Yuána 21:12 - Fayam Midhab Yiesu Kiristoká He Hol Af Iđiny Kaanaká

¹² Aalé Yíésu gáál geey, kieye, Ka yimedhíe, he chira mé ki ˈdóo, gáál yie. Gál láliká ˈdaa giri mu hát gáál Máállé Guđoká onnoyká ógká, hé máá hol yíé ˈdeey-, mú yiete-, kieye, Kúún mááya? mú yieká mán.

Yuána 21:12 ပူးပေါင်းရင်းမြစ်များ

Matááyo 22:46

Yíésu gáál ˈdeenyéél yieteká, hé máá níínní hí ˈdéé af hol ˈdú nieká mán. Ameeny kinaallá gaal hé máá níínní geđi úba Yíésu yieteká mán.

Márko 9:32

Gaal hé ˈdeenyéél tág eiy ma náásan, gaal mú ˈdéé hélle hegesetká kiadhe.

Lúka 9:45

Kor mú lalille ˈdeeny muí hodhéél hé hélle ma kimísan. ˈDeenyéél hélle Waag hí gáál kimisan ká riate. Gaal Yíésu ˈdéé yaalmitle hegesetká kiadhe.

Yuána 16:19

Yíésu hát gaalí ˈdéé hótal hegesetká kimite, gáál geey, kieye, He in hé yú hodhe-, yú kieye, It guch guđo hí yíéđiannoká mán, it ye ma aargiriny, it guch guđo úba hí yíéđiannoká mán đo haí ye argiyye, yú hí yíéllo, hélle hí hol hegesete?

Yuána 21:11

Símon Bétiro đo buit ílung ˈdú hergite. Buit kinaallá beeny guguđoká hí koch, béé túóyle kúˈd tikiˈde, tómón eiy chen, tá a seđe. Buit har úba beeny burnayallá ká ˈgiiliˈgayyeka, hé ma ˈgîn.

Yuána 21:15

Aalé gáál golol hí gaa đueká, Yíésu Bétiro tól eedhdhe, mú yiete, kieye, Símon, iny Yuana, kó ye gálallá ˈdú giel? yie. Bétiro kieye, Iiy-hí, Máá Guđo, kuun hát yú ko gielká, kó óg, yie. Yíésu kieye, Walachú ˈdeeˈdémo, yie.

Yuána 4:27

ˈDeenyéél hátle Yíésu hí af ká ˈgaa, gál láliká đo ali kí ˈdie. Gaal Yíésu min hol geđia-, argeká gil hí af fame. Tá gaal hé máá níínní Yíésu yiete-, kieye, Min meete hí hol ká ˈgayya, muuninyka, meete hí min hol geđicha? mú yieká mán.

He Ekeny Gál Alb Fimiká 10:41

Mú hé gálaat lulle hí ma árginy. Nyííni giri kis Waag nyí waarate-, hé nyí il ki argiyyeká nyí hogotoká tákáma nyí mú argiyye. Gál kinaallá he nyííni giri mu uushich yé gáá ˈdieká nyí mú hol ˈgar gololsote-, mú nyí hol he ˈgar iiyyeká.