Yuána 19:30 - Fayam Midhab Yiesu Kiristoká He Hol Af Iđiny Kaanaká

³⁰ Yíésu ˈduuny kinaal ˈbuuteká kieye, He hé đue! yie, đo mé les ki ˈdoy, sidh hí yé gaa ˈdiiyye.

Yuána 19:30 ပူးပေါင်းရင်းမြစ်များ

Matááyo 20:28

Hééllá he ˈdaa giri yáá Iny Máádhátallá hújích gálaat hí ye ki nannuoká ma ˈdu gáá yímen, gálaat hujich ki nannuoká ˈdu gáá yimie. Yú ka yimíéllá gálaato sídhchú ˈdú silmia, giri gálaat ririanká, Yíésu hí gáál yie.

Matááyo 27:50

Aalé Yíésu geđi af gaa guđoká kúóˈd ki ˈdoy, đo sidh hí yé gaa ˈdiiyye.

Matááyo 3:15

Yíésu Yuána ˈdéé hol ˈdú nie, kieye, Ye hash, he hí káána hatallá yeet. Hatallá ke ekeyka, in hé ˈduwanti-, Waag hí feˈdoká ke đusie, Yíésu hí Yuána yie. Aalé Yuána đo iiy yie.

Márko 15:37

Aalé Yíésu af gaa guđoká kúóˈd ki ˈdoy, đo sidh hí ˈgite.

Lúka 22:37

Tá yú hí geeye, hé ˈdaachúka Yisááya hí warˈgatle gaa veereká hai ye ˈdú đuđua, giri ˈdeenyle kieye, Mú hé gaalí gál nyakikoraam ˈguoká ˈdú iifie, chieká. Hé ˈduwa, hé ˈdaachú ˈdugaka Yisááya hí warˈgatle gaa veerééllá aflé ye ˈdú đuđuoká hé ali kí ˈdiiyye, Yíésu hí gáál yie.

Lúka 23:46

Aalé Yíésu af gaa guđoká kúóˈd ki ˈdoy, kieye, Baabá, sídhchú yáá ko gíl geer gáá kaay, yie. Mu héél hodheká đo sidh hí ˈgite.

Yuána 10:11

Yú he Máá ˈdúwa-, wála ˈdeˈdeenká. Máá ˈdúwa-, wála ˈdeˈdeenká sídhlé he wála ˈdú silmia.

Yuána 10:18

Sídhchú hé máá níínní hí ye gaa silmuoká mán, yáállé tákáma hí silmia. Yáá fargogint sídhchú ki silmuo-, tá geđi yáálle hí hol ka nannasatká ˈguo. Hemuritééllá ˈJaa chia yú gaa arge, muí gáál yie.

Yuána 17:4

ˈDaa giri hújích ye ka shiicheká yú beeteká, yáá ko lésallá gaa ˈduway.

Yuána 19:28

Aalé el ˈdaal, Yíésu hát he lulle đusieká ógká in kieye, Yú báre ˈgaa, yie. Mu hééllá hodhééllá he ˈdeeny Warˈgat Waaˈgiet hí hoteká ˈduway.

Yuána 4:34

Yíésu kieye, Hújích Máá ye ali gáá kaayká hí ye gaa fedo-, yú nannuo-, yú beđisatká in ˈguomchú.

Róóma 10:4

ˈGíérích Waag hí feˈdóóllá he Kirísto. Af giri Kirísto ka yimieká in hemuumurít bárle me hí ˈgidhe. Aalé káána ameeny gál Kirísto iiy yegetká lulle Waag innumleka gál ˈdúwaká hai yegedhe.

Róóma 3:25

Waag Yíésu ali gáá kaayyééllá, he giri mu suor yeget-, fásle okodmuo-, gál hí iiy yegetká ađaabano ubaa nyuogim gaa egewká. Waag mú ali gáá kaayyééllá, in he hát ˈdúwaká Waag hí gáál ká argisiche. Hé ˈdeđew-, héle gaalí eekemeyká hé muí il er nie.

Korínto Erká 5:7

Maat kisso kinaallá hurtkícho yíé gaa ˈdeeyyíe. Hát kinaallá in hí hol dhiiˈda, hí hát ˈdúlo kaana-, maat mánká chegedhe, ˈdaa giri itín hí gál kaanaká. Hát élíny gaalí ˈjila máá ˈgasso-, urru-, Waaˈgietká hí gáál ˈdug gaa nadheká suorle hođúóllá, Kirísto he Élíny kúnnaa muun gáál ˈdú kufe-, gáál ađaabanokúnno gaa eeyká.

Filíbi 2:8

Aalé mu yaalmit máádhat kaadhdheká in hol ˈdúúw rie. Mu har úba ˈgíérích Waag hí ki feˈdeká hí kúfach mé ki koyka, mu hé ˈgíérích kinaallá nadhe, kúfách ˈdeewká ˈgór đarám yaalká ˈdú kufe.

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.

Héberew 9:22

Aalé hemuumurít ˈdaalleka, he lulle gúch fásso hí dhidhira, tá suor fásle ma okodoonka, Waag hé gálaat ađaabanolle ubaa nyuogimle ma haađiny.