Yuána 18:11 - Fayam Midhab Yiesu Kiristoká He Hol Af Iđiny Kaanaká

¹¹ Aalé Yíésu Bétiro ki ˈday, kieye, Faaˈd tobotle hol ˈdú naʼ! Kulu ˈJaachú hí ye ka shíéllá, yáá ma igimîny? yie.

Yuána 18:11 ပူးပေါင်းရင်းမြစ်များ

Matááyo 20:22

Yíésu gáál geey, kieye, Itín it hé hí rogononnoká muog. It kulu manyjasiny yú ál ˈjob igianallá úba hí igiannoká uˈdâ? yie. Aalé min helelle kieye, Nyáá nyí uˈda, yie.

Matááyo 26:39

Aalé mu biiy met á níínni mare ki sedhe, abúún ˈdíínie, Waag vite, kieye, Baabá, har tagle kátaka, kulu manyjasinyallá ye gaa éeb. Tá he hát yú fedoká hai yéen, hí hát kuuní feˈdoká yeet, yie.

Matááyo 26:42

Aalé Yíésu geđi hol nadhe, Waag vite, kieye, Baabá, har kulu manyjasinyallá ye gaa egeyyoká tagle muuniny-, yú he gaa igianká feˈdoka, he hí hát kuun hí ye ki feˈdoká yeet, yie.

Lúka 12:30

Kidh met lullé les gaa ijóóllá in hééllá lulle ˈgar aayaˈga. Tá ˈJaa kíchia Waag íín hééllá hát hí feˈdoká hé óg.

Lúka 22:42

Baabá, har feˈdoka, kulu manyjasinyallá ye gaa éeb. Tá he hát yú fedoká hai yéen, hí hát kuuní feˈdoká yeet, yie.

Yuána 15:10

Hát yú hemuumurit ˈJaachú ki yaal-, mú gielmitle gaa ijóóllá, itín har hí hemuumuritchú ki taalka, gielmitchú haí gaa yíéđianna.

Yuána 17:24

Baabá, gál ye ka shiichééllá, ál yú gaa ijoká úba yíéđian-, guch chia ye ka shiichééllá úba aargiroká yú fede. Kuun les hátle biiy gaa mán, in ye giel, ye guchééllá ká shiiche.

Yuána 18:36

Aalé Yíésu kieye, Guch chú hé guch lesallá muuniny. Guch chú guch lesallo-, onnônyka, gál chia yú mé ki yaalká hé onnônyka oos iđie, gál Yuuˈdi hé ye ma ˈgiiliˈgâny. Tá guch chú íín álle taaka, yie.

Yuána 20:17

Aalé Yíésu María geey, kieye, Ha ye chíran, yáá hátle ˈJaachú hol ma ˈdú náan. Sí, nyaaramchú géesh, yú ˈJaa chia-, ˈJaakícho-, Waag chia-, Waag kíchiaká hol ˈdú naadha, muí María yie.

Korínto ki Naamaká 10:4

ˈGulo ooso-, nyí ˈgayyáállá hé ˈgulo ooso-, lesalloká muuniny. ˈGulo ooso-, nyí ˈgayyáállá he fargogint Waag yé gáá ˈdiiyye-, nyí Sátan điđamle ubaa kas lesallóóllá kí aađaatká.

Korínto ki Naamaká 6:7

Fargogint Waaˈgiet nyí gaa iđóóllá ˈdaalleka in nyí Fayam ˈdúwáállá gálaat ki ˈdiyeenne, nyí ˈgulo ubaa radho ˈdúwa-, Waaˈgietká gil ká ˈgayya.

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.