Yuána 19:28 - Fayam Midhab Yiesu Kiristoká He Hol Af Iđiny Kaanaká

²⁸ Aalé el ˈdaal, Yíésu hát he lulle đusieká ógká in kieye, Yú báre ˈgaa, yie. Mu hééllá hodhééllá he ˈdeeny Warˈgat Waaˈgiet hí hoteká ˈduway.

Yuána 19:28 ပူးပေါင်းရင်းမြစ်များ

Lúka 12:50

Yú yáá manyjasiny gaa nannaatká ˈguo. Manyjasiny kinaallá ˈdaab yú yé ma gaa ˈdíinyká geerle hé ye gaa ˈdeew!

Lúka 18:31

Yíésu gál giri láli-, tomon a naamaká taak eedhdhe, gáál geey, kieye, Bá dhaayyíe, múún Yerúsalemo ke seseme, ˈdeeny Iny Máádhat ˈdaalle ˈdugaka gál Waag hí ˈdéé ka shigicheká hí veereká lulle ál kinaal hai gaa ˈduuwaa.

Lúka 22:37

Tá yú hí geeye, hé ˈdaachúka Yisááya hí warˈgatle gaa veereká hai ye ˈdú đuđua, giri ˈdeenyle kieye, Mú hé gaalí gál nyakikoraam ˈguoká ˈdú iifie, chieká. Hé ˈduwa, hé ˈdaachú ˈdugaka Yisááya hí warˈgatle gaa veerééllá aflé ye ˈdú đuđuoká hé ali kí ˈdiiyye, Yíésu hí gáál yie.

Lúka 9:31

Gáál édhúm Waaˈgiet hí gaa veere, gaal Yíésu kúfáchlé Yerúsalem ki kufunanká yaalmitle mú hol geey.

Yuána 13:1

Aalé ˈjila máá ˈgasso-, urru-, Waaˈgietká hí gáál ˈdug gaa nadheká ka tirtirayyeká, Yíésu aleđuđugulle hát ali kí ˈdiiyye-, lésallá haađuo-, bííy ˈJaalle mé nannuoká hé onnoy. Mu hát gállé lesallo-, hí iiy yieká gielká in gielmit kinaallá taalle muí gáál ká ˈgie, muí gáál aargisie.

Yuána 17:4

ˈDaa giri hújích ye ka shiicheká yú beeteká, yáá ko lésallá gaa ˈduway.

Yuána 18:4

Yíésu hát he lulle il hí aargiˈdoká ógká, gáál af ki sedhe, gáál yiete, kieye, Mááya hí hol gaa ˈgeˈgete? yie.

Yuána 19:24

Gaal kieye, Giel ha ki eiy ˈdániny, kí hol koiy ki ˈduo, máá kot hí ˈdú ˈdoyyoká hí lilew, gaalí hol yie. Hééllá hatallá ˈdíéllá he ˈdeeny Waaˈgiet giri kieye, Gaal đafaraamchú hol gise, gielchú koiy ki ˈdodhdhe, yieká ˈduway. Yuoy hé kinaallá ekeyche.

Yuána 19:30

Yíésu ˈduuny kinaal ˈbuuteká kieye, He hé đue! yie, đo mé les ki ˈdoy, sidh hí yé gaa ˈdiiyye.

Yuána 19:36

Hééllá hatallá ˈdíéllá he giri hé Warˈgat Waaˈgiet hí hote-, kieye, Mú lafle hé lafit tikiˈde gaalí gaa ˈgieˈguoká mán, chieká, ˈduuwawká.

Yuána 4:34

Yíésu kieye, Hújích Máá ye ali gáá kaayká hí ye gaa fedo-, yú nannuo-, yú beđisatká in ˈguomchú.

He Ekeny Gál Alb Fimiká 13:29

Aalé gaal he lullé mú ˈdaalle ˈdugaka gaalí veereká đusieká, mú gálle mú ˈgór gáá leesie, mú ˈguoˈd gaa kaay.