kasle ubaa gerle hélle eiy nannasatká kiimisatká. Tá itín lulkícho hé hí ekemeychóóllá hélle hollo yú hol ˈdú gáá nannaa.