Yuána 19:4 - Fayam Midhab Yiesu Kiristoká He Hol Af Iđiny Kaanaká

⁴ Bilááto geđi gál guguđo-, Yuuˈdiká yé ˈdú ˈdie, kieye, Bá dhaayyíe, yú hí mú yé ˈdu gáá ˈdeđúóllá, he giri itín hé muí ˈdeeneyká hát yú mú ma gaa árginyká hí kiimisatoká, gáál yie.

Yuána 19:4 ပူးပေါင်းရင်းမြစ်များ

Matááyo 27:19

Aalé Bilááto hátlé karallé hemuritiká ˈdú ijeká, minle hí máádhat ali ˈdú kaayye, kieye, Máá ˈdúwáállá ˈdeenyle ha hurt híliny. Amadh maallo kisare yú amadheká hé tág ye hawul ˈgeˈgeto, chie.

Matááyo 27:24

Aalé Bilááto ˈdee hí af kí ˈdabe-, nyesebich íín shalal ˈdisie-, argeká đo bie eedhdhe, nyesebich metle gil gaa ˈjidhdhe, kieye, Máállá ooslé hí chegeseká fásle yáá gil ka mán, itlé hí gil ká ˈgayya, muí gáál yie.

Matááyo 27:4

Mu gáál argeká, gáál geey, kieye, Yáá tág hé ˈdeewká ekey, yáá máá hé níínní konf ka ˈguo mánnal kúfach ˈdu gáá eeyallá, gáál yie. Gál guguđo kinaal mú geey, kieye, Hé kinaal meete kínyaa hí gaa ija? Hé kinaallá kúóllé, gaalí mú yie.

Matááyo 27:54

Aalé máá yuoy kúˈd mé ki yiel mare ubaa yuoylé he Yíésu hol ˈgar ˈdeˈdemeká les motinyle ubaa he lullé yiem ká ˈdeˈdeme-, argeká birge, neey, kieye, Hé ˈdúwa, máállá gon he Iny Waaˈgiet, yie.

Lúka 23:4

Aalé Bilááto gál guguđo-, suoryoká ubaa nyesebich geey, kieye, Máállá hé ˈdeew-, he ekey-, yú gaa argeká mán, yie.

Lúka 23:41

Múún taglé gaal gáál hééllá ki ekemeye, ˈdaa giri ki he ˈdeeđeneyká. Tá máállá íín hé níínní ˈdeew-, he ˈdeeneyká mán, muí mú yie.

Lúka 23:47

Máá yuoy kúˈd mé ki yiel-, ál kinaal yielká héél lulle argeká Waag meey, kieye, Hé ˈduwa, máállá gon he máá ˈdúwa-, saas mánká! yie.

Yuána 18:33

Aalé Bilááto ˈbíllé kansimoká geer hol ˈdú nadhe, Yíésu vie, mú heete, kieye, Kúún in he kánsích gál Yuuˈdi? yie.

Yuána 18:38

Bilááto kieye, ˈDeeny ˈdúwaká meete? yie. Bilááto ˈdéé hótal hodheká đo yíé ˈdie, gál Yuuˈdiká geđi ˈdú sedhe, kieye, Yáá máállá hé ˈdeeney gaa argeká mán.

Yuána 19:6

Gál guguđo-, suoryoká ubaa gállé kaansúoká tikiˈde mú aargiróóllá, kúóˈd ˈdoy, kieye, Mú ˈgór đarám yaalká ˈdug ˈdú yiesíe! Mú ˈgór đarám yaalká ˈdug ˈdú yiesíe! yie. Aalé Bilááto gáál ˈdéé hol ˈdú nie, kieye, Itín dhúrkícho mú eedhdhíe, mú ˈgór đarám yaalká ˈdug ˈdú yiesíe! Yú yáá hé muí ˈdeeney-, mú gaa argeká mán, yie.

Korínto ki Naamaká 5:21

Kirísto ađááb mánnallá in Waag hí ađaabanokúnno ˈdú iđiche, giri mú ˈdaalleka Waag muun gáál gál ˈdúwa-, ađááb mánká innumle gaa chegetoká.

Héberew 7:26

Mu he Máá méte suoryo-, muun ke hegesetká. Mu íín he máá Waag geer gaa memesuoká. Mu hé hé ˈdeeđeneyká mán, héétí mu hé ađaab níínní úba hileká mán. Waag hé lés gál ađaabano ˈgúóllá hí gaa ijóóllá mú gaa eete, mu hé he met lullé uratiká máállé hí mé ki yaalká yie.

Bétiro Erká 1:19

Waag íín hé hí ˈdú guteká he fás Kiristo ˈdúúwáállá. Kirísto he hát élíny mat ubaa ál hí gaa taalká mánká.

Bétiro Erká 2:22

Mu hé Waag hí feˈdeká hé níínní gaa ˈdeeneyká mán, hé úba hodho hí af yé gáá ˈdieká mán.

Bétiro Erká 3:18

Gálaat héllé ˈdeđewká ađaabanolle lulle ˈdugaka, Kirísto af tikiˈde hí ˈdú kufe. Máá saas níínní-, ˈguo-, mán kinaallá gál saas ˈguoká he ˈdú kufe, giri gáál Waag ˈdú egewká. Mú gonno gaalí gáá yies, tá Hím Naasan Waaˈgiet hé mú loolnoyche.

Yuána Erká 3:5

Kirísto ka yimíéllá, hát nyuogim ubaa ađaabano gálaat gaa egewká it óg. Tá mu íín hé nyúógích ubaa ađaab níínní ˈguoká mán.