Yuána 20:17 - Fayam Midhab Yiesu Kiristoká He Hol Af Iđiny Kaanaká

¹⁷ Aalé Yíésu María geey, kieye, Ha ye chíran, yáá hátle ˈJaachú hol ma ˈdú náan. Sí, nyaaramchú géesh, yú ˈJaa chia-, ˈJaakícho-, Waag chia-, Waag kíchiaká hol ˈdú naadha, muí María yie.

Yuána 20:17 ပူးပေါင်းရင်းမြစ်များ

Matááyo 12:50

Máá ˈJaa chia úr ijoká hát fedoká ekemeyoká in nyárchú, in nyaarchú, in ˈjiechú, mú yie.

Matááyo 25:40

Aalé Máá Kansichká íín gáál ˈdéé hollo hol ˈdú nannaa, kieye, Yú hí hé ˈdúwaká geeye, gál nyaaram chiallá af giri hí ˈdú ˈjeˈjeenneká, yaa hí ye ˈdú ˈjeˈjeenne, har úba káána gáál máállé biiy el ˈdaˈdká hí ˈdú ˈjeˈjeenneka, ha muí gáál yeedhe.

Matááyo 28:7

Aaléka đo hararáa, mú lalille geeyyíe, mu hát Waag hí loolnoyche-, uushich yé gaa ˈdie-, gáál met nannaat-, Galilááya mé nannuo-, gáál ál kinaal hol gaa aargiroká gáál geeyyíe. Fayam yú hí geeyallá chiˈdíe, ˈdég yie.

Márko 12:26

Ta gál kufeká uushim yiem gáá ˈdímle ˈdeenyle ití warˈgat Móshe hí veereká ma gaa túony, giri ˈgór bolomeká Waag hí ˈdéé gáá hote-, Waag kieye, Yú he Waag Abiraayam, Waag Yisak, tá Waag Yakob, Waag hí chieká?

Márko 16:19

Aalé Máá Guđo Yíésu gáál ˈdeenyéél geeyká đo Waag hí eete, úr mé nie, Waag gíl ˈdaallé naanietká yíéđie.

Lúka 10:4

Haí shomodhaam birmoká, tá tokolaam, ubaa koiy éíy taaka shúúnan. Hí ˈgierich gaa igiˈdaká haí alb ki ˈdeˈdéminy, hí gálaat naa chégen.

Yuána 13:1

Aalé ˈjila máá ˈgasso-, urru-, Waaˈgietká hí gáál ˈdug gaa nadheká ka tirtirayyeká, Yíésu aleđuđugulle hát ali kí ˈdiiyye-, lésallá haađuo-, bííy ˈJaalle mé nannuoká hé onnoy. Mu hát gállé lesallo-, hí iiy yieká gielká in gielmit kinaallá taalle muí gáál ká ˈgie, muí gáál aargisie.

Yuána 13:3

Yíésu hát ˈJaalle hí he met lulle gíl geer fie-, íín Waag gáá yimie-, kor Waag hol ˈdú nannaatká hé onnoy.

Yuána 14:2

ˈBíl ˈJaachú hé ger hí burnayká. Onnônyka ger hí ma burnanyka, yáá hí geey. Yú ˈbíl kinaallá seeme, hí ali tág kí kokoo.

Yuána 14:28

ˈDeeny giri yú hí geey-, yú kieye, Yú ha seeme, kor geđi hollo hí hol ˈdu gáá naadha, yú hí yieká, it maalle. Itín hí ye geelnênyka, hát yú ˈJaachú bííyle mé nannúóllá gerle onnônyka hé hí gaa meedhe, ˈdaa giri mu ye ˈdú guđoká.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

Yuána 16:28

Yú ˈJaa chia gáá yimie, in lésallá mé ká nie. Aalé káána lésallá ha haađia, ˈJaa chia hol ˈdú naadha, Yíésu hí gáál yie.

Yuána 17:11

Yú yáá lésallá ma gaa iđiny, yú bííy kua mé ká nannaa, gaal íín lésallá he kí ˈgiita. ˈJaa chia saas mánnallo, meeny kua ye ká shiichééllá ˈdaalleka, gáál in ki ˈdé. Hát muun ke tikiˈdééllá, gaal íín úba hí tikiˈd yeet.

Yuána 17:25

ˈJaa chia saas mánnallo, har úba les gálle ko móíytaka, yú yáá ko óg, tá hát ye ali gáá kaayyeká hé gál chiallá úba hí óg.

Yuána 17:5

Aalé, Baabá, ye ˈduuw héle les hátle biiy gaa mannayyeká yú ubaa kuun ke hol ka ˈgieká, ye káánallá ki ˈdúwash.

Yuána 20:27

Aalé mu Tómas geey, kieye, Gúmúrínykú ka hélish, gilchú ki gáágat, dháash. Gílkú ka hélish, beetchú ki gat. Ha ye ki nannáan, ye iiy áat, Yíésu hí mú yie.

Yuána 7:33

Aalé Yíésu kieye, Yú rám iraam mánká ke hol af ija, tá Máá ye ali gáá kaayká hol ˈdú naadha.

Róóma 8:29

Waag hé gállé hátlé ma ka ˈdaláanká óg, hé úba gáál taak koyye, giri gaal hát mú Inyle yeget-, Iny gál burnay-, hol nyaaramallá angʼalle yegetká.

Korínto ki Naamaká 6:18

Yú ˈJaakícho ha yeedhe, itín um chia yaabká ubaa um chia ˈdietká haí cheedhe, Máá Guđo Waag fargogínt lulle ˈguoká hí yie.

Galátia 3:26

Iiy yeen kíchia hí Yiesu Kirísto iiy chieká ˈdaalleka it lulkícho um Waaˈgiet chie.

Héberew 11:16

Gaal lés lésal ˈdú ˈdúwa-, uratiká hé ˈdú lađame. ˈDaa kinaallá ˈdugaka in Waag gaalí gáál Waagle yegetallá kern hí ma ˈgiˈgin. Gáál Waaglééllá hé gáál ˈjien biiyo-, uratiká ki ˈdite.

Héberew 8:10

He hol af iđiny kaana-, ka chiimeto-, yú ubaa gál Yisirayel nyí hol af iđimichaká hééllá: Hemuumuritchú gáál kasle ha yú gaa iđimia, gáál gerle ha yú gaa kakaa. Yú gáál Waagle ha yeedhe, gaal íín gálchú hai yeedhe.

Bétiro Erká 1:3

Máá kúnnaa guđo Yiesu Kirísto ˈjaallé Waag gaalí meeyo. Mú geer guurallé guđoká ˈdaalleka, mu hé muun gáál ˈdalmaat kaanaká ká shie. ˈDaa giri Yiesu Kirísto uushich yé gáá ˈdieká, in káána hát ke luolmit biiyoká ˈguoká ke og.

Yuána Erká 3:2

Sheel chia yú gielallo, muun káána ki um Waaˈgiet. Bár ka chiimetóótíá yaalmit kúnnaa ke kakaatká hátle hé ke muog. Tá Kirísto he hol ká nadheka, hát ke Kirísto yaalmitle kaatká hé ke óg, ˈdaa giri yaalmit muí yaal kinaallá ke il ki argoká.

Kí Edhesiny 21:3

Aalé yú ˈdéé hót af ˈdér-, kara giri guchiká álle yé gáá ˈdiiyyeká maale, ˈdéé hót kieye, Bá dhaayyíe, Waag égetle hé gálaat hol ˈgar liledhe. Waag gálaat afo hol yíéđima, gaal bííyyo Waag gálle hai yeedhe, tá Waag íín dhúrle gáál hurt hai iđa, gáál Waagle hai cheedhe.

Kí Edhesiny 21:7

Máá hé lesietká ká adhatká hé yú hogodhóóllá hai aargira, yú mú Waagle hai yeedhe, mu íín veelchú hai yeedhe.