Yuána 20:22 - Fayam Midhab Yiesu Kiristoká He Hol Af Iđiny Kaanaká

²² Mu hatal yieká đo Hím Naasanle gáál ki nie, kieye, Hím Naasan Waaˈgiet hí hillo.

Yuána 20:22 ပူးပေါင်းရင်းမြစ်များ

Yuána 14:16

Tá ˈJaachú ha yú hegete, mu Máá éíy hí rangʼit yeget-, bííyyo hí hol af yíéđiannoká haí ká shigia.

Yuána 15:26

Máá hí rangʼite-, ˈJaachú gáá yiimetká ali ha yú hí ˈdu gáá kakaa. Máá kinaallá he Hím Naasan ˈJaachú yé gáá ˈdeˈdeen-, hí ˈduuw Waaˈgiet af ki tatuoká. Hím Naasan kinaallá in hí ˈduuwchú geđia.

Yuána 16:7

Tá yú hí hé ˈdúwaká geeye, kímchú hé hí ki midhab. Har yú ma kiinyka, Máá hí rangʼit yegetká hé hí ma ˈdu gáá yiimen. Tá yú sedheka, mú ali ha yú hí ˈdu gáá kakaa.

Yuána 20:21

Yíésu geđi kieye, Naanná gaa yíéđía! Hát yú ˈJaachú ye ali gáá kaayallá, yú úba alb haí fafaa, muí gáál yie.

Yuána 20:23

Itín máádhat ađaabanollé ˈguoká hí hayche-, hí mú ˈdú ˈjiiyyeka, máá kinaallá úba Waag haí ˈdú ˈjeenne. Tá har máádhat ađaabanollé ˈguoká hí ma hany-, hí mú ma ˈdú ˈjiinyka, máá kinaallá ađaabanolle hai ˈgaa, Yíésu hí gáál yie.

Yuána 7:39

ˈDeeny Yíésu hí huogodhééllá he ˈdeeny Hím Naasan Waaˈgietle gál mú iiy yieká hí aargiroká. Yíésu ˈdeenyééllá hogodheká Waag hé hátle Hím Naasanle gál Yíésu iiy yieká ma shíiny, ˈdaa giri Yíésu hátle ˈgór ma ˈdú kúfiny-, uushich yé ma gáá ˈdíiny-, bííy ˈJaalle mé ma níinyká.

He Ekeny Gál Alb Fimiká 10:47

Mááya gálallá bie gim nímle điidhma? Hát tikiˈde múún ke Hím Naasan Waaˈgiet ke ki arge kinaallá in úba gálallá hí ki arge, muí gáál yie.

He Ekeny Gál Alb Fimiká 19:2

Mu gáál yiete, kieye, Af giri hí Yíésu iiy chieká it Hím Naasan Waaˈgiet hí ˈdú gáá leete? muí gáál yie. Aalé gaal mú ˈdéé hol ˈdú nie, kieye, Hím Naasan Waaˈgiet hát biiy gaa iđoká nyáá nyí nétle mán, gaalí mú yie.

He Ekeny Gál Alb Fimiká 2:38

Bétiro gáál ˈdéé hol ˈdú nie, kieye, Hé kíchia ˈdeđew-, hí gaa seseenká hayyíe, Waag makan famíe, lulkícho gaalí meeny Yiesu Kiristo bie gim ki nuo, ađaabano ubaa nyuogim kícho Waag hí gaa eeyyo. Hát kinaallá in Hím Naasan Waaˈgiet hí aargiˈda.

He Ekeny Gál Alb Fimiká 2:4

Gaal lulléká Hím Naasan Waaˈgiet hí koch chie, gaal lulle af hol ká eiyye-, Hím Naasan Waaˈgiet hí shiicheká ˈdeem ki huogodhe.

He Ekeny Gál Alb Fimiká 4:8

Bétiro giri Hím Naasan Waaˈgiet hí koch chieká gáál geey, kieye, It kaansúóllo ubaa it halúg karúúllo,

He Ekeny Gál Alb Fimiká 8:15

Bétiro ubaa Yuána ali ki fameká gáál Waag ki vite, giri gáál Hím Naasan Waaˈgiet hí higilloká.

Galátia 3:2

Itín ˈdéé hótallá hí ye hol ˈdu gáá nanniyyaká yú fede. Itín Hím Naasan Waaˈgiet ˈgíérích máre hí ki argiyye? Hemuumurít ki yaalitlé hí ki argíyye? Híʼi, fayam Kiristo hí maalle-, hí iiy chieká ˈdaallé hí ki argiyye.