Yuána 20:28 - Fayam Midhab Yiesu Kiristoká He Hol Af Iđiny Kaanaká

²⁸ Aalé Tómas kieye, Máá chia Guđo! Waagchú! muí Yíésu yie.

Yuána 20:28 ပူးပေါင်းရင်းမြစ်များ

Matááyo 14:33

Gál kádích kinaal gaa ijeká lulle mú vite, kieye, Hé ˈduwa, kúún gon Iny Waaˈgiet! gaalí Yíésu yie.

Lúka 24:52

Gál giriká mú vite, súm ger hí gaa meedhe. Gaal aalé Yerúsalem hol ˈdú nadhe.

Yuána 1:1

Erkob-, Waag hátlé hé níínní ka kuonne mánká ˈDee hé biiy gaa ije. Máá gaalí ˈDéé yegetallá Waago hol af ije, ˈDee íínííllá he Waag.

Yuána 20:16

Yíésu đo min vie, kieye, María! yie. María đo mú ˈdú suoyye, af Heberew ki ˈdayche, kieye, Rabóóni! chie. Rabóóni hélle kieye, Máá gáál he oonisuoká.

Yuána 20:27

Aalé mu Tómas geey, kieye, Gúmúrínykú ka hélish, gilchú ki gáágat, dháash. Gílkú ka hélish, beetchú ki gat. Ha ye ki nannáan, ye iiy áat, Yíésu hí mú yie.

Yuána 20:29

Aalé Yíésu mú geey, kieye, ˈDaa giri ye ki argiyyeká in ye iiy chie? Gál ye ma árginy-, kor ye iiy yieká, ebá Waag hí ˈdú ˈguunúánne! mú yie.

Yuána 20:31

Máá warˈgatééllá ka veerééllá hé he veerééllá, he giri itín Yíésu hát he Messíya-, Iny Waaˈgietká hí iiy chegeto-, tá hí mú iiy chieka, hí luolmit biiyoká mú meenyle ki aargiˈdoká.

Yuána 5:23

giri gálaat lulle hát tikiˈde Íny ˈJaalle kikiatallá, úba Íny kikiatká. Máá Íny ma kikianká hé Íny ˈJaallé hí ali gáá kaayká úba ma kikian.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.