Yuána 18:20 - Fayam Midhab Yiesu Kiristoká He Hol Af Iđiny Kaanaká

²⁰ Aalé Yíésu kieye, Yú les ˈdeeny édhká geey. Yú bar lullé ény ˈdiiyiminyká ubaa ˈBíl Waaˈgiet-, gál Yuuˈdi-, hí hol ˈdu gáá yiimetká gálaat he gaa oonisie. Yáá ˈdeeny níínní hát shuolitiká huogodheká mán.

Yuána 18:20 ပူးပေါင်းရင်းမြစ်များ

Matááyo 24:26

Tá har gaalí geey-, gaal kieye, Bá dhaayyíe, Kirísto ˈbakat álle gaa ija, gaalí yieka, haí bííy kinaallá mé níiny. Tá har gaal kieye, Mu ˈbílallá gaa ija, gaalí yieka, gáál héllé hí geđuoká haí iiy chéen.

Matááyo 26:55

Aalé Yíésu nyésébích hí ˈgiliˈgay kinaal geey, kieye, Itín hí ká chimie-, hí fado ubaa shar ká chirate-, hí ye ˈgiiliˈgayáállá, yú he máá les ˈjegeduokâ? Yú yáá bar lulle ma ka yímen, ˈBíl Waaˈgiet ma gaa yíéđíminy, gálaat he ma gaa oonisîny, tá har af kinaal hí ye má giliˈganya?

Matááyo 26:65

Tíkíˈdé kinaallá máá méte suoryoká hol đafar eiy ki fue, kieye, Mu har Waag chaara! ˈDeeny máre éíy taaka geđi ki egese? Hé muí hogodhóóllá in hí maalla háluke,

Matááyo 4:23

Aalé Yíésu lés Galilaaya geerle lúl gaa sedhe, ény ˈdiiyiminyká gálaat he gaa onisie, Fayam Midhab Guch Waaˈgietká gálaat ki ˈdiiyime. Mu basham ubaa fursam hátlé met hí hol ka burnayká gálaat yiem gaa ˈdeey.

Matááyo 9:35

Aalé Yíésu ˈjien ubaa forim lulle gaa sedhe, mu gálaat énylé ˈdiiyiminyká Fayam Midhab Guch Waaˈgietká gaa ˈdiiyime, gálaat basham ubaa fursam met lulle gaa eey.

Márko 8:32

Mu ˈdeenyééllá hát kaany mánká gáál geey. Aalé Bétiro mú tól eedhdhe, kerka mú afo tatie.

Lúka 21:37

Yíésu aadh lulle ˈBíl Waaˈgieto álle gálaat he gaa oonisie, tá a ˈdaa gelgaká gúm gaalí Gúm Saano Salabká yegetká állé he mé nannie.

Lúka 4:15

Mu gáál énylé Waaˈgiet ˈdiiyiminyká gaa oonisie, mú gálaat lulle hí meey.

Yuána 18:21

Tá háte ye hegesetóol? Gál hé yú huogodheká maaleká yíéso. Hé yú huogodhe kinaallá hé gaalí óg, yie.

Yuána 6:59

Hééllá af giri mu ˈbíl ˈdiiyiminy-, Kafarnaumká gáál he gaa oonisieká muí huogodhe.

Yuána 7:14

Aalé ˈjila gaalí ká naate-, toom ka ˈdoyyeká Yíésu ˈBíl Waaˈgietká nyáláárle geer hile, gálaat he onisie.

Yuána 7:26

Bá dhaayyíe, mu har gálaat met gaa ˈdiyime, kor gaal hé níínní mú ˈdú hogodhoká mánnaa! Gál ˈdeem mumuroká mu hát Messíyaká má ôg?

Yuána 7:28

Aalé Yíésu hátlé giri gálaat ˈBíl Waaˈgietká nyáláárle geer he gaa oonisieká af gaa guđoká ˈdéé ki hodhe, kieye, Itín it ye óg, ál yú gáá yimieká úba it óg. Tá yú yáá meenychú ma kí yímen. Máá ye ali gáá kaay-, itín hí muogká, hé tág ˈdúwa.

Yuána 7:4

Máá mee hí ˈdeernet-, fedoká héllé ekemeyoká hé ma kakany. Héél in ekemeyche háluke, hol les gálle argísish, mú nyaaramle hí mú yie.

Yuána 8:2

Bur biiy ká biˈdeká, Yíésu ˈjien hol ˈdú nadhe, geđi ˈBíl Waaˈgietká nyáláárle geer hile. Mú gálaat lulle hí ki made, mu đo les yíéđie, gáál he onisie.

Yuána 8:26

Yú yáá hé guđo-, hí ˈdú ˈdeđensetká ˈguo. Tá Máá ye ali gáá kaayká hé yú gaa maaleká in yú gálaat lésallá gaa geđia. Máá kinaallá hé ˈdúwa, muí gáál yie.

He Ekeny Gál Alb Fimiká 26:26

Máá kansich Agiríba lééllá úba hé ˈdeenyééllá óg, ˈdaa kinaallá in yú mú af gaa gúch ki geđia. Mu íín hé níínní hí in ki riteedheká mán, ˈdaa giri hééllá yé ka ˈdeˈdemeká shuolít gaa lalayká, muí Fésitos yie.