Yuána 20:16 - Fayam Midhab Yiesu Kiristoká He Hol Af Iđiny Kaanaká

¹⁶ Yíésu đo min vie, kieye, María! yie. María đo mú ˈdú suoyye, af Heberew ki ˈdayche, kieye, Rabóóni! chie. Rabóóni hélle kieye, Máá gáál he oonisuoká.

Yuána 20:16 ပူးပေါင်းရင်းမြစ်များ

Matááyo 14:27

Yíésu đo ál tikiˈde kinaallá ˈdéé hodhe, kieye, Haí néeny, he yú, sierm hayyíe! gáál yie.

Márko 10:51

Aalé Yíésu mú heete, kieye, Meete ye gaa feˈde? yie. Máá giri in mánká kieye, Máá gáál he oonisúóllo, yú biiy gaa argiroká fede, yie.

Lúka 10:41

Aalé Máá Guđoká mú ˈdéé hol ˈdú nie, kieye, Márta, Márta, kúún hé burnay tág nanniyyóóllá ko ˈgorosie, ko geer gaa ˈdeew.

Yuána 1:38

Yíésu hol gáá madeká gál naama-, hí el gaa igireká arge, đo gáál yiete, kieye, Meete hí feˈde? yie. Gaal mú yiete, kieye, Rábi, kuun in el mé ko ále? yie. (Rábi hélle kieye, Máá gáál he oonisúóllo.)

Yuána 1:49

Aalé Nadhániel mú geey, kieye, Máá gáál he oonisúóllo! Kúún gon Iny Waago! Kúún he Kánsích Yisirayel! muí yie.

Yuána 10:3

Máállá hé máá wála ˈdeeyle kárle ˈdeˈdeenká hí kar af ki fufura. Máá wála léká hé walalle hí af kiimisat, mu hé walalle meet veveen, wala hí ˈdú seseen, wála yíé ˈdeđisat.

Yuána 11:28

Márta hatal chieká đo hol naate, nyaarlé María viiyye, mú nee ki shaakaˈde, kieye, Máá gáál he oonisuoká hé ká ˈjie, ko hegete, chie.

Yuána 13:13

Itín Máá gáál he oonisuoká ubaa Máá Guđo, hí ye chegedhééllá, hé kinaallá taglé. Yú he máá kinaallá.

Yuána 20:28

Aalé Tómas kieye, Máá chia Guđo! Waagchú! muí Yíésu yie.

Yuána 3:2

Mu chúúre tikiˈd Yíésu ˈdu gáá yimie, kieye, Máá gáál he oonisúóllo, kuun hát Waag gáá chimie-, gálaat he oonisichoká, nyáá nyí óg. Hé máá níínní Waag hí gaa líítaka, hé ke af ˈdaˈdabo-, kuun hí ekemeychóóllá ekemeyoká mán, yie.

Yuána 5:2

Yerúsalem állé kinaallá hé kár gaalí Kár Wala, yeget-, laanyle naˈbual giri af Heberewka gaalí Beđisádha yegetká hé hí gaa tiel. Naˈbual kinaallá gaasam chenno gaalí ˈdinnam ˈdisse.

Yuána 6:25

Aalé gaal Yíésu bás ílung ˈdaatí gaa argeká mú yiete, kieye, Máá gáál he oonisúóllo, amáre ál kí ˈjiiyye? mú yie.

He Ekeny Gál Alb Fimiká 10:3

Kulich mé tikiˈd aadh ˈgas saal-, a ˈdaa gelgaká máá ˈgasso-, urru-, Waaˈgietká hát amadhyoká mú yé ˈdu gáá ˈdiiyye, muí hát ˈdabaanká arge. Máá kinaal mú vie, kieye, Kornélios, yie.

He Ekeny Gál Alb Fimiká 9:4

Mu đo le ˈdoy, ˈdéé hót hí geđicheká maale, ˈdéé hót kieye, Sáwul, Sáwul, háteka kó ye maanyjasichóol? ˈdéé hót hí chie.