Yuána 18:4 - Fayam Midhab Yiesu Kiristoká He Hol Af Iđiny Kaanaká

⁴ Yíésu hát he lulle il hí aargiˈdoká ógká, gáál af ki sedhe, gáál yiete, kieye, Mááya hí hol gaa ˈgeˈgete? yie.

Yuána 18:4 ပူးပေါင်းရင်းမြစ်များ

Matááyo 16:21

Ameeny kinaallá in Yíésu lalille geey, giri Yerúsalem mé nannuo-, ál kinaal káru ubaa gál guguđo-, suoryoká tá gál nyatalaamká hí manyjasiny guđoká mé ki kokuo-, gaalí yeges-, tá kúlích ki seđeká Waag hí logolnoycho-, Waag hí uushich yé gáá ˈdeđichoká.

Matááyo 26:2

kieye, Ram naam ˈgiteka hát ˈjila máá ˈgasso-, urru-, Waaˈgietká hí gáál ˈdug gaa nadheká ke ˈguoká it óg. ˈJiláállá afle yáá Iny Máádhátallá gál ye ˈgór đarám yaalká ˈdug ˈdú yegeská gíl geer ha gaalí ye gaa kakaa, yie.

Matááyo 26:21

golmoteká, Yíésu kieye, Yú hí hé ˈdúwaká geeye, itín mú tikiˈd gál ye oos ˈguoká gíl geer hai ye gaa kakaa, yie.

Matááyo 26:31

Aaléka Yíésu gáál geey, kieye, Itín chúúrééllá lulkícho in kar haí ye ká ˈdaraanna. Hééllá he hát Waag hí warˈgatle gaa hote-, giri mu kieye, Yú máá wála ˈdeˈdeenká ha yeese, wala íín eiy hai baađaa, muí yieká.

Lúka 24:44

Aalé mu gáál geey, kieye, ˈDeenyééllá ˈdeeny giri muun ke hol af ijeká yú hí geeyká, giri yú hí geey-, hé ˈdaachúka Móshe hí warˈgasamlé hemuumuritiká gaa veereká ubaa ˈdeeny chia gál Waag hí ˈdéé ka shigicheká hí warˈgasamle gaa veereká, héétí ubaa ˈdeeny chia gaalí warˈgat Arramká gaa veereká lulle hai ˈduuwaa, yú hí yieká, Yíésu hí gáál yie.

Yuána 13:1

Aalé ˈjila máá ˈgasso-, urru-, Waaˈgietká hí gáál ˈdug gaa nadheká ka tirtirayyeká, Yíésu aleđuđugulle hát ali kí ˈdiiyye-, lésallá haađuo-, bííy ˈJaalle mé nannuoká hé onnoy. Mu hát gállé lesallo-, hí iiy yieká gielká in gielmit kinaallá taalle muí gáál ká ˈgie, muí gáál aargisie.

Yuána 13:11

Kor it lulkícho ma saalnany, muí yíéllá, he ˈdaa giri mu máá ađááb ˈguo-, gál mú oosle ˈguoká mú ˈdu gáá egewká onnoyká.

Yuána 18:5

Gaal mú geey, kieye, Nyiin Yíésu Nasaretká nyí hol gaa ˈgeˈgete, gaalí yie. Yíésu kieye, Yíésu Nasaret he yú, yie. Yúúˈdas giri mú gáál ˈdu gáá eeyká hé gál kinaallá hurt gaa yiel.

Yuána 18:7

Mu geđi gáál yiete, kieye, He in mááya hí hol gaa ˈgeˈgete? yie. Gál giriká kieye, Yíésu Nasaretká, yie.

Yuána 19:28

Aalé el ˈdaal, Yíésu hát he lulle đusieká ógká in kieye, Yú báre ˈgaa, yie. Mu hééllá hodhééllá he ˈdeeny Warˈgat Waaˈgiet hí hoteká ˈduway.

Yuána 6:64

Tá itín ˈbaal it hátle iiy ma chéen, Yíésu hí gáál yie. Yíésu hatallá yíéllá, he ˈdaa giri mu íín kis gál hí iiy ma yéenká ubaa máá gál mú oosle ˈguoká mú ˈdu gáá egewká onnoyká.

He Ekeny Gál Alb Fimiká 2:28

Kó ye ˈgíérích luolmitiká argisiche, innumkú geer ha ye gaa memesicha. ˈDáwuˈd ˈdeenyééllá ˈdaa Kiristo he ki hodhe, Bétiro hí gáál yie.

Bétiro Erká 4:1

Aaléka, hát Kirísto gon hí boloyyééllá, kas tikiˈde muí ˈgúóllá far ki googóo, máá gon hí boloonká hé ˈdeđewká haađuoká.