Yuána 2:19 - Fayam Midhab Yiesu Kiristoká He Hol Af Iđiny Kaanaká

¹⁹ Yíésu gáál ˈdéé hol ˈdú nie, kieye, ˈBílallá eiy ˈgieˈgía, ˈbíl kulich seđ gaa ˈdissa, yie.

Yuána 2:19 ပူးပေါင်းရင်းမြစ်များ

Matááyo 12:40

Yónnas hát beech geer kulich ubaa chúúre seđ gaa ijeká, Iny Máádhat úba uushich kulich ubaa chúúre seđ hai gaa rafama.

Matááyo 16:21

Ameeny kinaallá in Yíésu lalille geey, giri Yerúsalem mé nannuo-, ál kinaal káru ubaa gál guguđo-, suoryoká tá gál nyatalaamká hí manyjasiny guđoká mé ki kokuo-, gaalí yeges-, tá kúlích ki seđeká Waag hí logolnoycho-, Waag hí uushich yé gáá ˈdeđichoká.

Matááyo 27:40

kieye, Kuun he máá hol ˈdabe-, ˈBíl Waaˈgiet ˈgieˈgie-, tá ˈBíl aadh seđ gaa ˈdiˈdiseká muunîny? ˈDaa! Ebá káána har kúún Iny Waaˈgiet kátaka, hol rig, hol ˈgór đarám yaal kinaallá gáá léésish! he mú yiegie.

Matááyo 27:63

kieye, Máá guđo, he tikiˈd hé nyí táb ká ˈjie, máá giri hódho lé-, Yíésu léká hé urgúa hogodhoká kieye, Yú kufeka, kúlích ki seđeká uushich yé ha gáá ˈdeeme, he yegie.

Márko 14:58

Nyíín nyí maalleká máállá kieye, ˈBíl Waaˈgiet gaalí gíl ki ˈdissééllá ha yú ˈgieˈgia. Ram seđ ˈbíl máá hí gíl ki ˈdiiso-, mánká ha yú gaa ˈdiisa, he yie, gaalí yie.

Márko 15:29

Aalé gál ál kinaal ka nanadheká mú chaachare, met gaa muotie, kieye, Kúbu! Kuun he máá hol ˈdabe-, ˈBíl Waaˈgiet ˈgieˈgie-, tá ˈBíl aadh seđ gaa ˈdiˈdiseká muunîny?

Márko 8:31

Aalé Yíésu gáál he ká onisie, kieye, Iny Máádhat súmo gaalí maanyjasia. Gál káruká ubaa gál guguđo-, suoryoká, tá gál nyatalaamká haí điidhma, ha gaalí yeese, tá kúlích ki seđeká uushich yé hai gáá ˈdeeme, yie.

Yuána 11:25

Aalé Yíésu kieye, Uushim yiem gáá ˈdeeny ubaa luolmít he yú. Máá ye iiy yeetká har úba kufúminyka hai loolnodho.

Yuána 5:19

Aalé Yíésu gáál ˈdéé hótal geey, kieye, Yú hí hé ˈdúwaká geeye, Iny hé níínní tákámle ekemeyoká mán, hé ˈJaalle hí ekemeyo-, argoká in ekemeye. Iny he lullé ˈJaalle hí ekemeyoká in úba ekemeye,

He Ekeny Gál Alb Fimiká 2:24

Aalé ˈdaa giri kufach fargogint níínní he ˈguo-, mú uushich ki chichirat-, mánká, in Waag mú kúfach gaa eeyye, mú uushich yé gáá ˈdeeyche.

He Ekeny Gál Alb Fimiká 2:32

Waag hé Yíésu kinaallá loolnoyche, uushich yé gáá ˈdeeyche, tá nyíín lulkínyo nyáá nyí hé kinaallá ˈdúúw ˈdú ˈdiiyye.

He Ekeny Gál Alb Fimiká 3:15

It Máá sidh léká chies, tá Waag íín hé mú uushich yé gáá ˈdeeyche. Nyíín nyáá nyí hééllá ˈduuwle argiyye.

He Ekeny Gál Alb Fimiká 3:26

Aalé Waag gédéchle gáál hurt yé gáá ˈdeeycheká in erkob muí itín ali ˈdú gáá kaay, giri muí ˈdú ˈjeˈjeen-, lulkícho muí ˈgierim kíchia ˈdeđewká af gáá tatuoká, Bétiro hí gáál yie.

He Ekeny Gál Alb Fimiká 6:14

Mú nyí af maalleká, mu kieye, Yíésu Nasaretallá ˈBíl Waaˈgietallá eiy hai ˈgieˈgia, kor nyátál Móshe hí gáál ka shieká úba hollo hol gaa laama, muí yie, gaalí yie.

Róóma 4:24

He múúni giri Waag Máá kúnnaa Guđo Yíésu uushich yé gáá ˈdeeycheká ke iiy yie-, Waag múún gáál gál ˈdúwaká chegetóóllá hé úba ˈdaakúnno ki taal.

Róóma 6:4

Aaléka, ˈdaa giri ke bie gim nadhe-, ke Kirísto hol ˈgar kufeká, yíéđiny kúnnaa kissoká úba mán chie. Hát káána ˈJaa kúnnaa Waag fargogintlé ˈdúúw ˈgayyo-, Kirísto uushich yé kí ˈdeeychééllá, in Waag muun úba gáál luolmit kaanaká shiiche, giri ke yíéđiny kaanaká ke ki ijoká.

Róóma 8:11

Aaléka, Hím Naasan Waaˈgiet Yíésu uushich yé gáá ˈdeeychééllá hé hí gaa iđo. Hát káána Yiesu Kirísto Waag hí geđi loolnoyche-, hí uushich yé gáá ˈdeeychééllá, gón kíchia kufunannóóllá úba mú Hím Naasanlé hí gaa iđóóllá ha muí ki loolnoyo.

Korínto Erká 15:12

Aaléka, ˈdaa giri fayam nyí ˈdiyeennallá kieye, Kirísto hé geđi luolnodhe, Waag hí uushich yé gáá ˈdeeyche, chieká, tá háteka itín ˈbaal hí kieye, Gál kufeká hé geđ ma loogolnon, uushim yiem ma gáá ˈdeˈdeminy, hí chegetóol?

Kolosááya 2:12

Héétí hát káána Kirísto kufe-, gaalí galie, uushich yé gáá ˈdíéllá, itín úba bie gim hí naateká, it kuyye, hí uushich yé gáá ˈdiiyye, hí luolmit kaanaká argiyye. Hééllá lulle ˈdaa iiy yeen kíchia hí fargogint Waaˈgiet ká ˈgayya-, Waagle Kirísto uushich yé gáá ˈdeeycheká he ká nadhe.

Bétiro Erká 3:18

Gálaat héllé ˈdeđewká ađaabanolle lulle ˈdugaka, Kirísto af tikiˈde hí ˈdú kufe. Máá saas níínní-, ˈguo-, mán kinaallá gál saas ˈguoká he ˈdú kufe, giri gáál Waag ˈdú egewká. Mú gonno gaalí gáá yies, tá Hím Naasan Waaˈgiet hé mú loolnoyche.