Yuána 20:19 - Fayam Midhab Yiesu Kiristoká He Hol Af Iđiny Kaanaká

¹⁹ Kúlích kinaal gélgálle gál láliká ˈbíllo he gaa ije, tá ˈdaa giri gaal gál guguđo-, Yuuˈdiká kikiadheká gaal ˈbíl af ger ki kuokodhdhe. Yíésu gáál hurt yé gáá ˈdie, kieye, Naanná gaa yíéđía, yie.

Yuána 20:19 ပူးပေါင်းရင်းမြစ်များ

Matááyo 10:13

Har gál ˈbil kinaalloká hí rokoˈd ki goleka, naannakícho hí gaal íín gaa yíéđiyyo. Har gaal hí rokoˈd ma ki golinyka, naannakícho itle hí hol ˈdu gáá naat.

Matááyo 18:20

Gáál naam yíekaʼ, seđ yíekaʼ, ˈdaa meenychúka me hí hol argeka, yáá hurt gaa ijo, Yíésu hí gáál yie.

Márko 16:14

Waaséél Yíésu lalillé tomon a takachká hátlé golmoteká Yíésu hí yé ˈdu gáá ˈdie. ˈDaa giri gaal gál kieye, Yíésu hé uushich yé gáá ˈdie, nyáá nyí argiyye, yieká af iiy ma yéen-, met googonoyká in Yíésu hí ki lole.

Yuána 14:27

Yáá hí naanná af kí hay, naanná chia yú hí shie. Naanna yú hí shíéllá, hé hát naanna gál lesalloká hí hol shiguoká muuniny. Ha ger hí gaa ˈdéénen, hí seerêny.

Yuána 16:22

Aalé káánaka, itín it ger hí gaa ˈdeenedhe. Tá yú geđi hollo ke hol aargira, af kinaallá ger haí gaa meedhe, geyyiny kíchia kinaallá hé máá níínní hí gaa egeetká mán.

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

Yuána 20:21

Yíésu geđi kieye, Naanná gaa yíéđía! Hát yú ˈJaachú ye ali gáá kaayallá, yú úba alb haí fafaa, muí gáál yie.

Yuána 20:26

Ram síet ˈgiteká gál láliká geđi ˈbíllo hol ˈdú ije. Tómas úba hé gáál hol af ije. Gaal har úba ˈbíl af ger ki kuokodhdheka, Yíésu đo gáál hurt yé gáá ˈdie, kieye, Naanná gaa yíéđía! gáál yie.

Yuána 21:1

Aalé hé kinaal el ˈdaal, Yíésu lalille Bás Tiberiados álle yé ˈdu gáá ˈdie. Mu hát gáál yé ˈdu gáá ˈdieká hatallá:

Yuána 21:14

Yíésu ameeny he uushich yé gáá ˈdieká, hééllá he gíl ki seđe-, mu lalille yé ˈdu gáá ˈdieká.

Yuána 7:13

Tá ˈdaa giri gaal gál guguđo-, Yuuˈdiká kikiadheká, gaal hé máá níínní Yíésu ˈdeenyle af gúch ki huogodheká mán.

He Ekeny Gál Alb Fimiká 1:3

Aalé mú manyjasinyle ubaa kúfáchle el ˈdaal, mu gállé waaˈde kinaal af burnayká hol yé ˈdu gáá ˈdeey, tá hé burnay-, máálle hát geđi luolká ˈduuwle gaalí kiimisatká muí gáál argisie. Rám tomonaam afur kinaal mu gáál hol yé ˈdú gáá ˈdeeđieká mu Guch Waaˈgiet ˈdeenyle huogodhe.

Róóma 15:33

Aaléka, Waag kúnnaa naanná ˈgayyóóllá hí lulkícho gaa yíéđiyyo. Iiy-hí, hé hí hát kinaallá yeet.

Korínto Erká 15:5

Kirísto uushich yé gáá ˈdieká, mu Kéfas yé ˈdú gáá ˈdie. Aalé el gaa igíˈdelle mu gál láli tomon a naamaká yé ˈdú gáá ˈdie.

Eféso 2:14

Yiesu Kirísto íín he máá kúnnaa shimitiká. Mu hé gál Yuuˈdi ubaa it gál Yuuˈdi muuninyallá hí hol fie, hí tikiˈd hoy. Gál met hí naamáállá nebitlé hol nebeneey-, hát đírka, gáál toom gaa tielká hé Yíésu hí eiy fufue.

Eféso 6:23

ˈJaa kúnnaa Waag ubaa Máá kúnnaa Guđo Yiesu Kirísto hí it nyaaramká naanná ubaa iiy yeen gielmít ˈgayyoká shuo.

Filíbi 1:2

ˈJaa kúnnaa Waag ubaa Máá kúnnaa Guđo Yiesu Kirísto hí ˈdú ˈjeeˈjeen, hí naanná shiiguo.

Dhesaloníke ki Naamaká 3:16

Máá kúnnaa Guđo naanná hí yé gáá ˈdeˈdeennoká dhúrle hí itín yaalmisano lulle naanná gaa shiiguo, mu lulkícho hí gaa yíéđuo.

Héberew 7:2

Aalé Abirááyam héllé lulle ká uuneká met tomon eiy ká mumure, mé tikiˈd mú shie. Meeny Melkíseˈdeg lééllá hélle er kieye, Kánsích hé ˈdúwaká ekemeyoká. Héétí Kánsích Salem gaalí mú yíéllá, hélle kieye, Naanná Kánsíchlé.

Yuána ki Seđeká 1:14

Yú onnônyka ál ˈjob gáá yiimet-, ke hol af ká yíéđian-, ke hol geđuoká fede.

Kí Edhesiny 1:4

Yú he Yuána. Warˈgatééllá it gál Kiristo-, met hí tiiya-, hí lés Asia gaa iđoká yú hí ˈdu gáá veere. Máá ali ijo-, kísóótí ali ije-, tá bár ka chimetóótíá úba ali ijoká, héétí hím naasan tiiya-, mú karallé guchiká met gaa ˈgiiyyoká, tá Yiesu Kirísto hí ˈdú ˈjeeˈjeen, hí naanná shiiguo. Yiesu Kirísto íín he Máá he lúl ˈduuwle hogodhoká. Mu he Máá gál uushim yiem gáá ˈdeˈdeenká Máállé méteká. Héétí mu he Máá kansimano lesalloká Máállé hí mé ki yaalká. Mu ííni gáál giel-, gáál fásle ki dhiire-, ađaabanokúnno ubaa nyuogimkúnno gáál yé gáá ˈdeeyallá kí ˈdúúw shuo.