Yuána 18:13 - Fayam Midhab Yiesu Kiristoká He Hol Af Iđiny Kaanaká

¹³ mú erkob Ánnas giri Kayáfas sodh léká met eey. Kayáfas he máá wár kinaalláka, máá méte suoryoká onnoyká.

Yuána 18:13 ပူးပေါင်းရင်းမြစ်များ

Matááyo 26:3

Aalé gál guguđo-, suoryoká ubaa gál káruká ény máá méte suoryo-, Kayáfas léká me hí hol gaa arge.

Matááyo 26:57

Aalé gál giri Yíésu ˈgiliˈgayká Yíésu máá méte suoryo-, Kayáfas léká ˈdú eey. Ál kinaallá he ál gál gálaat nyatalaam oonisuoká ubaa gál káruká hí hol ˈdú sedheká.

Lúka 3:2

Aalé af giri Ánnas ubaa Kayáfas gál guguđo-, méte suoryoká onnoyká, Yuána giri Iny Sakariaká ˈbakate gaa ije, Waag hí ˈdéé ká shiiche.

Yuána 11:49

Aalé gaal íínííllá máá gaalí Kayáfas yegie-, wár kinaal geerle máá méte suoryo-, onnoyká ˈdéé hodhe, kieye, Itín gon hé níínní hí ógká mán.

Yuána 11:51

ˈDeenyééllá hé mú kasle yé ma gáá ˈdíiny. Mu ˈdaa giri wár kinaal geerle máá méte suoryo-, onnoyká in mu hé biiy met gaa ijoká huogodhe. Yaalmit giri Yíésu gál Yuuˈdi ˈdú kufunan-,

Yuána 18:24

Ánnas đo Yíésu hátlé gaalí gil hiigidheká yuoy geey, giri Yíésu gaalí máá méte suoryo-, Kayáfas léká ˈdú egewká.

Yuána 18:28

Aalé bar fuadheká gaal Yíésu Kayáfas álle gaa eedhdhe, mú máá Rooma kansichká ˈbíllé kansimoká eey. Gál guguđo-, Yuuˈdi-, gáál hol ˈgieká hé ˈbíl kansimo kinaallá náble geer ma híliny. Gaal ál kinaal hílinyka, saasso he kaadhdhe, hé ˈjila gólólle ma kokôny.

Yuána 19:11

Yíésu mú ˈdéé hol ˈdú nie, kieye, Kúún Waag ko fargogínt úr ma gáá shiinyka, kó fargogint ˈgayyo-, ye he ki mumuˈdoká mán. Tá máá kúún ko ye ali ˈdu gáá kaay-, kuun ye chegesoká nyúógíchle hé nyúógíchkú ˈdú guđo, yie.

He Ekeny Gál Alb Fimiká 4:6

Máá méte suoryo-, gaalí Ánnas yegieká ubaa gállé mú Kayáfas, Yuána, Alekesánda, tá mú gállé éíy yaab mare úba hé ál kinaal gaa ije.