Yuána 19:42 - Fayam Midhab Yiesu Kiristoká He Hol Af Iđiny Kaanaká

⁴² ˈDaa giri kúlích kinaallá he kúlích gál Yuuˈdi hí Kúlích Hef ˈGisanká met les gaa ˈdiđianká onnoyye-, tá ˈguoˈd liishó kinaal íín ka ˈjobonoyyeká gaal đo gón Yiesu ˈguoˈd liishó kinaal ki galie.

Yuána 19:42 ပူးပေါင်းရင်းမြစ်များ

Matááyo 12:40

Yónnas hát beech geer kulich ubaa chúúre seđ gaa ijeká, Iny Máádhat úba uushich kulich ubaa chúúre seđ hai gaa rafama.

Yuána 19:14

Hé kinaallá he aadh ˈgas tomon a naama burroká ˈjobínti. Kúlích kinaallá he kúlích gaalí Kúlích Hef ˈGisanká met les ˈdiđianká. Kúlích kinaallá úba he kúlích ˈjila Waag máállé ˈgasso-, urruká hí gáál ˈdug gaa nadheká. Aalé Bilááto gál guguđo-, Yuuˈdiká geey, kieye, Bá dhaayyíe! Kánsíchkícho hállá! gáál yie.

Yuána 19:20

ˈDaa giri ál gaalí Yíésu ˈgór đarám yaalká ˈdug ˈdú ˈdoyká ˈjien Yerusalem kí ˈjobonoyyeká gál Yuuˈdi gúch he veerit kinaallá tuoy. He veerit kinaallá af Heberew, ubaa af Rooma, tá af Hellenno gaalí ki veere.

Yuána 19:31

Kúlích kinaallá he kúlích gaalí Kúlích Hef ˈGisanká met les ˈdiđianká. Aalé ˈdaa giri Kúlích Hef ˈGisan kinaal súm ˈdúwaká, gál guguđo-, Yuuˈdiká hé gál gaalí ˈguor ˈdug ˈdú ˈdaneká alb ˈgieká ma fediny. Aalé gaal Bilááto heete, giri yuoy gáál ˈgas gaa ˈgieˈgicho-, gáál gaalí ˈguor gaa babuoká.

Yuána 19:41

Ál gaalí Yíésu ˈgór đarám yaalká ˈdug ˈdú yies kinaallá ˈjobintle, hé les hí gaa iđe. Lés kinaallá hurtle hé liish waariet-, gaalí geer gaa ˈgodhe-, káána-, kálta gaalí máádhat ma ki galînyká hé hí gaa iđe.

He Ekeny Gál Alb Fimiká 13:29

Aalé gaal he lullé mú ˈdaalle ˈdugaka gaalí veereká đusieká, mú gálle mú ˈgór gáá leesie, mú ˈguoˈd gaa kaay.

Korínto Erká 15:4

Héétí mú hé gaalí galie, tá gíl ki seđeká mu hé loolnodhe, Waag hí uushich yé gáá ˈdeeyche. Warˈgat Waaˈgiet úba hé hééllá hote.

Kolosááya 2:12

Héétí hát káána Kirísto kufe-, gaalí galie, uushich yé gáá ˈdíéllá, itín úba bie gim hí naateká, it kuyye, hí uushich yé gáá ˈdiiyye, hí luolmit kaanaká argiyye. Hééllá lulle ˈdaa iiy yeen kíchia hí fargogint Waaˈgiet ká ˈgayya-, Waagle Kirísto uushich yé gáá ˈdeeycheká he ká nadhe.