Yuána 19:6 - Fayam Midhab Yiesu Kiristoká He Hol Af Iđiny Kaanaká

⁶ Gál guguđo-, suoryoká ubaa gállé kaansúoká tikiˈde mú aargiróóllá, kúóˈd ˈdoy, kieye, Mú ˈgór đarám yaalká ˈdug ˈdú yiesíe! Mú ˈgór đarám yaalká ˈdug ˈdú yiesíe! yie. Aalé Bilááto gáál ˈdéé hol ˈdú nie, kieye, Itín dhúrkícho mú eedhdhíe, mú ˈgór đarám yaalká ˈdug ˈdú yiesíe! Yú yáá hé muí ˈdeeney-, mú gaa argeká mán, yie.

Yuána 19:6 ပူးပေါင်းရင်းမြစ်များ

Matááyo 26:58

Tá Bétiro íín hé tagéétíá sie, gál Yíésu ˈgieká el gaa igire. Mu ˈbíl máá méte suoryoká nyáláárle álle ka ˈdoyká, nyáláár hile, sedhe, ál gál ál kinaal ˈdeˈdemeká hí ijeká yíéđie, giri hé gaalí Yíésu ki ekemeyoká aargiroká.

Matááyo 27:22

Bilááto gáál heete, kieye, Tá Yíésu gaalí Messíya yegetallá íín háte yú kokoo? muí gáál yie. Gálaat lulle kieye, Mú gaalí ˈgór đarám yaalká ˈdug ˈdú yees! gaalí yie.

Matááyo 27:24

Aalé Bilááto ˈdee hí af kí ˈdabe-, nyesebich íín shalal ˈdisie-, argeká đo bie eedhdhe, nyesebich metle gil gaa ˈjidhdhe, kieye, Máállá ooslé hí chegeseká fásle yáá gil ka mán, itlé hí gil ká ˈgayya, muí gáál yie.

Lúka 23:4

Aalé Bilááto gál guguđo-, suoryoká ubaa nyesebich geey, kieye, Máállá hé ˈdeew-, he ekey-, yú gaa argeká mán, yie.

Yuána 18:3

Aalé Yúúˈdas, yuoy ubaa gál ˈBíl Waaˈgietká ˈdedeen-, giri gál guguđo-, suoryoká, ubaa gál Farisaay hí ali ka fieká eedhdhe. Gaal nyátáá ubaa kat ˈjiet hí gaa boloonnoká, tá ˈgulo shuunne, ál kinaal mé nie.

Yuána 18:31

Aalé Bilááto gáál geey, kieye, Mú itle hí eedhdhíe, mú nyátálkícho ˈdaalle ˈdéé ki iđía, yie. Gál Yuuˈdiká kieye, Hemurit kíchia Roomakáka, oos nyí gálaat chegeseká it nyí ká riate, gaalí yie.

Yuána 18:38

Bilááto kieye, ˈDeeny ˈdúwaká meete? yie. Bilááto ˈdéé hótal hodheká đo yíé ˈdie, gál Yuuˈdiká geđi ˈdú sedhe, kieye, Yáá máállá hé ˈdeeney gaa argeká mán.

Yuána 19:15

Gaal đo kúóˈd ˈdoy, kieye, Mú állá gaa ée! Mú állá gaa ée! Mú ˈgór đarám yaalká ˈdug ˈdú yiesíe! gaalí yie. Aalé Bilááto gáál heete, kieye, Kánsích kíchia yú ˈgór đarám yaalká ˈdug ˈdú yegese? gáál yie. Gál guguđo-, suoryoká kieye, Kánsíchkínyo he Káísar, nyáá nyí kánsích éíy taaka mán, gaalí mú yie.

Yuána 19:4

Bilááto geđi gál guguđo-, Yuuˈdiká yé ˈdú ˈdie, kieye, Bá dhaayyíe, yú hí mú yé ˈdu gáá ˈdeđúóllá, he giri itín hé muí ˈdeeneyká hát yú mú ma gaa árginyká hí kiimisatoká, gáál yie.

He Ekeny Gál Alb Fimiká 2:23

Máállá Waag hí gíl geer gáá kaayyééllá, he hát giri kis Waag hí tawuyye-, hí gaa feˈdeká in gál nyatalaam maamanká hí mú yiir kí chiˈde, mú hí ˈgór đarám yaalká ˈdú chies.

He Ekeny Gál Alb Fimiká 7:52

Ameeny gál giri Waag hí ˈdéé ka shigicheká mááya eshim eshimkícho hí he ma ki ekêny? Eshim eshim kíchia kinaallá in úba gál giri héle Máá ˈdúwa-, saas mánká ˈjímle ˈdiiyimeká yies. Aalé káána itín it Máá ˈdúwa-, saas mán kinaal hí gáál mú mé il gaa koyye, hí mú chies.