Yuána 20:31 - Fayam Midhab Yiesu Kiristoká He Hol Af Iđiny Kaanaká

³¹ Máá warˈgatééllá ka veerééllá hé he veerééllá, he giri itín Yíésu hát he Messíya-, Iny Waaˈgietká hí iiy chegeto-, tá hí mú iiy chieka, hí luolmit biiyoká mú meenyle ki aargiˈdoká.

Yuána 20:31 ပူးပေါင်းရင်းမြစ်များ

Matááyo 16:16

Símon Bétiro kieye, Kúún he Messíya, Iny Waag bííyyo ali iđoká, yie.

Matááyo 27:54

Aalé máá yuoy kúˈd mé ki yiel mare ubaa yuoylé he Yíésu hol ˈgar ˈdeˈdemeká les motinyle ubaa he lullé yiem ká ˈdeˈdeme-, argeká birge, neey, kieye, Hé ˈdúwa, máállá gon he Iny Waaˈgiet, yie.

Matááyo 4:3

Aaléka máá mú ki ekemete-, Sátan léká mú ˈdu gáá yimie, mú geey, kieye, Har kuun Iny Waaˈgiet kátaka, ebá ˈdéé hot, waarééllá hí balashá yeet, yie.

Márko 16:16

Máá ye iiy yeet-, gaalí bie gim nuoká rubach hai aargira. Tá máá ye iiy ma yéenká kúlích Waag gálaat hol eiy gaa nanniyyoká hé ˈdeewká il haí aargiˈda.

Lúka 1:35

Mu María ˈdéé hol ˈdú nie, kieye, Hím Naasan Waaˈgiet hai ko ˈdu gáá leete, fargogint Waag Úr Iđoká hai ko buanna. ˈDaa kinaallá ˈdugaka in veel ˈdalaatká he Iny Waaˈgiet saas mán-, ˈdúwaká.

Lúka 1:4

ˈDeeny yú ko ˈdu gáá verenóóllá ˈdaa giri hé gaalí ko hiibisieká ˈduuwle kuuní kiimisatoká.

Lúka 24:47

Fayam rubachietallá mú meenyle ˈdugaka erkob Yerúsalemo gaalí gaa ˈdiyime, tá gaalí kidh lulle ki ˈdiyime, giri gálaat héllé ˈdeđewká haađuo-, Waag makan fafaan-, Waag hí ađaabano ubaa nyuogim gaa egeyyoká.

Yuána 1:49

Aalé Nadhániel mú geey, kieye, Máá gáál he oonisúóllo! Kúún gon Iny Waago! Kúún he Kánsích Yisirayel! muí yie.

Yuána 10:10

Máá buraa léká ká yimieka, hé buruanká, hé yegeská, ubaa hé ˈdeđeneyoká tákáma hí ká egee. Tá yú ka yimíéllá he giri gál ye af maaleká luolmít aargiro-, luolmít ˈduuwle gaa yíéđianká.

Yuána 19:35

Máá hééllá argeká he ˈduuwlé hogodho. Hé muí argééllá hé ˈdúwa. Máá kinaallá hé hogodhóóllá hát ˈdúwaká hé óg. Hééllá muí hogodhóóllá he giri itín úba hí iiy chegetoká.

Yuána 20:28

Aalé Tómas kieye, Máá chia Guđo! Waagchú! muí Yíésu yie.

Yuána 3:18

Máá Íny iiy yeetká hé Waag hí ma ˈdeđensen, tá máá Íny iiy ma yéenká hé hátle Waag hí ˈdeđenseto, ˈdaa giri mu Waag Inylé ali ka takachká iiy ma yéenká.

Yuána 3:36

Máá Íny iiy yeetká taalle luolmit biiyoká hai gaa yíéđima, tá máá Íny điidhoká hé idho Waaˈgiet hí ˈdú iđo, mu hé luolmít ma aargiriny.

Yuána 5:24

Yú hí hé ˈdúwaká geeye, máá ˈdeenychú maalo-, Máá ye ali gáá kaayká iiy yeetká, hé luolmit biiyoká ˈguo, mú álle hé ˈdéé ki iđiny mán. Máá kinaallá kisso kúfach yé gaa ˈdie, luolmít hile.

Yuána 6:40

Hé ˈJaachú hí fedoká hééllá: Máá yáá Ínyííllá ye bala ˈdu gáá nuo-, ye iiy yeetká, luolmit biiyoká hai gaa yíéđima, tá kúlích biiy el ˈdaˈdká úba uushich yé ha yú gáá ˈdeđia, Yíésu hí gáál yie.

He Ekeny Gál Alb Fimiká 10:43

Gál Waag hí ˈdéé ka shigicheká lulle hé mú ˈdeenyle huogodhe, giri mú meenyle ˈdaalle ˈdugaka gál mú iiy yeetká ađaabanolle Waag hí gaa egeyyoká, Bétiro hí gáál yie.

He Ekeny Gál Alb Fimiká 3:16

ˈDaa iiy yeen meeny Yiesuka in máá hí argiyya-, hí ógallá les gaa eeyye. Hé ˈduwa, iiy yeen nyí Yíésu iiy chieká, máá hí metééllá gaa yaalallá bisiche.

He Ekeny Gál Alb Fimiká 8:36

Gaal ˈgíéríchlé gaa igireká gaal ál bie hí gaa ijo mare ká nyuore. Aalé máá giri Abachaká mú geey, kieye, Bie hállá, meete ye bie gim naan ká riridhdha? yie.

He Ekeny Gál Alb Fimiká 8:37

[Fílib mú geey, kieye, ˈDeenyééllá har ko geer hát ˈdabaanká hileka, af kinaalka bie gim ha yú ko nannaa, yie. Aalé máá Abachaká mú ˈdéé hol ˈdú nie, kieye, Yiesu Kirísto hát he Iny Waaˈgietká yáá iiy yie, yie.]

He Ekeny Gál Alb Fimiká 9:20

Mu af kinaal đo ény ˈdiiyiminyká gerle Yíésu hát he Iny Waaˈgietká gaa ˈdiiyime.

Bétiro Erká 1:9

Héétí iiy yeen kíchiallá hélle it aargiˈda. Iiy yeenkícho héllé kinaallá he rúbách sidhamkícho.

Yuána Erká 4:15

Ameeny máá Yíésu hát Iny Waaˈgietká ˈdúúw hođisatká, máá kinaallá íín Waago hí gaa iđa, íín úba Waago he gaa ija.

Yuána Erká 5:1

Ameeny máá Yíésu hát Messíyaká iiy yegetká, máá kinaallá hé veel Waaˈgiet yie. Tá ameeny máá véel ˈjaalle gielká, hé úba veel muí ˈdaloká giel.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Yuána ki Naamaká 1:9

Ameeny máá he onisiny Kiristóóllá ma ki yaaliny-, he onisiny hol gaa lalaanká hé Waag hí ma gaa iđiny. Tá máá he onisiny Kiristóóllá ki yaalká hé ˈJaa kúnnaa Waag ubaa Inyle hí gaa ijo.

Kí Edhesiny 2:18

Gál Kiristo ˈjien Dhayatira gaa ijoká máállé urru-, ˈgassoká ˈdeenyééllá ˈdú véer. Iny Waaˈgiet in hí hát ˈjiet bólo-, ˈgas met hí hát gib boloonká ki égká ˈdeenyle hééllá: