Yuána 17:26 - Fayam Midhab Yiesu Kiristoká He Hol Af Iđiny Kaanaká

²⁶ Yáá gáál ˈduuwkú onisie, gaal ko onnodhe, tá gáál taalle ha yú ko oonisia, giri gielmit ye gielká úba gáál gaa iđo-, yú úba gáál gaa ijoká, Yíésu hí ˈJaalle yie.

Yuána 17:26 ပူးပေါင်းရင်းမြစ်များ

Yuána 14:20

Kúlích kinaallá hát yú ˈJaachú gaa ijo-, itín hí ye gaa iđa-, tá yú hí gaa ijoká eiy haí naasata.

Yuána 14:23

Yíésu mú ˈdéé hol ˈdú nie, kieye, Máádhát ye geelnedheka, he onisinychú el hai gaa verene. ˈJaachú mú hai geelnedhe, mú ha nyí ˈdu gáá chiimedhe, afo nyí hol yíéđianna.

Yuána 15:15

Yáá geđi hí géde ma yegen, ˈdaa giri gedech máállé hí hoteká héllé ekemeyoká muogká. Yáá káána hí sheelchú yie, ˈdaa giri he lullé yú ˈJaachú gaa maaleká, yú hí geeyká.

Yuána 15:4

Ye gaa yíéđía, yú hí gaa yíéđia. Kolmit hé tákámle ma higisiny, ˈgórle ki taalka, in higita. Itín hí ye ma ki ˈgiinyka, it ma higisiny.

Yuána 15:9

Gielmit ˈJaachú hí ye ká ˈguoká in yú hí ká ˈgaa. Gielmit chiallá gaa yíéđía.

Yuána 17:23

Hát yú gáál gaa ijo-, kuun ye gaa iđóóllá, gaal hí hát ˈdabaanká tikiˈd yeet, giri les gálle hát kúún ye ali gáá kaayye-, gielmit kuun hí ye gielká, úba kuun hí gáál gielká kiimisatká.

Yuána 17:6

Yáá gál ye lésallá gáá shiicheká húgúmkú argisie. Gaal he gálkú, kúúni hí ye ká shiiche, gaal hé ˈdeenykú el gaa veere.

Yuána 17:8

Fayam ye ka shiicheká yáá gáál shie, hé gaalí iiy yie. Gaal hát yú ko yé gáá ˈdieká hé eiy naate, tá kuun hát ye ali gáá kaayyeká úba hé iiy yie.

Yuána 6:56

Máá gónchú kuo-, fáschú ˈjioká taalle hai ye gaa ija, yú úba taalle mú ha gaa ija.

Yuána 8:50

Yú yáá hol ˈdúúw ma ki ˈgeˈgen, Máá ye ˈdúúw ki ˈgeˈgedhoká yáá ˈguo. Máá kinaallá ííni he hol eiy gaa ním og.

Róóma 8:10

Aalé káána Kirísto hí gaa ijóóllá, gónkícho har káána úba ˈdaa ađaabanokáka kufunannoka, Hím Naasan Waaˈgiet hé hí luolmit biiyoká shiiche, itín káána Waag innumleka, hí gál ˈdúwaká.

Korínto Erká 1:30

Tá Waag hé itín ubaa Yiesu Kirísto hí hol ˈdú fiiyye, Kirísto ˈdaalimkúnno hoyche. Kirísto ˈdaalleka Waag hé muun gáál gál ˈdúwaká hoyche, gáál gálle hosote, gáál ađaabano gim yé gaa ˈdeeyche.

Korínto Erká 12:12

Gón máádhat hé met hí hol ká burnayyeká. Tá metlé hol ká burnayye kinaallá in gon tikiˈd hoyche. Gón Kiristo úba hát tikiˈdééllá.

Galátia 2:20

Aaléka, hát Kirísto ˈgór đarám yaalká ˈdú kufééllá in yíéđiny chia kis yú ki ijeká úba kuyye. Luolmit káána yú ˈgúóllá hé luolmitchú muuniny, he Kirísto luolmitlé ye gaa iđa. Luolmit yú ˈgúóllá iiy yeen chia-, yáálle Iny Waaˈgiet ye giel-, ye hol ˈdu gáá sillie-, yú iiy yieká ˈdaallé ki taalla.

Eféso 1:6

giri mú ˈdúˈjímlé-, ˈdúwáállá taalle ke mú ki memeyoká. Waag ˈdúˈjímlé-, múún gáál ˈdú ookodmichóóllá mú inylé galaamká ˈdaallé muí muun gáál ki shie.

Eféso 3:17

Yáá úba hí Waag kí rogonon, giri Kirísto ˈdaa iiy yeenkíchoka, gerkícho gaa yíéđianká. Héétí gielmit hí Waag ubaa gálaat ka ˈgayyaká hí hidh ki aruanna-,

Eféso 5:30

ˈdaa giri muun áwúlkúnno ki mú gónléká.

Eféso 5:32

Hééllá he onisiny ki af ˈdaˈdaboká, tá yú Kirísto ubaa gálle héllé hogodho.

Kolosááya 1:27

Waag hé muˈdeká he giri héllé geer geđííllá ˈduuwlé guđoká hát kidh lulle hí léká gálle kí eedhesichoká. Waag héllé geer geđííllá hélle kieye, Kirísto hé hí gaa ijo. ˈDaa kinaallá ˈdugaka in aadh ˈdaatika Guch Waaˈgiet itín hát hí léká hí og.

Kolosááya 2:10

Aalé ˈdaa giri itín hí Kirísto hol ˈdú faanneká, Kirísto hé hí gaa ijo, it he lullé luolmit kíchia kaana-, hí argiyyééllá ˈduwasichoká argiyye. Kiristóóllá in kansimano lulle mé.

Kolosááya 3:11

Aalé káána it ál níínní hol ki fooˈdo-, hí kieye, Máállá máá Hellen, máállá máá Yuuˈdi, máállá hé hermite, máállá hé ma hermísan, máállá máá kídh éíy, máállá máákúnno muuniny, máállá he gedech, máállá he máá ˈdúwaká hí hol ki chegetoká mán. Kirísto ííni gúúđo, gál hí iiy yieká lulle gaa ija.

Dhesaloníke ki Naamaká 2:16

Aalé Máá kúnnaa Guđo Yiesu Kirísto dhúrle ubaa ˈJaa kúnnaa Waag gáál giel-, ˈdaa ˈdúˈjímle ˈdugaka gáál góf biiyoká ubaa hé midhab ke met egesoká ka shíéllá,

Héberew 2:12

hát káána mu ˈJaalle geey-, kieye, Yú meenykú nyaaramchú met ha gaa ˈdiyime, gálkú hurtle arram ha yú ko ki meeye, muí yíéllá.

Yuána Erká 3:24

Ameeny máá hemuumurit Waaˈgiet met gaa kekeenká, hé Waag gaa ijo, tá íín úba hé Waag hí gaa iđo. Waag hát muun gáál gaa iđo-, ki ógká hééllá: Mu Hím Naasanlé gáál ká shíéllá ke ki og.