Yuána 17:6 - Fayam Midhab Yiesu Kiristoká He Hol Af Iđiny Kaanaká

⁶ Yáá gál ye lésallá gáá shiicheká húgúmkú argisie. Gaal he gálkú, kúúni hí ye ká shiiche, gaal hé ˈdeenykú el gaa veere.

Yuána 17:6 ပူးပေါင်းရင်းမြစ်များ

Yuána 1:18

Waag hé kálta máá hí argeká mán. Máá ke Waag gaa onnodheká, he Iny ali ka takach-, Waaˈgiet-, ˈJaalle túmus ki koyká.

Yuána 12:28

Aalé mu hatal yieká kieye, Baabá, meenykú ˈduwásish! yie. Aalé ˈdéé hót úr yé gáá ˈdiiyye, kieye, Yáá ˈduwasie, tá geđi ha yú ˈduuwaya, chie.

Yuána 15:19

Itín hí lésallá gálle kátaka, les hát hí léká gálle onnônyka hé hí giel. Itín ˈdaa giri hí gál lesalloká muuniny-, yú hí waaˈde-, hí lésallá gíl sug ki haycheká in les gálle hí neb.

Yuána 15:3

Itín ˈdeeny chia yú hí geeyká ˈdaalleka, it káána kolm ye ki ˈgie-, ˈJaachú hí in hol ki nannuoká chie.

Yuána 15:7

Har hí ye gaa iđa-, ˈdeenychú hí gaa ijoka, hé hí feˈdeká heetíe, haí aargiˈda.

Yuána 17:12

Af giri gáál nyí hol ˈgayyeká meeny ye ká shiichééllá yú gáál in ki yiel, in gaal naanná ije. Gaal hé máá níínní muun gáál gaa ˈgiteká mán. Gálallá máállé tikiˈde-, muun gáál gaa ˈgiteká he iny baađawká tákáma, giri ˈdeeny kua warˈgát hí hoteká ˈduuwawká.

Yuána 17:14

Yáá gáál fayamkú shie. Tá ˈdaa giri gaal íín hát yúka, gál lesallo-, muuninyká, gáál hé les gálle hí nebedhe.

Yuána 17:16

Hát tikiˈde yú máá lesallo-, muuninyallá, gaal íín úba hé gál lesallá muuniny.

Yuána 17:2

Kuun kó kansim yáá Iny kuallá hí gálaat lulle he ki mumuroká ye shiiche, giri gál ye ka shiicheká lulle yú luolmit biiyoká shiguoká.

Yuána 17:24

Baabá, gál ye ka shiichééllá, ál yú gaa ijoká úba yíéđian-, guch chia ye ka shiichééllá úba aargiroká yú fede. Kuun les hátle biiy gaa mán, in ye giel, ye guchééllá ká shiiche.

Yuána 17:26

Yáá gáál ˈduuwkú onisie, gaal ko onnodhe, tá gáál taalle ha yú ko oonisia, giri gielmit ye gielká úba gáál gaa iđo-, yú úba gáál gaa ijoká, Yíésu hí ˈJaalle yie.

Yuána 17:7

Aalé káána, gaal he lullé ye ka shiicheká hát ko yé gáá ˈdieká hé kimite.

Yuána 18:9

Hééllá hatallá ˈdíéllá, he ˈdeeny muí hodhe-, giri mu kieye, Gál ye ka shiichééllá hé máá níínní hí gaa baađawká mán, muí yieká, ˈduuwawká.

Yuána 6:37

Gál ˈJaachú hí ye ká shiguoká lulle ha ye ˈdú gáá yiimedhe, tá máá ye ˈdú gáá yimetká yáá ma aruminy.

Yuána 6:39

Máá ye ali gáá kaayká hát he fedoká he gál muí ye gíl geer ká fieká mú tikiˈd úba hí ma gaa baađany-, kúlích biiy el ˈdaˈdká gáál lulle yú uushim yiem gáá ˈdeđuoká.

Yuána 8:51

Yú hí hé ˈdúwaká geeye, máá ˈdeenychú ki yaalká taalle bííyyo hé kúfach il hí ma aargiriny, Yíésu hí gáál yie.

Yuána 8:52

ˈDéé umutéél tákáma muí hodhe, gál Yuuˈdi đo kieye, Hát aryáán ˈgayyoká káána gon nyáá nyí kimisate. Abirááyam hé guraam hí guure, gál Waag hí ˈdeem ká shigicheká úba hé guraam hí guure. Tá háteeye kúún geđi kieye, Máá ˈdeenychú ki yaalká taalle bííyyo hé kúfach il hí ma aargiriny, chegedhe?

He Ekeny Gál Alb Fimiká 13:48

Aalé kidh héél maaleká ger hí gaa meedhe, ˈdeeny Máá Guđoká meey. Ameeny gál giri Waag hí luolmit biiyoká gíl ki helicheká ˈdéé iiy yie.

Róóma 11:2

Waag hé gállé-, héle waaratééllá ma đíin. Itín ˈdaa Eliyaka hé Warˈgat Waaˈgiet hí hoteká it ógká muunîny, giri Elíyalle Waag ki buoy-, gál Yisirayel ˈdeente-,

Korínto ki Naamaká 4:6

Muun Waag tikiˈde kieye, Edhum hí bííy gaa ongʼoˈdeká yé gáá ˈdie, chieká in muun kaskúnno édhúmle gaa iđiche, giri ke mú ˈduuwle oonnootká. Waag ˈduuwlééllá in gálaat hí Kirísto gaa aargira.

Kolosááya 3:16

ˈDeeny Kiristo hát ˈdabaanká ger gaa iđitíe. ˈDaalim Waag hí shigichoká lulle hol ki oonisía, hol af ki taatáa. Arram Warˈgat Waaˈgiet gaa ijoká ubaa arram gálaat hí Waag ki ˈdoyká, héétí arram itín hí Waag ki memeycho-, gerkícho yé gáá ˈdeˈdeenká ˈdaaramíe, hol ki guogofsía, Waag gielmít hol ˈdú naannáa.

Tímote ki Naamaká 1:13

Gálaat oonisichoká, he onisiny ˈdúwa-, ye gaa maallééllá yaalmitle énnig, Yiesu Kirísto taalle iiy áat, gielmit Kirísto hí ko aargisúóllá gálaat ki géélneb.

Héberew 2:12

hát káána mu ˈJaalle geey-, kieye, Yú meenykú nyaaramchú met ha gaa ˈdiyime, gálkú hurtle arram ha yú ko ki meeye, muí yíéllá.

Héberew 3:6

Kirísto íín he Iny Waaˈgiet, máá Waag umle hát ˈdabaanká mé ki yaalká. Múún íín he ke um Waaˈgiet. Hé kinaal har muun ke hé ki ˈduuwle óg-, ke hol bal ki ˈdaraan-, ke met egessóóllá hát ˈdabaanká ke ki yaalka.

Bétiro Erká 1:1

Yú he Bétiro, máá ali gaa kaany-, Yiesu Kiristoká. Warˈgatééllá it Waag hí waarate-, hí lésallá ma lileny-, hí lés Bontos, lés Galatia, lés Kabaˈdosha, lés Asia, tá lés Bidhinia gaa iđáállá yú hí ˈdu gáá verene.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Kí Edhesiny 2:13

Itín hát ˈjien kara guchi-, Satanká hí gaa yaalká hí gaa iđaká yáá óg, tá it meenychú tág ki ˈgiiyya. Har úba máá chia ˈdúwa-, ˈdeenychú gálaat geđie-, Ántibas lé-, ˈjien Sátan hí gaa iđoká álle gaalí hurtkícho ki yieska, it iiy yeen hí ye iiy chieká ma đíiny.

Kí Edhesiny 3:10

Aalé ˈdaa giri ˈdeeny chia kieye, mé ki chirtíe, chieká hí chirateká, aaléka af giri manyjany les gáá ˈdeen-, gál les ˈdú ijoká lulle he il hí aargiˈdoká, hé kinaal ha yú hí ká riidha.

Kí Edhesiny 3:8

Húgúmkícho yáá óg. Bá dhaayyíe, yáá hí kar af kí fure. Kár kinaallá hé máá níínní hí af gaa kokuoká mán. Hát hí fargogint guđoká mánká yáá óg, tá it ˈdeenychú chirate, meenychú ma đíin.