Yuána 19:11 - Fayam Midhab Yiesu Kiristoká He Hol Af Iđiny Kaanaká

¹¹ Yíésu mú ˈdéé hol ˈdú nie, kieye, Kúún Waag ko fargogínt úr ma gáá shiinyka, kó fargogint ˈgayyo-, ye he ki mumuˈdoká mán. Tá máá kúún ko ye ali ˈdu gáá kaay-, kuun ye chegesoká nyúógíchle hé nyúógíchkú ˈdú guđo, yie.

Yuána 19:11 ပူးပေါင်းရင်းမြစ်များ

Matááyo 26:65

Tíkíˈdé kinaallá máá méte suoryoká hol đafar eiy ki fue, kieye, Mu har Waag chaara! ˈDeeny máre éíy taaka geđi ki egese? Hé muí hogodhóóllá in hí maalla háluke,

Matááyo 27:2

Gaal Yíésu gil hiigidhe, mú máá Bilááto lé-, lés kinaal mé ki yielká ˈdú eedhdhe.

Matááyo 6:13

Hé ˈdeđew-, maralle nyí ˈgayyaká nyí af gaa táátaʼ, nyí Sátan ka río. [Hééllá he ˈdaa giri gúch, ubaa fargogínt, tá meeny gálaat hí ko memeyoká lulle taalle bííyyo kuun hí léká! Iiy-hí, he hí hát kinaallá yeet.]

Márko 14:44

Máá Yíésu gál hí oos ˈgieká gíl geer gaa kakawallá íín kisso yaalmit gaalí Yíésu ki kimisatká gáál geey, kieye, Máá yú aˈdíne ˈdungoká mu hé kinaallá, mú ˈgiliˈgáa. Mú hí egeeteká mú hát ˈdabaanká chiˈdíe, gáál yie.

Lúka 22:53

Muun aadh lulle ˈBíl Waaˈgieto ke hol af ije, kor itín it ye đig ma chéen. Hééllá aadh ˈgas kíchia Waag hí itín ubaa Sátan ˈdú shiiche-, hí he gaa ekemeseteká ali kí ˈdiiyye, muí gáál yie.

Yuána 18:13

mú erkob Ánnas giri Kayáfas sodh léká met eey. Kayáfas he máá wár kinaalláka, máá méte suoryoká onnoyká.

Yuána 18:3

Aalé Yúúˈdas, yuoy ubaa gál ˈBíl Waaˈgietká ˈdedeen-, giri gál guguđo-, suoryoká, ubaa gál Farisaay hí ali ka fieká eedhdhe. Gaal nyátáá ubaa kat ˈjiet hí gaa boloonnoká, tá ˈgulo shuunne, ál kinaal mé nie.

Yuána 19:10

Aalé Bilááto kieye, Kúún kó ye ma ká geđîny? Yú hát fargogint kuun ko ki fufuroká ubaa ko ˈgór đarám yaalká ˈdug ˈdú yegeská ˈguoká kó múog? mú yie.

Yuána 3:27

Aaléka Yuána gáál ˈdéé hol ˈdú nie, kieye, Máádhat hé hé ˈguoká mán, ˈdaab Waag hí he úr ma gáá shíinyká.

Yuána 7:30

Mu ˈdeenyééllá tákáma hodhe, gál guguđo-, Yuuˈdiká đo mú ˈgiliˈgany gaa ˈgeˈgedhe, kor ˈdaa giri mú aleđuđugulle ali ma kí ˈdíinyká gaal hé máá níínní mú đig yieká mán.

Yuána 9:41

Yíésu kieye, Itín hí in mannânyka it onnônyka ađááb mán, kor káána hí kieye, Nyáá nyí biiy gaa argiyya, hí chegedhe háluke, ađaabanokícho hé itle hí gaa iđo, Yíésu hí gáál yie.

He Ekeny Gál Alb Fimiká 2:23

Máállá Waag hí gíl geer gáá kaayyééllá, he hát giri kis Waag hí tawuyye-, hí gaa feˈdeká in gál nyatalaam maamanká hí mú yiir kí chiˈde, mú hí ˈgór đarám yaalká ˈdú chies.

He Ekeny Gál Alb Fimiká 3:13

Waag giri Abiraayam-, Yisak-, tá Yakob-, giri eshim eshim kúnnaa kinaallá hé gédéchlé Yíésu ˈduwasiche. It mú gál kaansúoká gíl geer gaa kaayye. Af giri Bilááto mú ká hađieká fedeká ití mú Bilááto met gaa điite.

He Ekeny Gál Alb Fimiká 4:28

Gaal hééllá ekeyallá, fargogintkú ubaa he fedit kua héle kuuní ali koyyeká gaalí ki ekey.

Róóma 11:36

He met lulle Waago yé gáá ˈdie, ki ija, tá geđi Máállé íín hí le. Waag taalle bííyyo gaalí meemeyo! Iiy-hí, he hí hát kinaallá yeet.

Róóma 13:1

Máádhat hí les kansimanolle hemuumuritle el gaa iigiro, ˈdaa giri kansimano lesietallá máá éíy taaka hí gáál shieká mán-, Waag hí gáál shiicheká. Gál les met ki ˈgíéllá Waago hí hujichaam kinaallá met ki koyye.

Yákob 1:17

He lullé shiicho-, gaa ˈdabaan-, midhabká úrro he yé gáá ˈdeˈdeme. Hé shiichóóllá Waag úr édhúmle ká kuonneká he yé gáá ˈdie. Waag hé hát gaach hol gaa mamaˈdóóllá hol ma gaa mamadiny.

Yákob 4:17

Aaléka, máá hé ˈdabaanká ekemeyoká óg-, kor he ma ekemenyká, máá kinaallá ađáábo he ˈgaa.